San Lucas 8:15 - Nuevo Testamento Uwotjüja

¹⁵ Ja̧'wa̧ta̧nü̧ rȩjȩ adiwomȩ ma̧ä̧chi̧nü̧ jä̧ji̧mä̧, Dio i̧wȩnȩ tta̧mi̧so'kinä̧ adiu 'chu'ädü ä̧ju̧ku̧, ji̧yȩnä̧tä̧ ukuotü kkä̧nü̧, u̧wä̧ju̧ kku̧nä̧rä̧tü̧rü̧ wȩnȩkuä̧cha̧'a̧.

TÄ̧DO Ä̧CUÄ̧ I̧HUȨNȨ

¹⁵ Ja̧'hua̧nö̧ ja̧'a̧nä̧ jacuä jähuä rȩjȩ adihuome ma̧ä̧chi̧nö̧mä̧, korotö Dios i̧huȩnȩ ttami iso'quinä adiu ä̧ju̧cu̧, Dios i̧huȩnȩ päö ta'anö jȩpä̧tö̧ jä̧'i̧nö̧'a̧nö̧ huotö. Ja̧'hua̧ta̧nö̧ adihuä juäinätä cue'ächö, u̧huä̧ju̧ adiu huȩjä̧u̧.

San Lucas 8:15 Referans Kwoze

Hebreos 10:36

Isopäi'ünä̧ rekuo ja̧'a̧nä̧ kua̧mi̧ 'ki'ächi'ü tta̧'a̧rä̧tu̧kui̧, Dio-rü pä̧wä̧rü̧jü̧ jȩpü̧ kä'ädi'ü'kotü, iya päinü̧ kuȩmä̧tu̧kuä̧kua̧'a̧nü̧.

San Lucas 6:45

Ttü̧ja̧sa̧ adiwä i̧sa̧mä̧, a̧mi̧so'kittümä̧ adiwäjueitä rä'epü. Ja̧'wa̧ta̧nü̧ ttü̧ja̧sa̧ su̧ro̧pa̧mä̧, a̧mi̧so'kittümä̧ surojütä rä'epü. Jua'amä̧, a̧mi̧so'kinä̧ ȩjü̧tä̧tä̧, änä̧mä̧ räopa'a ukuoku.

1 Juan 2:3

Chutä weinü̧ ukuotü jȩpü̧ tü̧ja̧kua̧'a̧ttü̧, Jua̧u̧ru̧ wo̧juä̧tü̧jä̧.

Colosenses 1:10

Ja̧'wa̧nü̧ jo̧mȩnä̧, Tu̧ru̧wa̧rü̧ pä̧wä̧rü̧jo̧mȩnä̧ ku̧ja̧kuä̧kuo̧tü̧jä̧, adiwäjuei o'kajuiyünä̧ jȩ'kuä̧tu̧ku̧mä̧ u̧wä̧ju̧ kkü̧nä̧'i̧nä̧, Dio ütü'kü'i̧nä̧ yaboku ku̧wo̧jui̧'ä̧kuo̧tü̧jä̧.

Colosenses 1:6

jua̧u̧mä̧ ukuturu'i̧nä̧ rȩbȩwi̧na̧'a̧. Jua̧u̧mä̧ rü̧ȩnä̧ yo'äwi'ü rü̧ä̧cha̧'a̧ pi̧jä̧ o'kajuiyünä̧. Ukuturu Dio rȩrü̧jü̧ toü kuä̧ju̧kui̧nä̧tu̧kuo̧mȩttü̧ kkä̧mä̧dü̧.

San Juan 14:15

Isopäi'ünä̧ ttürü eseu repekuätukuttümä̧, wedümä̧ kukuotäkuotüjä̧.

San Lucas 11:28

Päjiyäku, pä'inü̧: —¡Jua̧u̧'i̧nä̧ ja̧'a̧nä̧, juȩnȩ abonä̧nü̧ rü̧ȩnä̧ eseäkuäwä kka̧'a̧, Dio i̧wȩnȩ ä̧ju̧ku̧ ukuotätürümä̧!

Filipenses 1:11

Isopäi'ünä̧ Jesucrito ppäda'anä̧tä̧, adiwäjueimä̧ jȩ'kuä̧kuo̧tü̧jä̧ ttü̧ja̧ Dio-rü ukuotü tteseäkuäwarü pä'ümä̧.

Romanos 7:4

Ja̧'wa̧ta̧nü̧ ja̧'a̧ chawaruwä chü̧jä̧wa̧tü̧ ukutu'i̧nä̧, Crito-rü kuiyäwätukuomȩnä̧mä̧, jua̧u̧tä̧ku̧ 'korujuo'ächinä̧tü̧jä̧ weäwä wȩnȩttü̧mä̧, kka̧ra̧ wa'arettü tto'ädinü̧ isotü päkui'ätukua pä'ümä̧. Ja̧'wa̧nü̧ jo̧mȩnä̧ u̧wä̧ju̧mä̧ adiwäjuei Dio-rü ȩpü̧ tiyäkuotüjä̧.

Romanos 6:22

Ja̧'wa̧nü̧ ji̧na̧'a̧nä̧, jitämä̧ surojüttü rä'epü ikuinü̧ o̧'ko̧u̧mä̧, Dio-ku dodepinä̧tü̧jä̧ umüwäyotü kuätukua pä'ü. Ja̧'wa̧nü̧ ja̧'a̧ jua̧u̧ u̧wä̧ju̧mä̧ surojü juiyünä̧ kkä̧nü̧, päjuriyänä̧mä̧, kkä̧kuä̧wä̧ i'ko ȩmä̧wä̧ ja̧'a̧.

San Juan 15:10

Ttü wedü wȩnȩ kukuotätukuttümä̧, ttü eseu repedünä̧ kka̧kuä̧tü̧jä̧, ttü'i̧nä̧ chä'o weü wȩnȩ ukuotü chü̧jo̧mȩnä̧, Chä'o eseu repeünä̧ chü̧jü̧ta̧'a̧nü̧.

San Mateo 24:13

Ja̧'wa̧nü̧ ja̧'a̧nä̧ pi̧jä̧ beipächomȩbü päi'ünä̧, a̧mi̧ 'ki'ächi'ü kkü̧mä̧ ra̧wä̧pi̧jü̧ttü̧mä̧ ü̧ji̧pä̧kua̧,

Hebreos 2:1

Ja̧'wa̧nü̧ ja̧'a̧ttü̧, tä̧ju̧kuä̧'i̧jü̧mä̧ adiu ttu̧'ȩpä̧rü̧nü̧ tä̧ju̧kua̧ pä'ü rekuä rü̧ja̧'a̧. Jueü mä̧nä̧ttü̧ 'kȩtȩkuä̧chü̧ juiyäkua'anü̧.

Efesios 2:8

Isopäi'ünä̧ mikuä juiyünä̧tä̧ surojüttümä̧ kka̧kui̧pi̧nä̧tü̧jä̧, kua̧'kua̧ ku̧wȩnä̧rä̧tu̧kuo̧mȩttü̧, jua'a'i̧nä̧ ukutu jäwä jo̧ka̧'a̧tä̧, Dio rettü ppädina̧'a̧tä̧.

1 Corintios 7:19

Isopäi'ünä̧ ji̧nä̧so ji̧yȩtä̧ ukuo kkü̧mä̧ Dio weinü̧ wȩnȩtä̧ ja̧'a̧ ja̧'wa̧ta̧nü̧ circuncisión jȩä̧kuä̧wä̧'i̧nä̧, jȩä̧kuä̧wo̧kü̧'i̧nä̧ iso jäwämä̧kü̧ ja̧'a̧.

Romanos 7:18

Ja̧'wa̧ta̧nü̧ ttü chidepänä̧mä̧ adiumä̧ kko̧ka̧'a̧ pä'ü wo̧jua̧sä̧; ja̧'wa̧nü̧ ja̧'a̧ttü̧ jakuänä̧mä̧ jȩcha̧ päda'anä̧, wä̧mȩnä̧mä̧ jȩchü̧ juiyünä̧ wa̧sä̧.

Romanos 2:7

Tturuwo, wa'ü ikuäwokü, ukuo jäwä Dio iyatü pä'ü tta̧'ä̧rü̧nü̧ adiwä juei jȩpü̧ kki̧nä̧tü̧rü̧mä̧, Dio-mä̧ kkä̧kuä̧wä̧ i̧yä̧kuä̧u̧.

Santiago 1:4

Ja̧'wa̧nü̧ ja̧'a̧nä̧ ja̧u̧ kujurutukunä̧ juekuächäkuäwära̧'a̧, ja̧'wa̧ta̧nü̧ jo̧mȩnü̧ buojuoäwära̧'a̧ kkoro'i̧nä̧ rekuä rü̧jü̧ juiyünä̧ ȩpa̧'a̧nä̧ kua̧mi̧ 'ki'ächi'ätukui.

San Lucas 8:14

Ja̧'wa̧ta̧nü̧ so̧ä̧'kua 'kä̧tȩ jo̧mȩ ma̧ä̧chi̧nü̧ jä̧ji̧mä̧, Dio i̧wȩnȩmä̧ ttä̧ju̧kua̧'a̧nä̧, ji̧yȩnä̧tä̧ ttü̧jo̧mȩnä̧, 'kuo̧pa̧ja̧'a̧nä̧ tta̧'kua̧ roekuäkuäwänä̧, pärätänä̧, pi̧jä̧ üadiwänä̧, u̧wä̧ju̧ ttiyü juiyünä̧tä̧ ma̧'ä̧mä̧tü̧rü̧ wȩnȩkuä̧cha̧'a̧.

San Lucas 8:16

Ra̧pa̧ra̧ rȩdȩti̧'i̧pü̧mä̧ 'kä̧nä̧ri̧yu̧ jakuä mü̧'ȩpü̧mä̧ ya̧tȩ'i̧nä̧ kku̧nä̧wo̧kü̧ ja̧'a̧. Ja̧'wa̧ta̧nü̧ cama-ppä̧ dȩa̧'a̧'i̧nä̧ kku̧nä̧wo̧kü̧ ja̧'a̧, ji̧nä̧somä̧ ju'toju jo̧mȩ kku̧nä̧wä̧ dodepätürü tȩya̧u̧ kkȩdȩpü̧nä̧.

Romanos 8:25

Ja̧'wa̧nü̧ ja̧'a̧nä̧, ji̧nä̧ totokü tta̧tä̧ro̧mȩnä̧mä̧, tta̧mi̧'ki'ächi'ü tta̧'a̧rä̧tü̧jä̧.