San Lucas 7:34 - Nuevo Testamento Uwotjüja

³⁴ Ja̧'wa̧nü̧ ja̧'a̧nä̧, ttü Ubo i̧tti̧, chu̧kuȩ'i̧nä̧ ku, au'i̧nä̧ au chichina̧'a̧mä̧ pä'ätüjä̧: «Topätukui, chujuarü, u̧kuȩ'i̧nä̧ kuru ja̧'wa̧ta̧nü̧ vino awäwä i̧sa̧rü̧ ja̧'wa̧ta̧nü̧ Roma-ra̧'a̧ weäwä ka̧ka̧tä̧'i̧jä̧tü̧'i̧nä̧, suronä̧ jȩpä̧tü̧'i̧nä̧ tta̧wa̧ru̧wa̧tä̧ wa̧rü̧,» jü̧nä̧.

TÄ̧DO Ä̧CUÄ̧ I̧HUȨNȨ

³⁴ Ja̧u̧nu̧ o'ca'a ttö, Ubo I̧tti̧ chichomenä, chu̧cuȩ'i̧nä̧ cusä. Au'inä ausä. Ja̧'hua̧nö̧ ja̧'a̧ ucutu pä'ätöjä ttörö: “Ja̧u̧mä̧ rö̧ȩnä̧ cu. Ja̧'hua̧ta̧nö̧ rö̧ȩnä̧ au. Ja̧'hua̧ta̧nö̧ ja̧u̧mä̧ suronä jȩpä̧tö̧'i̧nä̧, ru̧hua̧ öäre pärätä ȩmä̧'i̧jä̧tö̧'i̧nä̧ tta̧hua̧ru̧hua̧do”, pä'ätöjä ttörö.

San Lucas 7:34 Referans Kwoze

San Lucas 15:2

Ja̧'wa̧nü̧ ji̧yä̧u̧ fariseo wotü'i̧nä̧, weäwä wȩnȩ wo̧juȩkuä̧ isotü'i̧nä̧, pä'ä'chinä̧tü̧: —Suronä̧ jȩpä̧tü̧ku̧tä̧ eseku, juätükutä u̧kuȩ'i̧nä̧ kuä'chü jȩpü̧, jü̧nä̧.

San Juan 12:2

Juorü Jesú-ru eseu ttu̧kuȩ kuinä̧tü̧; Marta-mä̧ ttu̧kuȩ iyä'chinä̧ju̧ ja̧'wa̧nü̧ ja̧'a̧ Rázaru'i̧nä̧ juätütäku mesa isodänä̧ pä̧nü̧ u̧kuȩ kuinü̧.

San Lucas 19:7

Ja̧'wa̧nü̧ jȩa̧'a̧ topü, ttü̧ja̧mä̧ o'katoi'ünä̧ ukuokuinätü̧: Toku pä'ü Jesú-mä̧, suronä̧ jȩä̧kuä̧wä̧ i̧sa̧ ojusodenä̧ do'ächa'attü̧ pä'ü.

San Lucas 14:1

Jesú-mä̧, sawaru mo̧ro̧ fariseo wotü ttu̧ru̧wa̧ ojusodera̧'a̧ttü̧ u̧kuȩ kuä̧nü̧ i̧'chä̧ja̧'a̧, kkorotü fariseo wotü'i̧nä̧ ji̧nä̧ ttiweyettü to̧ttä̧ri̧nä̧ku̧.

San Lucas 7:36

Ya̧tȩ fariseo wa̧ ojusodera̧'a̧ttü̧, Jesú-ru u̧kuȩ ukuäja pä'ü ä̧tȩpä̧jä̧ku̧ mesa isodänä̧ ü̧'ä̧mä̧dä̧ja̧'a̧.

San Lucas 5:29

Mateo-mä̧ ojusodettü, Jesú-ru eseu ü'ä'käri jȩi̧ni̧yä̧ku̧; ja̧'wa̧nü̧ u̧ju̧na̧'a̧ kkorotü impuesto ka̧ka̧tä̧'i̧jä̧tü̧'i̧nä̧ ja̧'wa̧ta̧nü̧ kkorotü'i̧nä̧ juätütäku mesa isodenä̧ pȩji̧nä̧tü̧.

San Mateo 9:11

Ja̧'wa̧nü̧ ukua'a topü, fariseo wotümä̧, Jesú u̧wo̧juȩtä̧u̧rü jä'epü ä̧ju̧kui̧nä̧tü̧: —¿Tta̧'a̧nü̧ pä'ü ku̧ru̧wa̧tu̧ku̧mä̧ Roma-ra̧'a̧ iyäwä pärätä ka̧ka̧tä̧'i̧jä̧tu̧ku̧'i̧nä̧, suronä̧ jȩpä̧'i̧jä̧tu̧ku̧'i̧nä̧ u̧kuȩmä̧ ukua'ajä̧ttü̧?

San Juan 2:2

Ja̧'wa̧ta̧nü̧ Jesú'i̧nä̧ u̧wo̧juȩtä̧u̧ku ttä̧tȩpi̧nä̧ku̧, jua̧u̧ ü'käu pä'kärira̧'a̧ i̧'cha̧ pä'ü.

San Lucas 11:37

Jesú ukuoku kädomȩnä̧, fariseo wa̧ ojusodera̧'a̧ttü̧ u̧kuȩ ukuächiyarü pä'ü ä̧tȩpi̧nä̧ku̧. Ja̧'wa̧nü̧ ja̧'a̧ 'chä̧wi̧'ä̧ji̧'ka̧ mesa isodänä̧ pä̧mä̧di̧nü̧.

San Mateo 5:46

Isopäi'ünä̧ ukuturu adiu jȩpä̧tü̧rü̧tä̧ re kkä̧nü̧ kuesewätukuttümä̧, ¿Däje premio kuemä̧tu̧kuä̧kua̧'a̧jä̧ttü̧? jua̧u̧mä̧ jȩttä̧'i̧jü̧, Roma-ra̧'a̧ iyäwä pärätä ka̧ka̧tä̧tü̧'i̧nä̧.

San Mateo 11:19

Jua̧u̧nü̧ o'ka'a ubo I̧tti̧ ichinü̧ u̧kuȩ'i̧nä̧ kuäkuäwä i̧sa̧ ja̧'wa̧ta̧nü̧ au'i̧nä̧ awäwä i̧sa̧ pä'ätü, ja̧'wa̧nü̧ ichina̧'a̧mä̧ pä'ä'ijätü: Pidemä̧ 'kuäopünä̧tä̧ kuäkuäwä i̧sa̧, vino-tä̧ awäwä i̧sa̧, suronä̧ jȩpä̧'i̧jä̧tü̧tä̧ ja̧'wa̧ta̧nü̧ pärätä ka̧ka̧tä̧'i̧jä̧tü̧tä̧ tta̧wa̧ru̧wa̧tä̧ wa̧, jü̧nä̧. Ja̧'wa̧nü̧ ja̧'a̧nä̧ Dio iyü wo̧juä̧wä̧ wȩnȩmä̧ jȩttü̧ttü̧tä̧ topü wo̧juä̧wä̧ ja̧'a̧.

San Lucas 7:33

Isopäi'ünä̧ bautizo jȩä̧kuä̧wä̧ i̧sa̧, Ju̧a̧-mä̧, u̧kuȩ'i̧nä̧ kuokü, vino'i̧nä̧ awokürümä̧, ukutumä̧ pä'inä̧tü̧jä̧: «Äwettärü kku̧nä̧rü̧,» pä'ü.

San Lucas 7:35

Ja̧'wa̧nü̧ ja̧'a̧nä̧, wo̧juä̧wä̧ wȩnȩmä̧, Dio i̧tti̧mü̧tä̧ ttu̧wo̧juö̧ ja̧'a̧.