San Lucas 7:33 - Nuevo Testamento Uwotjüja

³³ Isopäi'ünä̧ bautizo jȩä̧kuä̧wä̧ i̧sa̧, Ju̧a̧-mä̧, u̧kuȩ'i̧nä̧ kuokü, vino'i̧nä̧ awokürümä̧, ukutumä̧ pä'inä̧tü̧jä̧: «Äwettärü kku̧nä̧rü̧,» pä'ü.

TÄ̧DO Ä̧CUÄ̧ I̧HUȨNȨ

³³ Juan el Bautista ichomenä, u̧cuȩ i̧ri̧si̧'i̧nä̧ cuocö pi̧nö̧. Vino isoya'inä ahuocö pi̧nö̧. Ja̧'hua̧nö̧ ja̧'a̧ ucutu pä'ätöjä: “Ja̧u̧mä̧ espíritu su̧ro̧pa̧ ö̧jä̧cu̧ pä'ö”, pä'ätöjä.

San Lucas 7:33 Referans Kwoze

San Lucas 1:15

Ja̧'wa̧ta̧nü̧ jua̧u̧mä̧ Dio ä'ka jo̧mȩttü̧ ukuo i̧sa̧ jä̧kua̧. Vino isoya'i̧nä̧ ja̧'wa̧ta̧nü̧ niyaiya'i̧nä̧ awokü jä̧kua̧, uwäpächäkua'a Ä'kanä̧tä̧ päi'ünä̧ Epíritu Sa̧tu̧mä̧ jo̧mȩnü̧ ü̧jä̧kua̧.

San Marcos 1:6

Ju̧a̧ ü̧'ka̧tä̧wä̧ta̧mä̧, camellu uwo'chettü adikuä̧ta̧ 'ka̧tä̧wi̧nü̧. Äkäisäyamä i̧sa̧ i̧jȩta̧ttü̧ adikuäya ti̧'ä̧dä̧kuä̧wi̧nü̧. U̧kuȩmä̧ ji̧ri̧chu̧tu̧ru̧tä̧ kuinü̧ ja̧'wa̧ta̧nü̧ a̧wȩmä̧ de'a mayatä awinü̧.

Hechos 2:13

Kkorotümä̧ ja̧'wa̧nü̧ pätta'anä̧, kkorotütä ya̧'a̧wä̧'chü̧ pä'inä̧tü̧: —¡Juätümä̧ tä̧'ä̧mä̧kuä̧wä̧tü̧!, jü̧nä̧.

San Juan 10:20

Juätüttü rekuätü, pä'inä̧tü̧: —¿Tta̧'a̧nü̧ pä'ü kuä̧ju̧kuä̧tu̧kuä̧ku̧ttü̧, Roco juo'ächü, epíritu su̧ro̧pa̧rü̧ kku̧nä̧rü̧rü̧mä̧?

San Juan 8:52

Judío-mä̧ ttädätinä̧ku̧: —Jitämä̧, isopäi'ünä̧ epíritu su̧ro̧pa̧ ü̧jä̧ku̧ pä'ü wo̧juä̧tü̧jä̧. Abraha̧'i̧nä̧, profeta-tü̧'i̧nä̧ wa'ü ttikuina̧'a̧nä̧, ukumä̧, ttü chi̧wȩnȩ ukuotätümä̧ wa'ü ikuokotü ttäkuotü päkua'attü̧.

San Juan 8:48

Ja̧'wa̧nü̧ pä̧i̧yä̧u̧ judío-mä̧ pättinä̧ku̧: —Ja̧'wa̧nü̧ ji̧yä̧u̧, ujutumä̧, ukurumä̧ Samaria ttü̧ja̧sa̧jä̧, epíritu su̧ro̧pa̧ ü̧jä̧ku̧ pätäkujä̧.

San Mateo 3:4

Ju̧a̧ ü̧'ka̧tä̧wä̧ta̧mä̧, camellu uwo'chettü adikuä̧ta̧ 'ka̧tä̧wi̧nü̧. Äkä isäyamä̧ i̧sa̧ i̧jȩta̧ttü̧ adikuäya ti̧'ä̧dä̧kuä̧wi̧nü̧. U̧kuȩmä̧ ji̧ri̧chu̧tu̧ru̧tä̧ kuinü̧ ja̧'wa̧ta̧nü̧ de'a mayatä awinü̧

San Mateo 10:25

Ya̧tȩ u̧wo̧juȩtä̧u̧mä̧, u̧ru̧wa̧ wo̧juȩtü̧ jo̧mȩbütä i̧rȩbȩwo̧mȩnä̧mä̧ täkü adiwa'a ja̧'wa̧ta̧nü̧ ya̧tȩ u̧mü̧wä̧ya̧mä̧ u̧ru̧wa̧ jo̧mȩbütä wa̧ jo̧mȩnä̧mä̧ adiwa'a. Isopäi'ünä̧ isode u̧ru̧wa̧rü̧'i̧nä̧ Beelzebú pä'ü ottina̧'a̧mä̧, ukutu chumüwäyotürümä̧, juȩnȩ abonä̧nü̧ jä̧kua̧'a̧.

San Mateo 3:1

Ji̧yȩnü̧ mo̧ro̧, bautizo jȩä̧kuä̧wä̧ i̧sa̧ Ju̧a̧ pä'ü mi̧kua̧ rȩbi̧yu̧ dȩ'a̧ra̧'a̧ ji'äwä̧ya̧ ichinü̧.

San Lucas 7:32

Ppo̧'ä̧tü̧ plaza-nä̧ pȩjü̧ mi̧kuä̧ri̧yä̧kuä̧u̧ wottäkuäwa'a jä̧'i̧jü̧'a̧nü̧ wotü: «Flauta tü'pora'anä̧ baira tü'okotü päjätüjä̧; ta̧'kua̧ tta̧'ȩku̧ ra̧ta̧'a̧nä̧ ajuäkuäwokotü päjätüjä̧.»

San Lucas 7:34

Ja̧'wa̧nü̧ ja̧'a̧nä̧, ttü Ubo i̧tti̧, chu̧kuȩ'i̧nä̧ ku, au'i̧nä̧ au chichina̧'a̧mä̧ pä'ätüjä̧: «Topätukui, chujuarü, u̧kuȩ'i̧nä̧ kuru ja̧'wa̧ta̧nü̧ vino awäwä i̧sa̧rü̧ ja̧'wa̧ta̧nü̧ Roma-ra̧'a̧ weäwä ka̧ka̧tä̧'i̧jä̧tü̧'i̧nä̧, suronä̧ jȩpä̧tü̧'i̧nä̧ tta̧wa̧ru̧wa̧tä̧ wa̧rü̧,» jü̧nä̧.