San Lucas 6:42 - Nuevo Testamento Uwotjüja

⁴² ¿Kua̧mü̧nä̧ pa̧ja̧tü̧ kui'ärenä̧ ȩkä̧'ka to'kuäkuäwoka'anä̧mä̧, tta̧'a̧nü̧ pä'ü kui̧jä̧wa̧rü̧mä̧ kui'ärenä̧ ȩko̧'ki ȩmü̧ chikuaku päkua'ajä̧ttü̧? ¡ä'koyättütä esetüjä̧!, ä̧kuo̧mȩnä̧mä̧ kua̧mü̧nä̧ kui'ärenä̧ ȩkä̧'ka ȩmä̧u̧ ikui, kui̧jä̧wa̧ i'ärenä̧ ȩko̧'ki topü ȩmü̧ kuikua pä'ümä̧.

TÄ̧DO Ä̧CUÄ̧ I̧HUȨNȨ

⁴² Ja̧'hua̧ta̧nö̧ ¿tta̧'a̧nö̧ pä'ö päcuhuättö cu̧jä̧hua̧rö̧: “Chö̧jä̧hua̧, cu'ärenä ȩcö̧ ȩmö̧ chicuacu”, ucutä cu'ärenä ȩcä̧i̧ cu̧huo̧juä̧chi̧'o̧ca̧'a̧mä̧? ¡Yapareu ttö̧ja̧ i̧sa̧jä̧! Äcuomenä ucutä cu'ärettö isodä ȩmä̧u̧ icui. Ja̧u̧nu̧ o'ca'a adiu to̧cu̧'ä̧cua̧jä̧ cu̧jä̧hua̧ ö'ärettö i̧so̧'quȩ ji̧'qui̧cha̧jo̧'quȩ ȩmö̧ cuicua pä'ö.

San Lucas 6:42 Referans Kwoze

2 Pedro 1:9

Ja̧'wa̧nü̧ ja̧'a̧nä̧ jui̧'a̧mä̧ ä̧to̧ka̧ jä̧'i̧nü̧'a̧nü̧ wa̧ jo̧mȩttü̧ otomä̧ topokü; täbokü suronä̧ jȩi̧nü̧ jȩä̧chi̧'ina̧'a̧mä̧ unichi'inü̧.

2 Timoteo 2:21

Ujutunä̧'i̧nä̧, ja̧'wa̧nü̧ jä̧'i̧nü̧ta̧'a̧nü̧ wȩnȩkuä̧cha̧'a̧; suronä̧ jȩtä̧'i̧jü̧ kä'ädi'ü, isopäi'ünä̧ jo̧kü̧ wo̧juȩkuä̧ tunu̧chi̧'ü̧ttü̧mä̧, ja̧u̧ o̧'ta̧wi̧yä̧ ukuo jäwä jä̧'i̧nü̧'a̧nü̧ täkuotüjä̧. Dio-tä ta̧'kua̧rü̧nä̧ aditäkua̧ ta̧'kua̧rü̧ 'chü̧ä̧rä̧kuä̧wä̧ i̧sa̧ ja̧'a̧ttü̧, kkorojuei o'kajuiyünä̧ adiwäjuei jȩta̧ pä'ü jo̧mȩnü̧ tü̧ja̧kuä̧kuo̧tü̧jä̧.

2 Corintios 5:18

Jua̧u̧mä̧ o'kajuiyünä̧ Dio-ttü ichütä ja̧'a̧; Chutä a̧mü̧nä̧ pa̧ja̧tü̧ esekuinä̧u̧jä̧ Crito-nä̧tä̧ ja̧'wa̧nü̧ jȩpü̧ ujuturu iyinä̧u̧jä̧ eseku ikuäwä wȩnȩ tadita pä'ü;

Romanos 2:1

Ukututtü ya̧tȩ, kka̧ra̧ suronä̧ jȩü̧ päkuomȩnä̧mä̧, kua̧mü̧nä̧ pa̧ja̧tü̧tä̧ pä'äujä̧. Jua'amä̧ uku'i̧nä̧ ja̧'wa̧nü̧tä̧ wa̧ kua'attü̧. Ja̧'wa̧nü̧ jo̧mȩttü̧ kka̧ra̧rü̧ päkua pä'ümä̧ jui̧'a̧jä̧.

Hechos 13:10

päinä̧ku̧: —¡Isoo, yapareäkuäwätä, surojütä jo̧mȩnü̧ wa̧jä̧, äwettätä i̧tti̧jä̧, adiwä wȩnȩ aboi̧ya̧tä̧ wa̧jä̧! ¿Tu̧ru̧wa̧ u̧mä̧nä̧ jueü mä̧nä̧, surojuokuepa'amä̧ ti̧yȩnü̧tä̧ käkuädäkua'ajä̧ttü̧?

Hechos 8:21

Ukumä̧ pi̧yȩ jäwämä̧ kuȩmü̧ juiyü'anü̧ wa̧jä̧, Dio ä'ka jo̧mȩttü̧ adiu jueünä̧ kuamü̧kuädoka'attü̧.

Hechos 2:38

Peduru-mä̧ ädätinä̧u̧: —Suronä̧ jȩ'kuä̧'i̧jä̧tu̧ku̧ttü̧ kä'ädäkuäu Jesucrito i̧mi̧nä̧ yotukunä̧ bautizo jȩpä̧kuä̧wä̧tu̧kui̧; suronä̧ jȩ'kuä̧tu̧ku̧ Dio jȩpü̧ ikuomȩnä̧, pärokuä Epíritu Sa̧tu̧ iyü kuȩmä̧tu̧kua̧ pä'ümä̧.

San Lucas 22:32

Ja̧'wa̧nü̧ ja̧'a̧nä̧, ttümä̧ jä'epäjisä, kua̧'kua̧ ku̧wȩnä̧rü̧tä̧ juikuächi'ü juiya pä'ü. Ja̧'wa̧nü̧ ja̧'a̧ttü̧ pä'äjita'anü̧ ttüku ppa̧kuä̧cho̧mȩnä̧mä̧, kuawaruwä kuijä̧wa̧tü̧rü̧ ji̧yȩtȩnä̧tä̧ ti̧'chü̧nä̧ jikuäwajä̧.

San Lucas 13:15

Päiyäku, Jesú-mä̧ ädätinä̧ku̧: —Ä'koyättütä esetätüjä̧, ¿ukutu'i̧nä̧ kuä̧ji̧mu̧tu̧ku̧ buey-rü'i̧nä̧, Buro-rü'i̧nä̧ ajiya ttawa pä'ümä̧, Sawaru mo̧ro̧ ȩpo̧ko̧tü̧ pä'ijä̧tü̧jä̧ tä̧jí̧?

San Mateo 26:75

Ja̧'wa̧nü̧ ä̧ju̧ku̧, Peduru-mä̧ Jesú pä'inü̧ ji̧nü̧ amükuädi'inü̧: «Äkärä woäkua'a ä'kanä̧, wäbodäkuänä̧ jo̧mȩnä̧ ttü chütü'kü kuä̧ppü̧tä̧rä̧kua̧jä̧», jü̧nä̧. Ja̧'wa̧nü̧ jä̧ku̧ Peduru-mä̧ juorü rä'opächü rü̧ȩnä̧ ajuäu ikuinü̧.

San Mateo 7:3

¿Tta̧'a̧nü̧ pä'ü kui̧jä̧wa̧ i'ärenä̧ iso'ki ȩka̧'a̧mä̧ to'kua'ajä̧ttü̧ ukutä kui'ärenä̧ ȩkä̧'ka ikui'ka to'kuäkuäwoka'anä̧mä̧?

San Mateo 7:4

Ja̧'wa̧nü̧ ukutä kua̧mü̧nä̧ kui'ärenä̧ ikui'ka ȩka̧'a̧nä̧mä̧ ¿Toku pä'ü kui̧jä̧wa̧rü̧mä̧ kui'ärenä̧ iso'ki ȩkä̧ku̧jä̧ ȩmü̧ chikuaku päkua'ajä̧ttü̧?

San Lucas 6:41

¿Tta̧'a̧nü̧ pä'ü kui̧jä̧wa̧ i'ärenä̧ ȩkü̧tä̧ topüjä̧ttü̧; kua̧mü̧nä̧ kui'ärenä̧ ȩkü̧mä̧ to'kuäkuäwoka'anä̧?

San Lucas 6:43

Dau adiwäjuei isäi ja̧'a̧nä̧ u̧wä̧ju̧ surojü wȩjäimä̧ yoriso juiya'a. Ja̧'wa̧ta̧nü̧ dau suräjuäi isäi ja̧'a̧nä̧ u̧wä̧ju̧ adiwä juei wȩjäimä̧ yoriso juiya'a.