San Lucas 6:38 - Nuevo Testamento Uwotjüja

³⁸ Iyätukui, ukuturu'i̧nä̧ iyäwi'äkua'anü̧. Isopäi'ünä̧ Dio-mä̧ kkorotürü kuiyätukuta'anü̧ i̧yä̧kuä̧u̧jä̧. Trigo kuiyätukuttumä̧, trigo ȩkä̧yü su̧'pȩnü̧, ti̧'ä̧dü̧ ȩnä̧wa̧'a̧ iyäwi'ä̧kuä̧u̧jä̧, ȩmü̧mä̧ kui̧'chä̧tu̧kuo̧'ka̧'a̧nä̧tä̧.

TÄ̧DO Ä̧CUÄ̧ I̧HUȨNȨ

³⁸ Iyätucui korotörö, Dios'inä iyäcua'a̧nö̧ ucuturu. Koro juäi isäbanä jä̧'i̧nö̧'a̧nö̧ adiu pa̧ja̧cuä̧cho̧mȩnä̧ i̧nȩpö̧nä̧nö̧, yȩ'ȩpö̧nä̧nö̧, yoröiso suhuädi'önä i̧yä̧cua̧ ucuturu. Iso päi'önä korotörö päcuhuätucu ta'anö, Dios pä̧cua̧ ucuturu'inä.

San Lucas 6:38 Referans Kwoze

San Marcos 4:24

Ja̧'wa̧ta̧nü̧ päinä̧u̧: «Adiu ä̧ju̧kuä̧tu̧kui̧. Kkorotürü jȩ'kuä̧tu̧ku̧'ta̧'a̧nü̧, ukuturu'i̧nä̧ jȩä̧kuä̧wä̧kua̧'a̧, juȩnȩ yabonä̧ kuä̧ju̧kuä̧tu̧ku̧'i̧nä̧ jäekuäkua'a.

San Mateo 7:2

Isopäi'ünä̧ Dio-mä̧ kkorotürü ja̧'wa̧nü̧ wotüjä̧ pä'ü jȩ'kuä̧tu̧ku̧ta̧'a̧nü̧, ukuturu'i̧nä̧ ja̧'wa̧ta̧nü̧tä̧ jȩä̧kuä̧u̧jä̧; ja̧'wa̧ta̧nü̧ kkorotü jȩttü̧ pa̧ja̧tȩ'ü̧ jȩ'kuä̧'i̧jä̧tu̧ku̧ta'anü̧, ukuturu'i̧nä̧ ji̧yȩta̧'a̧kuä̧ jȩä̧kua̧.

San Mateo 10:42

Ja̧'wa̧ta̧nü̧ pitüttü ya̧tȩ ji̧'ki̧cha̧wa̧ ja̧ pä'ü'i̧nä̧, ttü chu̧mü̧wä̧ya̧ wa̧rü̧ ajiya diyawoya ji̧'ta̧tȩnä̧ iyürümä̧, isopäi'ünä̧ pä'üsä, jua̧u̧ iäre premio-mä̧ Dio-mä̧ unichi'okoku jä̧kua̧.

San Lucas 6:30

Kkorojuei ya̧tȩ jäepüttümä̧, iyirü; kuiäre ya̧tȩ ȩmi̧pü̧ttü̧mä̧ ppa̧kuä̧dä̧rü̧.

Santiago 2:13

Ja̧'wa̧ta̧nü̧ kkorotürü rȩrü̧jü̧nü̧ topokotü pä'ijätürümä̧, rȩrü̧jü̧ toäkuäwä juiyünä̧tä̧ ro̧ȩpä̧kuo̧tü̧, ja̧'wa̧nü̧ ja̧'a̧nä̧ rȩrü̧jü̧ toäkuäwä kku̧nä̧rä̧'i̧jä̧tü̧mä̧ Dio ro̧ȩpü̧ mo̧ro̧ adiu rä'opü tteseäkuäwäkuotü.