San Lucas 6:30 - Nuevo Testamento Uwotjüja

³⁰ Kkorojuei ya̧tȩ jäepüttümä̧, iyirü; kuiäre ya̧tȩ ȩmi̧pü̧ttü̧mä̧ ppa̧kuä̧dä̧rü̧.

TÄ̧DO Ä̧CUÄ̧ I̧HUȨNȨ

³⁰ Ja̧'hua̧ta̧nö̧ ya̧tȩ koro juäi jäepöttömä, iyirö. Ja̧'hua̧ta̧nö̧ cuhuäre 'choipomenä, ppa̧huä̧da̧ pä'ö jäcuhue'ärö.

San Lucas 6:30 Referans Kwoze

2 Corintios 8:9

Täkü, ukutumä̧ wo̧juä̧tü̧jä̧ Tu̧ru̧wa̧ Jesucrito, ru̧wa̧ ja̧'a̧nä̧ ukuturu repe'ü usurä i̧sa̧ juoinü̧mä̧; Jua̧u̧ usurä i̧sa̧ juoinü̧nä̧mä̧, ukutu ruwotü juokuätukua pä'ü ji̧na̧'a̧.

Hechos 20:35

O'kajuiyünä̧tä̧ chu̧wo̧juȩtä̧'i̧jä̧ujä̧, rekuä rü̧jä̧u̧ru̧ ppätäda pä'ümä̧, tadita pä'ü rekuä rü̧ja̧'a̧ pä'ü. Tu̧ru̧wa̧ Jesú pa̧'a̧nü̧ päinü̧ amükuädü: iyäwänä̧mä̧, Ȩmä̧wä̧ttü̧'i̧nä̧ abonä̧nü̧ eseäkuäwä kka̧'a̧ pä'ü.

San Mateo 6:12

Ujuturu suronä̧ jȩpä̧tü̧rü̧, mikuä jȩtü̧ juiyüta'anü̧, suronä̧ jȩtä̧'i̧jü̧mä̧ mikuäwächünä̧mä̧ jȩ'kuä̧tü̧.

San Lucas 18:22

Ja̧'wa̧nü̧ pä'a ä̧ju̧ku̧, Jesú-mä̧ päinä̧ku̧: —Ji̧nä̧ ji̧yȩtȩ jui̧'a̧jä̧: ku̧ju̧nä̧rü̧mä̧ o'kajuiyünä̧ mikuänä̧ iyä'chü ikuäji ja̧'wa̧nü̧ jȩpi̧'ü̧'ka̧ usurä isotürü ppäkuäda ja̧'wa̧nü̧ jȩ'kuo̧mȩnä̧ mo̧ro̧jä̧ra̧'a̧tä̧ kku̧ju̧nä̧rä̧kua̧jä̧ kuiäre pärätämä̧; ja̧'wa̧nü̧ jȩpü̧ ttüku ichi.

San Lucas 12:33

Ku̧ju̧nä̧rä̧tu̧ku̧mä̧ mikuä pä'ü iyä'chü ikuätukui, usurä isotürü ppäkuädätukua; kusakuyutuku kerächokoyutä, mo̧ro̧jä̧ra̧'a̧ pärätä beipokomȩtä̧ aditätukui, nä̧u̧kuä̧rü̧'i̧nä̧ doächokomȩtä̧ ja̧'wa̧ta̧nü̧ isotü'i̧nä̧ surojuottepokomȩtä̧.

San Lucas 11:41

Ja̧'wa̧nü̧ ja̧'a̧ttü̧ usurä isotürü ppä'ädätukui. Ja̧'wa̧nü̧ jȩ'kuä̧tu̧kuo̧mȩnä̧ jättäpäyotü surojümä̧ juikuäkuotüjä̧.

San Lucas 6:38

Iyätukui, ukuturu'i̧nä̧ iyäwi'äkua'anü̧. Isopäi'ünä̧ Dio-mä̧ kkorotürü kuiyätukuta'anü̧ i̧yä̧kuä̧u̧jä̧. Trigo kuiyätukuttumä̧, trigo ȩkä̧yü su̧'pȩnü̧, ti̧'ä̧dü̧ ȩnä̧wa̧'a̧ iyäwi'ä̧kuä̧u̧jä̧, ȩmü̧mä̧ kui̧'chä̧tu̧kuo̧'ka̧'a̧nä̧tä̧.

San Mateo 18:35

Jesú-mä̧ jua'a yabonü̧ pä'inü̧: —Ja̧'wa̧nü̧ ji̧nü̧ta'anü̧ Chä'o mo̧ro̧jä̧nä̧ kkü̧mä̧ jȩä̧kuä̧u̧jä̧, ukutu'i̧nä̧ kuawaruwä kui̧jä̧wa̧tü̧rü̧ kua̧mi̧'iso'kitukunä̧ jo̧mȩnü̧ eseku kuikuätuku juiyüttümä̧.

Efesios 4:28

Nä̧u̧kuä̧rü̧ kki̧'ȩnü̧mä̧, yabonü̧mä̧ ku̧nä̧u̧kuä̧rä̧, aditütä kkä̧wi̧; ku̧mü̧nä̧ adiwä juei jȩpü̧ ku̧ju̧ttü̧mä̧, rekuä rü̧jä̧u̧ru̧ ppäkuädäkua̧jä̧.

San Mateo 5:39

Ja̧'wa̧nü̧ ja̧'a̧nä̧ ukuturu pä'üsä: Ukuru suronä̧ jȩü̧ttü̧mä̧, mikuämä̧ jȩ'kuä̧rü̧; ja̧'wa̧nü̧ ja̧jü̧ jueimä̧ kui'ebaba ku̧wo̧jua̧'a̧ku̧nä̧ 'tauttümä̧, pätekua'anä̧ iyäwirü.

San Lucas 6:29

Ya̧tȩ kui'ä pätekua'anä̧ kuäüttümä̧, kkara'anä̧ iyäwirü; ja̧'wa̧ta̧nü̧ wä̧mȩnä̧ ku̧'ka̧tä̧wä̧ta̧ 'choipüttümä̧ jakuänä̧ ku̧'ka̧tä̧wä̧ta̧'i̧nä̧ iyirü.

San Lucas 6:31

Ukuturu kkorotü jȩttä̧tu̧kua̧ku̧ päkuätukumä̧, ukutu'i̧nä̧ jȩpä̧tu̧kui̧.