San Lucas 5:29 - Nuevo Testamento Uwotjüja

²⁹ Mateo-mä̧ ojusodettü, Jesú-ru eseu ü'ä'käri jȩi̧ni̧yä̧ku̧; ja̧'wa̧nü̧ u̧ju̧na̧'a̧ kkorotü impuesto ka̧ka̧tä̧'i̧jä̧tü̧'i̧nä̧ ja̧'wa̧ta̧nü̧ kkorotü'i̧nä̧ juätütäku mesa isodenä̧ pȩji̧nä̧tü̧.

TÄ̧DO Ä̧CUÄ̧ I̧HUȨNȨ

²⁹ Ja̧u̧nu̧ o'ca'a Levímä hue'inödo cuäcuähuä rö̧ȩnä̧ ttadita pä'ö ojusodenä Jesúscu eseunu ucua pä'ö. Ja̧'hua̧nö̧ ttucuomenä, korotö recuätö ru̧hua̧ öäre pärätä ȩmä̧'i̧jä̧tö̧'i̧nä̧, korotö'inä cuä̧nö̧ pȩji̧nä̧tö̧do jahuätöcu.

San Lucas 5:29 Referans Kwoze

San Lucas 15:1

Ttü̧ja̧mä̧, Roma-ra̧'a̧ weäwä pärätä ka̧ka̧tä̧'i̧jä̧tü̧'i̧nä̧ ja̧'wa̧ta̧nü̧ kkorotü suronä̧ jȩpü̧ ttü̧ja̧'a̧ ukuotä'ijätü'i̧nä̧ o'katoi'ünä̧ Jesú jiäwa'a ttä̧ju̧kua̧ pä'ü ka̧ka̧kui̧nä̧tü̧.

1 Corintios 10:27

Ja̧'wa̧ta̧nü̧, Dio-rü esetokü kukuätukua pä'ü ä̧tȩpa̧'a̧ kui̧'cha̧ päkuätukuttümä̧, tätukui, o'kajuiyünä̧ ttu̧ju̧nü̧mä̧ kuätukui, jä̧ȩpä̧rä̧kuä̧wä̧ juiyünä̧, kkoro kuamükuädätuku juiyäkua'anü̧.

San Juan 12:2

Juorü Jesú-ru eseu ttu̧kuȩ kuinä̧tü̧; Marta-mä̧ ttu̧kuȩ iyä'chinä̧ju̧ ja̧'wa̧nü̧ ja̧'a̧ Rázaru'i̧nä̧ juätütäku mesa isodänä̧ pä̧nü̧ u̧kuȩ kuinü̧.

San Marcos 2:15

Jua̧u̧nü̧ o'ka'a, Jesú-mä̧ Mateo ojusodettü mesa-nä̧ u̧kuȩ ukua'a ppeyänä̧, Roma-ra̧'a̧ weäwä pärätä ka̧ka̧tä̧'i̧jä̧tü̧'i̧nä̧, suronä̧ jȩtta̧'a̧ ukuowä'ijätü'i̧nä̧, chutä u̧wo̧juȩtä̧u̧'i̧nä̧, rekuätü o'ka'anä̧ kue'ächätü'i̧nä̧, pȩji̧nä̧tü̧.

San Mateo 9:10

Jua̧u̧nu̧tä̧ mo̧ro̧ Jesú-mä̧, u̧wo̧juȩtä̧u̧ku Mateo ojusodera̧'a̧ u̧kuȩ kuä̧nü̧ 'chi̧nü̧. Ja̧'wa̧nü̧ kuä̧nü̧ ü̧'o̧mȩnä̧ rekuätü Roma-ra̧'a̧ iyäwä pärätä ka̧ka̧tä̧'i̧jä̧tü̧'i̧nä̧, suronä̧ jȩttü̧ ukuotä'ijätü'i̧nä̧ jua̧u̧tä̧ku̧ ttu̧kuȩ kuä̧nü̧ pȩji̧nä̧tü̧.

San Mateo 5:46

Isopäi'ünä̧ ukuturu adiu jȩpä̧tü̧rü̧tä̧ re kkä̧nü̧ kuesewätukuttümä̧, ¿Däje premio kuemä̧tu̧kuä̧kua̧'a̧jä̧ttü̧? jua̧u̧mä̧ jȩttä̧'i̧jü̧, Roma-ra̧'a̧ iyäwä pärätä ka̧ka̧tä̧tü̧'i̧nä̧.

San Mateo 9:9

Jesú-mä̧, juorü rä'opächü i̧'cho̧mȩnä̧ Mateo pä'ü mi̧kua̧rü̧ topinü̧, Roma-ra̧'a̧ iyäwä pärätä ka̧ka̧kuo̧mȩ ü̧'a̧'a̧. Jua̧u̧ru̧ pä'inü̧: —Ttüku ichi. Ja̧'wa̧nü̧ päku, Mateo-mä̧ ä̧rä̧mi̧'ü̧ chutäku 'chi̧nü̧.

San Mateo 11:19

Jua̧u̧nü̧ o'ka'a ubo I̧tti̧ ichinü̧ u̧kuȩ'i̧nä̧ kuäkuäwä i̧sa̧ ja̧'wa̧ta̧nü̧ au'i̧nä̧ awäwä i̧sa̧ pä'ätü, ja̧'wa̧nü̧ ichina̧'a̧mä̧ pä'ä'ijätü: Pidemä̧ 'kuäopünä̧tä̧ kuäkuäwä i̧sa̧, vino-tä̧ awäwä i̧sa̧, suronä̧ jȩpä̧'i̧jä̧tü̧tä̧ ja̧'wa̧ta̧nü̧ pärätä ka̧ka̧tä̧'i̧jä̧tü̧tä̧ tta̧wa̧ru̧wa̧tä̧ wa̧, jü̧nä̧. Ja̧'wa̧nü̧ ja̧'a̧nä̧ Dio iyü wo̧juä̧wä̧ wȩnȩmä̧ jȩttü̧ttü̧tä̧ topü wo̧juä̧wä̧ ja̧'a̧.