San Lucas 5:24 - Nuevo Testamento Uwotjüja

²⁴ Ja̧u̧ttü̧mä̧, isopäi'ünä̧, pi̧jä̧ttü̧mä̧ Ubo I̧tti̧mä̧ suronä̧ jü̧ttü̧'i̧nä̧ jȩpü̧ ikua pä'ü ujuru kku̧nä̧rü̧ pä'ü ku̧wo̧juä̧tu̧kuä̧kua̧'a̧nü̧, i̧'chü̧ juiyünä̧ wa̧ parárisi na̧'ä̧chü̧rü̧ pä'inü̧: —Ukuru pä'üsä, ä̧rä̧mi̧'ü̧, ku̧'ä̧bä, ȩmi̧pü̧ kuojusodera̧'a̧ täi.

TÄ̧DO Ä̧CUÄ̧ I̧HUȨNȨ

²⁴ Ye ja̧u̧ttu̧mä̧, ucutu cu̧huo̧juä̧tu̧cua̧ pä'ö iso päi'önä Ubo I̧tti̧ ju̧ru̧hua̧ pi̧jä̧nä̧ ttö̧ja̧ suronä jȩttö̧ jȩpö̧ icuähuänä, adiu chi̧jȩpä̧cua̧sä̧ ucuturu. Ja̧'hua̧ ja̧'a̧ 'cuä̧'a̧rö̧ pä'inödo: —Ucuru pä'ösä, ä̧rä̧mi̧'i̧. Cu̧rä̧sa̧mä̧ ȩmi̧pö̧ cuojusodera̧'a̧ täi, —pä'inödo Jesús.

San Lucas 5:24 Referans Kwoze

Apocalipsis 1:13

jua̧u̧ candelabro pättü okä 'kä̧tȩ jo̧mȩ kki̧nü̧, ya̧tȩ ubo i̧tti̧ Jesú 'kua̧ra̧, ü̧'ka̧tä̧wä̧ta̧mä̧ ü̧jä̧pü̧ra̧'a̧bü päi'ünä̧ beipä̧ta̧ 'ka̧tä̧u̧ ja̧'wa̧ta̧nü̧ a̧mü̧kanä̧ oro isäya rü̧nä̧ri̧nü̧.

Hechos 14:10

pä̧i̧ku̧nä̧ päinä̧ku̧: —¡ä̧rä̧mi̧'ü̧ ku̧jä̧pü̧nä̧ kkä̧mä̧di̧! Ja̧'wa̧nü̧ päomȩnä̧, tü'ächünä̧nü̧, kue'ächinü̧.

Hechos 9:40

Ja̧'wa̧nü̧ ja̧'a̧, Peduru-mä̧ o'katoi'ünä̧rü̧ rättopächünä̧ we'ü ikuäji̧'ka̧, iwe'kiyunä̧ kkä̧mä̧dü̧, Dio-rü ukuoku pä'inü̧: —«¡Tabitá, ä̧rä̧mi̧'i̧!», päomȩnä̧, kki'äre ye'ädü Peduru-rü tojomȩnä̧, pä'äji ta̧'a̧nü̧ adiu pä'i'inä̧ju̧.

Hechos 9:34

Jua̧u̧ru̧ Peduru-mä̧ pä'inü̧: —Enea, Jesucrito aditü ikuäkujä̧; ä̧rä̧mi̧'ü̧ kuiäre camatä̧ aditi. Päomȩnä̧ Enea-mä̧ yotäku ä̧rä̧mi̧'i̧nü̧.

Hechos 5:31

Jua̧u̧ru̧mä̧ Dio-mä̧ u̧wo̧jua̧'a̧ku̧nä̧ rütäu, ru̧wa̧ päi'ünä̧ jȩpü̧ ra̧wä̧pi̧jü̧ttü̧ ttü̧ji̧pü̧nä̧ ppädäkuäwä i̧sa̧ päi'ünä̧ jȩi̧nä̧ku̧, Irae ttü̧ja̧rü̧ suronä̧ jȩttü̧ttü̧ kättädi'a pä'ü ja̧'wa̧ta̧nü̧ suronä̧ jȩttä̧'i̧jü̧ jȩpü̧ ikuatü pä'ü.

San Juan 17:2

Isopäi'ünä̧ uku kui̧tti̧rü̧mä̧, pi̧jä̧ ttü̧ja̧ ttu̧wä̧mȩnä̧ jü̧nä̧ ujuru iyinü̧jä̧, o'katoi'ünä̧ uku kuiyinä̧u̧ru̧ kkä̧kuä̧wä̧ i'ko chiya pä'ü.

San Juan 11:43

Pi̧yȩ pä'ü kä'ädü, wopi'inü̧: —¡Rázaru, juorü rä'opächi!

San Juan 5:27

Ja̧'wa̧nü̧ ja̧'a̧ttü̧, adiu jȩtta̧ja̧ pä'ü'i̧nä̧, suronä̧ jȩtta̧ja̧ pä'ü'i̧nä̧, päa pä'ü uruwo iyinä̧ku̧.

San Juan 3:13

Ya̧tȩ'i̧nä̧ mo̧ro̧jä̧ra̧'a̧ i̧u̧ i̧wi̧nü̧mä̧ toa'a; jua̧u̧ ja̧jü̧jueimä̧ mo̧ro̧jä̧ttü̧ mȩyȩwi̧nü̧tä̧ ja̧'a̧, Ttü ubo i̧tti̧tä̧.

San Lucas 8:54

Ja̧'wa̧nü̧ ja̧'a̧nä̧, Jesú-mä̧ kku̧mü̧nä̧ äräbe'ü, wopi'ünä̧nü̧ päinä̧kua̧: —¡Mü̧ä̧yaju, ä̧rä̧mi̧'i̧!

San Lucas 7:14

Yotäku 'chä̧wi̧'ü̧ ttȩpä̧bä mȩ'ü̧nü̧, ȩpä̧jä̧tü̧tä̧ ttü̧ja̧kuä̧ma̧'a̧nä̧, Jesú-mä̧ 'koru juo'ächäjirü pä'inü̧: —Mü̧ä̧ya̧, ukuru pä'üsä: ¡Ä̧rä̧mi̧'i̧!

San Lucas 5:13

Ja̧'wa̧nü̧ ajuäkuäwäku, u̧mü̧nä̧ mȩ'ü̧, Jesú-mä̧ päinä̧ku̧: —Aditü chikua pä'üsä. ¡Kumä̧richeittümä̧ pi̧'i̧pi̧! Päomȩnä̧, yotäku Repra märicheimä̧ jui̧'a̧tä̧ pä'i'inü̧.

San Mateo 28:18

Ja̧'wa̧nü̧ ja̧'a̧ Jesú-mä̧ juätürü tü'künä̧nü̧ 'chä̧wi̧'ü̧ pä'inü̧: —Dio-mä̧ mo̧ro̧jä̧nä̧'i̧nä̧, pi̧jä̧nä̧'i̧nä̧ o'kajuiyünä̧ churuwo weda pä'ü iyinä̧ku̧sä̧.

San Mateo 26:64

Päiyäku Jesú-mä̧ ädätinä̧ku̧: —Ukutäjä̧, A̧, pä'ümä̧. Ja̧'wa̧ta̧nü̧ ttü'i̧nä̧ pä'üsä, porütä kkä̧mä̧dü̧ ukutumä̧ to'kuäkuotüjä̧ Ttürümä̧ Dio u̧wo̧jua̧'a̧ku̧nä̧ chü̧'a̧'a̧ ja̧'wa̧ta̧nü̧ mo̧ro̧jä̧ra̧'a̧ttü̧ ajiya isoppanä̧ chicha'a'i̧nä̧ to'kuäkuotüjä̧.

San Mateo 25:31

Ubo I̧tti̧ uruwoku ichomȩnä̧mä̧, umüwäyotü á̧gȩrȩ-ku̧ o'katoi'ünä̧ ichi'ü, uruwo dȩä̧kä̧nä̧ ü̧'ä̧mä̧dä̧kua̧.

San Mateo 16:13

Jesú-mä̧, Filipo rȩjȩnä̧, cesarea ütawiyänä̧ rȩbȩwi̧pä̧ji̧'ka̧ u̧wo̧juȩtä̧u̧rü jä'epü ä̧ju̧kui̧nü̧: —¿Tta̧'a̧nü̧ pättä'ijä̧ttü̧ ttü̧ja̧mä̧, ttü ubo I̧tti̧ chütü'kümä̧?

San Mateo 9:6

Ja̧'wa̧nü̧ ja̧'a̧nä̧, ubo I̧tti̧mä̧ pi̧jä̧ttü̧mä̧ suronä̧ jȩttä̧'i̧jü̧'i̧nä̧ jȩpü̧ ikua pä'ü ujuru kku̧nä̧rü̧ ja̧'a̧ päkuätukuäkua'anü̧ pä'ü. (Parárisi na̧'ä̧chü̧rü̧ pä'inü̧): —Ä̧rä̧mi̧'ü̧, ku̧'ä̧bä ȩmi̧pü̧ kuojusodera̧'a̧tä̧ täi.

San Mateo 4:24

Ja̧'wa̧nü̧ ja̧'a̧, Siria rȩjȩ o'kajuiyünä̧ Jesú-mä̧ ukuowi'omȩnä̧ o'katoi'ünä̧ kkorottü'i̧nä̧, kkorottü'i̧nä̧ na̧nȩpä̧tü̧rü̧ i'chächinä̧tü̧. Barau na̧nȩpä̧tü̧rü̧'i̧nä̧, epíritu-tu̧ suropätü ttü̧ja̧kuä̧u̧ru̧'i̧nä̧, epilépcia mä̧richei na̧nȩpä̧tü̧rü̧'i̧nä̧ ja̧'wa̧ta̧nü̧ parárisi mä̧richei na̧nȩpä̧tü̧rü̧'i̧nä̧, Jesú-mä̧ aditü ikuinä̧u̧.

San Lucas 5:18

Jua̧u̧ 'kä̧tȩnä̧ yotüte u̧mä̧tü̧ i'kächipinä̧tü̧, ya̧tȩ parárisi na̧'ä̧chü̧rü̧ isäbänä̧ ü̧'a̧'a̧. Jua̧u̧ru̧ Jesú ä'ka jo̧mȩ ttütarü pä'ü, isode jakuojuku dottädarü pä'ü jȩpi̧nä̧tü̧.

San Lucas 5:23

Ji'äwätukuittü, toku pättüttütä adiu'anü̧ttü̧: ¿Suronä̧ jȩ'kuä̧'i̧jü̧mä̧ jȩä̧chä̧ku̧jä̧, pättü'anü̧ tä̧jí̧ ja̧'wa̧nü̧ pä'ü jui'üdä̧jä̧, ä̧rä̧mi̧'ü̧ täi pättüttütä adiwa'a tä̧jí̧?