San Lucas 4:42 - Nuevo Testamento Uwotjüja

⁴² Kkoro mo̧ro̧ juomȩnä̧ Jesú-mä̧, ütawiyättü rä'opächü, ttü̧ja̧ toächomȩku̧ 'chi̧nü̧. Ja̧'wa̧nü̧ i̧'chä̧ja̧'a̧ ttü̧ja̧mä̧ usú 'chä̧jä̧'kotü po̧kui̧pü̧mä̧, i̧wi̧'ü̧ juiyünä̧tä̧ jättepinä̧ku̧.

TÄ̧DO Ä̧CUÄ̧ I̧HUȨNȨ

⁴² Koro mo̧ro̧ juomenä, Jesús ä̧rä̧mi̧'ö̧ ötahuiyättö rä'opinödo kara'a ttö̧ja̧ tomecu 'chä̧nö̧. Ja̧'hua̧nö̧ ja̧'a̧nä̧ ttö̧ja̧ ttusinäcudo. Ja̧'hua̧nö̧ ja̧'a̧ ja̧u̧ ö̧ja̧'a̧ tti̧'chi̧'i̧nä̧cu̧do. I̧'chö̧ juiyönä pättinäcudo.

San Lucas 4:42 Referans Kwoze

San Lucas 6:12

Ji̧yȩnü̧ mo̧ro̧, Jesú-mä̧ mü̧ä̧'kara̧'a̧ Dio-rü ukuoku 'chä̧ji̧'ka̧, yodó 'kuäo'ünä̧ ukuokuinü̧.

San Juan 4:34

Jesú-mä̧ päinä̧u̧: Ttü chu̧kuȩmä̧, Ttürü we'inü̧rü̧ pä̧wä̧rü̧jü̧ jȩä̧kuä̧wä̧ ja̧'a̧ ja̧'wa̧ta̧nü̧ aditäwä kädäda pä'ü.

San Juan 6:24

Ja̧'wa̧nü̧ rü̧jä̧ma̧'a̧nä̧, Jesú'i̧nä̧, u̧wo̧juȩtä̧u̧'i̧nä̧ to̧i̧yä̧u̧, woi'kiyunä̧ pȩjä̧mü̧, Cafarnaúm ütawiyära̧'a̧ Jesú-ru usú 'chi̧nä̧tü̧.

San Juan 4:40

Ja̧'wa̧nü̧ ja̧'a̧ttü̧, Samaria ttü̧ja̧mä̧ ichi'äkuäwipü, Jesú-ru jitütäku ü̧ji̧'a̧ pä'ü ajuäkuäu jättepinä̧ku̧; jättepäja'a, juȩnȩmä̧ todäre mo̧ro̧ jo̧mȩnä̧ kki̧nü̧.

San Lucas 24:29

Jitütäku ü̧ji̧pü̧nä̧ pättinä̧ku̧: —Täkü, ujututäku 'kuä'opi, yodó juoächäja'a. Ja̧'wa̧nü̧ pättäku jitütäku do'ächinü̧.

San Marcos 1:45

Ja̧'wa̧nü̧ ro̧ȩpä̧jä̧ku̧mä̧, juorü rä'opächü o'katoi'ünä̧rü̧ churutä 'kuäopäjimä̧ ji'äwä'chinü̧. Ja̧'wa̧nü̧ jo̧mȩnä̧, Jesú-mä̧ wäjunä̧, ütawiyäpünä̧mä̧ doächü juiyünä̧ jä̧ku̧, ttü̧ja̧ tometä̧ kkä̧'chi̧nü̧. Ja̧'wa̧nü̧ ja̧'a̧nä̧ ttidepiyu pünä̧, o'katoi'ünä̧tä̧ ka̧ka̧ku̧ topü ttichinä̧ku̧.