San Lucas 4:23 - Nuevo Testamento Uwotjüja

²³ Pättiyäku Jesú ädätinä̧u̧: —Isopäi'ünä̧ ukutumä̧ päkuä'chätukuäkua̧sä̧: Jawapü adikuä i̧sa̧ kua'attü̧, kua̧mü̧nä̧ pa̧ja̧tü̧ adiku ikui: O'kajuiyünä̧ Cafarnaúm ütawiyättü jȩ'ku̧ ukuowa'a tä̧ju̧kuä̧ji̧mä̧, porü kui̧rȩjä̧ttü̧'i̧nä̧ jȩpi̧ jü̧nä̧.

TÄ̧DO Ä̧CUÄ̧ I̧HUȨNȨ

²³ Jesús pä'inödo: —Ucutu iso päi'önä pä'ätöjä pi̧yȩ pähuä päö'a̧nö̧: “Jahuapö ru̧hua̧, ucutä jahuapö cuamönä adicui.” Ja̧'hua̧ta̧nö̧ pä̧cu̧huä̧tu̧cuä̧cua̧sä̧: “Tä̧ju̧cui̧nö̧'a̧nö̧ Capernaum ötahuiyättö jȩcu̧'i̧nö̧, cuamönä cuidepiyuttu'inä ja̧'hua̧ta̧nö̧ jȩpi̧.”

San Lucas 4:23 Referans Kwoze

San Marcos 6:1

Jesú juorü rä'opächü i̧rȩjä̧ra̧'a̧ku̧ 'chi̧nü̧. Ja̧'wa̧nü̧ i̧'cho̧mȩnä̧, u̧wo̧juȩtä̧u̧'i̧nä̧ chutäku 'chi̧nä̧tü̧.

San Mateo 4:13

Nazare-nä̧ ü̧jä̧'i̧ja̧'a̧, juorü rä'opächü rü̧ä̧ dubora jäyora wȩjü̧ Cafarnaúm ütawiyänä̧ ü̧ja̧ pä'ü ichinü̧, Zaburó̧, Neftarí pä'ü miku rȩjȩnä̧.

2 Corintios 5:16

Ja̧'wa̧nü̧ ja̧'a̧ttü̧, porü yabokumä̧ ttü̧ja̧rü̧mä̧ ya̧tȩrü̧'i̧nä̧ pi̧jä̧ ttü̧ja̧ tta̧mü̧kuäda'akumä̧ amükuädokotüjä̧; ja̧'wa̧ta̧nü̧ Crito-rü'i̧nä̧ pi̧jä̧ ttü̧ja̧ ttu̧wo̧juö̧'a̧nü̧mä̧ wo̧juo̧ko̧tü̧jä̧.

San Juan 4:28

Ja̧'wa̧nü̧ ja̧'a̧ isajumä̧, kkiäre 'kä̧nä̧ri̧yu̧ kku̧ni̧pü̧, ütawiyära̧'a̧ku̧ jopächü 'chä̧jä̧'kajumä̧, 'chä̧wi̧'ü̧ ttü̧ja̧rü̧ pä'inä̧ju̧:

San Lucas 6:42

¿Kua̧mü̧nä̧ pa̧ja̧tü̧ kui'ärenä̧ ȩkä̧'ka to'kuäkuäwoka'anä̧mä̧, tta̧'a̧nü̧ pä'ü kui̧jä̧wa̧rü̧mä̧ kui'ärenä̧ ȩko̧'ki ȩmü̧ chikuaku päkua'ajä̧ttü̧? ¡ä'koyättütä esetüjä̧!, ä̧kuo̧mȩnä̧mä̧ kua̧mü̧nä̧ kui'ärenä̧ ȩkä̧'ka ȩmä̧u̧ ikui, kui̧jä̧wa̧ i'ärenä̧ ȩko̧'ki topü ȩmü̧ kuikua pä'ümä̧.

San Lucas 4:16

Ja̧'wa̧nü̧ jä̧ji̧ o'ka'a Jesú-mä̧ büó juoinomȩ Nazare ütawiyäku ichinü̧. Kko̧ro̧nü̧ jä̧'i̧jü̧ta̧'a̧nü̧ sawaru mo̧ro̧ päi'omȩnä̧ sinagoga isodenä̧ do'ächi'äji̧'ka̧ wȩyu̧kuä̧ wȩnȩ ukuokua pä'ü ä̧rä̧mi̧'i̧nü̧.

San Mateo 13:54

I̧rȩjä̧ra̧'a̧ rȩbȩwi̧pä̧ji̧'ka̧ ttiäre sinagoga isodettü kkä̧mä̧dü̧ u̧wo̧juȩti̧nä̧u̧ ja̧'wa̧nü̧ ja̧'a̧ rü̧ȩnä̧ amükuädü pä'inä̧tü̧: —¿Pi̧yȩ u̧wo̧juö̧ o'kajuiyünä̧mä̧ torü u̧wo̧jui̧'i̧nü̧jä̧ttü̧? ¿Jȩtto̧kü̧ jueimä̧ toku jȩpü̧ jȩü̧ttü̧?

San Mateo 4:23

Jesú-mä̧, Galirea rȩjȩ o'kajuiyünä̧, sinagogas odewiyä jü̧'a̧kuä̧ kue'ächü wo̧juȩti̧nü̧. Wo̧juȩtü̧mä̧ ji'äwinü̧ jareünä̧ Ru̧wa̧ Dio weü wȩnȩ, ji'äu kkä̧nü̧mä̧ na̧nȩttü̧ttü̧'i̧nä̧, ubara ttu'u usurä ttȩmä̧u̧'i̧nä̧ aditü ikuinü̧.

San Lucas 2:39

Ja̧'wa̧nü̧ Tü̧ä̧nä̧wa̧ Dio weinü̧mä̧ o'kajuiyünä̧ jȩpü̧ kä'ädäjä'kotü pä'äjita'anü̧ Galirea rȩjȩra̧'a̧, ttidepiyu Nazare ütawiyära̧'a̧ku̧ ppa̧'ä̧chi̧nä̧tü̧.

San Lucas 2:51

Ja̧'wa̧nü̧ jä̧ja̧'a̧mä̧, juätütäku Nazare ütawiyära̧'a̧ ppa̧'ä̧chi̧nü̧. Jua'attümä̧ juätü pätta'akutä ukuotü kki̧nü̧. Ja̧'wa̧nü̧ ja̧'a̧ ja̧ju̧mä̧ pi̧yȩ o'kajuiyünä̧ kka̧mi̧so'kinä̧ wa'adü kku̧ni̧nä̧ju̧.

San Lucas 4:31

Jesú-mä̧ Galirea rȩjȩra̧'a̧, Cafarnaúm ütawiyära̧'a̧ 'chä̧ji̧'ka̧, sawaru mo̧ro̧ jü̧'a̧kuä̧ juätü ttü̧ja̧rü̧ wo̧juȩti̧nü̧.

San Lucas 4:35

Pä'ü woiyäku, Jesú-mä̧ ra̧wä̧ri̧pü̧nä̧nü̧ päinä̧ku̧: —¡'Koruchi'i! ¡jua̧u̧ ku̧jä̧ku̧ttü̧ rä'opächi!, päomȩnä̧. Jua̧u̧ ttü̧ja̧sa̧tä̧ ttü̧'kä̧tȩ jo̧mȩ ma̧ä̧ma̧'a̧nä̧, epíritu su̧ro̧pa̧mä̧ jua̧u̧ttü̧ rä'opächinü̧, jua̧u̧ru̧ suronä̧ jȩo̧ka̧'a̧nä̧tä̧.