San Lucas 4:1 - Nuevo Testamento Uwotjüja

¹ Epíritu Sa̧tu̧ jo̧mȩnü̧tä̧ wa̧, Jesú-mä̧ Jordán ajera̧'a̧ttü̧ ppa̧wä̧chi̧'a̧'a̧, Epíritumä̧ rȩbi̧yu̧ dȩ'a̧ra̧'a̧ku̧ oipi̧nä̧ku̧.

TÄ̧DO Ä̧CUÄ̧ I̧HUȨNȨ

¹ Jesús Espíritu Santorö su̧'pȩhua̧ ppa̧'ä̧chi̧nö̧do Jordán ajera̧'a̧ttö̧. Ja̧'hua̧ ja̧'a̧ttö̧ Espíritu Santomä oipinäcudo de'ara̧'a̧.

San Lucas 4:1 Referans Kwoze

Hechos 10:38

Dio-mä̧, Epíritu Sa̧tu̧ jäwänä̧ jȩpü̧, ujuru'i̧nä̧ iyinä̧ku̧ Jesú Nazare i̧sa̧rü̧mä̧. Ja̧'wa̧nü̧ ja̧'a̧ttü̧, Jesú-mä̧ adiutä ppä'ädü kue'ächinü̧, äwettä usurä ttȩmä̧u̧nä̧ jȩü̧'i̧nä̧ aditü ikuinü̧. Jua'amä̧ Dio chutäku ü̧ja̧'a̧ttü̧.

San Lucas 4:18

Dio i̧sa̧ Epíritu ttünä̧tä̧ kkü̧, Jua'amä̧ ȩmi̧nä̧ku̧ cha'attü, usurä isotürü adiwäjuei jareü wȩnȩ ȩpü̧ chiya pä'ü; weinä̧ku̧sä̧ tta̧mi̧ iso'kinä̧ usurä ȩmä̧wä̧tü̧rü̧ aditü chikua pä'ü. Kärenä̧ pȩjä̧tü̧rü̧ rä'epü chikua pä'ü. Ja̧'wa̧ta̧nü̧ ä̧to̧kä̧tü̧rü̧ tottünä̧ jȩcha̧ pä'ü; suronä̧ jȩttä̧u̧ usurä ȩmä̧wä̧tü̧rü̧ rä'epü chikua pä'ü;

San Juan 3:34

Ja̧'wa̧nü̧ ja̧'a̧ttü̧, Dio I̧tti̧ ukuokuomȩnä̧mä̧, Dio-tä ja̧'a̧ ukuokumä̧; jua'amä̧ Dio-mä̧ Epíritu-ru jo̧mȩnü̧ iyäku ja̧'a̧ttü̧.

San Juan 1:32

Ja̧'wa̧ta̧nü̧ Ju̧a̧-mä̧ pä'inü̧: Epíritu Sa̧tu̧rü̧ topinü̧sä̧, unuku 'kua̧ra̧ mo̧ro̧jä̧ra̧'a̧ttü̧ mȩyȩwi̧'ü̧, Jua̧u̧nä̧ ü̧jä̧mä̧da̧'a̧.

San Mateo 3:16

Ja̧'wa̧nü̧ ja̧'a̧ Jesú-mä̧ bautizo jȩä̧ku̧ o̧'ka̧ ajettü u̧wä̧mi̧'i̧'o̧mȩnä̧; mo̧ro̧jä̧ bawekuächa'attü, Dio wȩ'ä̧wa̧ Epíritu Sa̧tu̧, unuku 'kua̧rü̧nä̧ churutä ü̧jä̧mä̧da̧ pä'ü i̧mȩyȩwi̧'a̧'a̧ topinü̧.

San Lucas 4:14

Jesú Epíritu Sa̧tu̧ jo̧mȩnü̧ wa̧ Galirea rȩjȩra̧'a̧ku̧ ppa̧wä̧chi̧'a̧ja̧'a̧, o'katoi'ünä̧ juȩnȩ ütawiyä jäyänä̧ kka̧kuä̧tü̧ jua̧u̧ ütü'kü ukuowa'a ä̧ju̧kui̧nä̧tü̧.

Hechos 8:39

Jua̧u̧ o'ka'a, ajettü ttu̧wä̧mi̧'i̧'o̧mȩnä̧, Epíritumä̧ Felipe-rü ȩmi̧pi̧nü̧ ja̧'wa̧nü̧ ja̧'a̧ttü̧ tookoku pinü̧, ja̧'wa̧nü̧ ja̧'a̧nä̧ Etiopía i̧sa̧mä̧ rü̧ȩnä̧ esewä̧ya̧ i̧wi̧nü̧.

Hechos 1:2

Epíritu Sa̧tu̧ a̧'kua̧iweyenä̧, umüwäyotü apótore-rü jȩttä̧kuȩ wȩnȩ we'äji̧'ka̧ mo̧ro̧jä̧ra̧'a̧ käekuächino̧mȩbü päi'ünä̧.

San Lucas 2:27

Epíritu Sa̧tu̧ juȩpä̧rä̧ku̧ Dio-rü ukuokuäkuäwodera̧'a̧ 'chi̧nü̧, jua̧u̧ Simeón-mä̧. I̧'chi̧'o̧mȩnä̧ ji̧'ki̧cha̧wa̧ ja̧ju̧'i̧nä̧, jä'o'i̧nä̧ Jesú-ru i'kächipinä̧tü̧ weäwä wȩnȩ wea'aku jȩtta̧ pä'ü.

San Lucas 3:3

Ja̧'wa̧nü̧ ja̧'a̧ Ju̧a̧-mä̧ Jordán aje i̧sä̧jä̧nä̧ kka̧ku̧ ütawiyä o'kajuiyünä̧ 'chä̧nü̧ ji'äwinü̧, suronä̧ jȩttä̧'i̧jü̧ Dio jȩpü̧ ikuatü pä'ümä̧, bautizo jȩttä̧kuä̧u̧nä̧.

San Lucas 3:38

jua'a yabo Cainán i̧tti̧ ji̧na̧'a̧, jua'a yabo Enó i̧tti̧ ji̧na̧'a̧, jua'a yabo Set i̧tti̧ ji̧na̧'a̧, jua'a yabo Adá̧ i̧tti̧ ji̧na̧'a̧, jua'a yabo Adá̧-mä̧ Dio i̧tti̧ ji̧na̧'a̧.