San Lucas 3:9 - Nuevo Testamento Uwotjüja

⁹ Ja̧'wa̧ta̧nü̧ i̧da̧pä̧'kȩmä̧ täkü dauwiyä kkada'ka jȩpü̧ kku̧nä̧wa̧'a̧ kka̧'a̧; dauwiyä o'kajuiyünä̧ adiwä juei u̧wä̧ju̧ wȩjo̧kü̧mä̧ kku̧'u̧ iku, okuränä̧ kkuwü ikuäwä ja̧'a̧.

TÄ̧DO Ä̧CUÄ̧ I̧HUȨNȨ

⁹ I̧da̧pä̧'quȩ täcö jo̧mȩ päi'a'a dauhuiyä ku̧'u̧ icua pä'ö. Ja̧'hua̧ta̧nö̧ o'ca juiyö dauhuiyä adihuä juäi cuäcuähuä huȩjo̧cö̧mä̧, ku̧'u̧ icuipö i̧cuä̧cua̧ ocuränä, —pä'inödo Juan.

San Lucas 3:9 Referans Kwoze

San Mateo 7:19

O'kajuiyünä̧ dauwiyä u̧wä̧ju̧ adiwäjuei wȩjo̧kü̧ oimä̧, kku̧'u̧ iku okuränä̧ kkuwü ikuäwä ja̧'a̧.

San Juan 15:6

Ttünä̧ kko̧kü̧rü̧mä̧, ä̧na̧jui̧yä̧ u̧mi̧ do'opü ttikuomȩnä̧, joipächa'a; ka̧ka̧tü̧ okuränä̧ kku ttikua'a jä̧'i̧nü̧'a̧nü̧ jä̧kua̧'a̧.

San Lucas 13:9

Ja̧'wa̧nü̧ jȩcho̧mȩnä̧, u̧wä̧ju̧ iyüttümä̧ adiwäkua'a; wȩjü̧ juiyüttümä̧, 'kui'opü kuikuäikuajä̧.

San Lucas 13:7

Ja̧'wa̧nü̧ ji̧yä̧ku̧ uwa pätta tta̧wä̧rä̧kuä̧wä̧ i̧sa̧rü̧ pä'inü̧: Topittü̧, wäbodäkuä año jo̧mȩnä̧, pi higuera dau u̧wä̧ju̧ wa̧ja̧ pä'ü topü ichä'ijüsä ja̧'wa̧nü̧ ja̧'a̧nä̧ yorisotä wȩjo̧koi jä̧'i̧jäi. Ja̧'wa̧nü̧ ja̧'a̧ttü̧ kku̧'u̧ ikuäikui; ¿tta̧'a̧nü̧ pä'ü, ji̧ya̧'a̧kuä̧ra̧'a̧ rȩjȩ toe'ächünä̧ ku̧ju̧nä̧rä̧ttü̧?

San Mateo 3:10

Ja̧'wa̧ta̧nü̧ i̧da̧pä̧'kȩmä̧, dauwiyä ujukäkänä̧ jo̧mȩnü̧ to̧'ü̧ kku̧nä̧wa̧'a̧ kka̧'a̧, adiwäjuei u̧wä̧ju̧ wȩjo̧kü̧ oi dauwiyä kku̧'u̧ ttikua pä'ü. Ja̧'wa̧nü̧ jü̧ oimä̧ o'kajuiyünä̧tä̧ kku̧'u̧ iku okuränä̧ kku ikuäwä oi ja̧'a̧.

Hebreos 12:29

Isopäi'ünä̧ Tü̧ä̧nä̧wa̧ Dio-mä̧, okurä kuo'ü ttikuarä jü̧nä̧tä̧ wa̧.

Hebreos 10:28

Moisé weinü̧ wȩnȩnä̧mä̧: ya̧tȩ ukuotoka'a jä̧ja̧'a̧, ta̧ju̧ jo̧mȩnä̧, wä̧mȩtukuä jo̧mȩnä̧ totti'äjittümä̧; jua̧u̧ suronä̧ jȩpä̧ji̧rü̧mä̧ jȩä̧kuä̧wä̧ juiyünä̧tä̧ kuä'ü ttikuarü pä'ü ja̧'a̧, rȩrü̧jü̧ toäkuäwä juiyünä̧tä̧.

San Lucas 13:6

Jesú pi̧yȩ wȩnȩtü̧ ji̧ä̧wi̧nä̧u̧: Ya̧tȩ uwa pättanä̧, higo dau kku̧ni̧nü̧'ka̧ u̧wä̧ju̧ wȩji̧ya̧rü̧ ja̧ pä'ü topü i̧'chä̧ja̧'a̧, yoriso higo otemä̧ wȩjo̧koi ji̧na̧'a̧.