San Lucas 3:22 - Nuevo Testamento Uwotjüja

²² Epíritu Sa̧tu̧ i̧mȩyȩwi̧'i̧nä̧ku̧ unuku 'kua̧ra̧nä̧; ja̧'wa̧nü̧ päi'a'attü, ya̧tȩ i̧wȩnȩ, mo̧ro̧jä̧ra̧'a̧ttü̧ rä̧mi̧pi̧na̧'a̧: —«Ukumä̧ ttü chi̧tti̧jä̧ rȩni̧'a̧; ukuru rü̧ȩnä̧ eseusä.»

TÄ̧DO Ä̧CUÄ̧ I̧HUȨNȨ

²² Ja̧'hua̧ta̧nö̧ Espíritu Santo unucu ta'anö hua̧ mȩyȩhui̧'ö̧ kä̧mä̧di̧nö̧do Jesúsru tottönä päi'önä. Ja̧'hua̧ta̧nö̧ ttä̧ju̧cu̧nä̧ mo̧ro̧jä̧ra̧'a̧ttö̧ ya̧tȩ i̧huȩnȩ rä̧mi̧pa̧'a̧ ä̧ju̧cui̧nä̧tö̧do. Ja̧u̧ huȩnȩ päina'ado: —Ucumä ttö chi̧tti̧ rȩni̧'a̧jä̧. Ucuru juiyo eseusä, —päina'ado.

San Lucas 3:22 Referans Kwoze

San Juan 1:32

Ja̧'wa̧ta̧nü̧ Ju̧a̧-mä̧ pä'inü̧: Epíritu Sa̧tu̧rü̧ topinü̧sä̧, unuku 'kua̧ra̧ mo̧ro̧jä̧ra̧'a̧ttü̧ mȩyȩwi̧'ü̧, Jua̧u̧nä̧ ü̧jä̧mä̧da̧'a̧.

San Mateo 17:5

Peduru-mä̧ ji̧nä̧ ukuoku ü̧ja̧'a̧nä̧, ajiya isoppa kkȩdȩpoppa juätü ttu̧wä̧mȩ jo̧mȩ mȩyȩwi̧a̧'a̧ttü̧, juoppattü ya̧tȩ i̧wȩnȩ rȩmi̧pi̧na̧'a̧: «Pidemä̧ ttü chi̧tti̧ rü̧ȩnä̧ eseu repedäku: Jua̧u̧ru̧mä̧ ä̧ju̧kuä̧tu̧kui̧», jü̧nä̧.

Hechos 10:38

Dio-mä̧, Epíritu Sa̧tu̧ jäwänä̧ jȩpü̧, ujuru'i̧nä̧ iyinä̧ku̧ Jesú Nazare i̧sa̧rü̧mä̧. Ja̧'wa̧nü̧ ja̧'a̧ttü̧, Jesú-mä̧ adiutä ppä'ädü kue'ächinü̧, äwettä usurä ttȩmä̧u̧nä̧ jȩü̧'i̧nä̧ aditü ikuinü̧. Jua'amä̧ Dio chutäku ü̧ja̧'a̧ttü̧.

San Mateo 3:17

Ja̧'wa̧nü̧ päi'omȩnä̧, mo̧ro̧jä̧ra̧'a̧ttü̧ i̧wȩnȩ ji̧yȩtȩ rä̧mi̧pi̧na̧'a̧: «Pidemä̧ chi̧tti̧ rü̧ȩnä̧ rȩni̧'a̧, jua̧u̧ru̧ juiyo eseusä.»

1 Pedro 2:4

Ja̧'wa̧nü̧ ja̧'a̧ttü̧ Tu̧ru̧wa̧rü̧ tü'küpächätukui, I̧no̧'ki wa'ü ikuoko'ki ttü̧ja̧mä̧ ya'okuinä̧tü̧, ja̧'wa̧nü̧ ja̧'a̧nä̧ Dio-rümä̧ pojopü kku̧nä̧wo'ki rü̧ȩnä̧ mikuäwo'ki jü̧nä̧.

San Mateo 12:18

Pidetä ja̧'a̧ chu̧mü̧wä̧ya̧, ttü chȩmi̧nä̧ku̧mä̧, Jua̧u̧ru̧ eseusä, rü̧ȩnä̧ repedäku ja̧'a̧ttü̧. Jua̧u̧nä̧ ttü i̧sa̧ Epíritu-ru chu̧ju̧nä̧kua̧sä̧, ja̧'wa̧ta̧nü̧ ro̧ȩkuä̧ wȩnȩ ji̧ä̧wä̧kua̧ judío pokotü pokotürümä̧.

Colosenses 1:13

Dio-mä̧ yo̧ü̧ ujuruttü rä'epü iku I̧tti̧ ru̧wa̧ eseäkuäwänä̧ weomȩku̧ u̧ju̧ni̧nä̧u̧jä̧,

San Lucas 4:21

Ja̧'wa̧nü̧ ja̧'a̧, kkä̧mä̧dü̧ päinä̧u̧: —Jitä mo̧ro̧, pätekuächa'a pi̧yȩ wȩyu̧kuä̧ wȩnȩ päümä̧, ukutu kuä'katuku jo̧mȩttü̧.

San Mateo 27:43

Dio I̧tti̧sä̧ pä'ä'ijü, wä̧i̧nä̧ Dio-tä ppädäku: ¡isopäi'ünä̧ Dio repeäku jü̧ttü̧mä̧, Dio wa'arettü ü̧ji̧pü̧nä̧ ppä̧dä̧kua̧!

San Mateo 3:13

Ja̧'wa̧nü̧ jä̧ji̧ o'ka'a Jesú-mä̧, Galirea rȩjȩttü̧ rä'opächäji̧'ka̧, Jordán ajera̧'a̧ku̧, Ju̧a̧ bautizo jȩa̧rü̧ pä'ü, ü̧jo̧mȩku̧ ichinü̧.

San Mateo 3:16

Ja̧'wa̧nü̧ ja̧'a̧ Jesú-mä̧ bautizo jȩä̧ku̧ o̧'ka̧ ajettü u̧wä̧mi̧'i̧'o̧mȩnä̧; mo̧ro̧jä̧ bawekuächa'attü, Dio wȩ'ä̧wa̧ Epíritu Sa̧tu̧, unuku 'kua̧rü̧nä̧ churutä ü̧jä̧mä̧da̧ pä'ü i̧mȩyȩwi̧'a̧'a̧ topinü̧.

San Marcos 1:9

Ji̧yȩnü̧ mo̧ro̧, Jesú-mä̧ Galirea rȩjȩnä̧ttü̧, Nazare ütawiyättü rä'opächü i̧'chä̧ja̧'a̧, i̧rȩbȩwi̧'o̧mȩnä̧, Ju̧a̧-mä̧ Jordán ajettü bautizo jȩi̧nä̧ku̧.

San Marcos 1:11

Ja̧'wa̧nü̧ päi'omȩnä̧, ya̧tȩ i̧wȩnȩ, mo̧ro̧jä̧ra̧'a̧ttü̧ rä̧mi̧pi̧na̧'a̧: «Ukumä̧ ttü chi̧tti̧jä̧ rü̧ȩnä̧ rȩni̧'a̧, ukuru rü̧ȩnä̧ repe'üsä.»

San Marcos 9:7

Ja̧'wa̧ta̧nü̧ juätü ttu̧wä̧mȩ jo̧mȩ kkä̧rü̧'koppa juiächia'attü, rȩmi̧pi̧na̧'a̧ «pidemä̧, ttütä chi̧tti̧ rü̧ä̧nä̧ rȩni̧'a̧: jua̧u̧ru̧ ä̧ju̧kuä̧tu̧kui̧,» jü̧nä̧.

San Lucas 2:14

«¡Mo̧ro̧jä̧nä̧ttü̧mä̧ Dio-rü uruwo eseäkuäwi'a'a! ¡ja̧'wa̧ta̧nü̧ pi̧jä̧nä̧ttü̧ wȩnȩ juiya'a Dio esewäu̧ru̧mä̧!»

San Juan 5:37

Ja̧'wa̧ta̧nü̧ Chä'o ttürü we'inü̧'i̧nä̧, ttü chütü'kümä̧ ji'äwinü̧. Jua'akumä̧ i̧wȩnȩ'i̧nä̧ kuä̧ju̧kuä̧tu̧kuo̧ko̧ku̧ ja̧'a̧nä̧, topü'i̧nä̧ to'kuätukuokoku ja̧'a̧nä̧,

San Juan 12:28

«Chä'o, kui̧mi̧ ukuo i̧jȩpi̧» Päomȩnä̧ mo̧ro̧jä̧ra̧'a̧ttü̧, rȩmi̧pi̧na̧'a̧: «Täkü chi̧mi̧ ukuomä̧ i̧jȩpä̧'i̧jü̧sä̧ ja̧'wa̧nü̧ ja̧'a̧nä̧ pä'äjita'anü̧ chukuomä̧ chi̧jȩpä̧kua̧sä̧.»