San Lucas 3:11 - Nuevo Testamento Uwotjüja

¹¹ Jättepäku Ju̧a̧-mä̧ ädätinä̧u̧: —ü̧'ka̧tä̧wä̧ti̧yu̧ to̧ta̧rȩ kku̧nä̧rü̧mä̧, jui̧'a̧rü̧ ppä'ädi; ja̧'wa̧ta̧nü̧ u̧kuȩ kku̧nä̧rü̧'i̧nä̧, u̧kuȩ jui̧'a̧rü̧ ppä'ädi.

TÄ̧DO Ä̧CUÄ̧ I̧HUȨNȨ

¹¹ Juan jahuätörö ädätinödo: —To̧ta̧rȩ a̧mö̧ca̧ o̧ta̧ ku̧nä̧rö̧mä̧ ji̧ta̧tȩ iyö'a̧nö̧ ja̧'a̧ ya̧tȩ yoröiso jui̧'a̧rö̧. Ja̧'hua̧ta̧nö̧ u̧cuȩ ku̧nä̧rö̧mä̧ 'quȩ'ȩpö̧ iyö'a̧nö̧ ja̧'a̧ ya̧tȩ u̧cuȩ jui̧'a̧rö̧.

San Lucas 3:11 Referans Kwoze

1 Juan 3:17

Isopäi'ünä̧, yotüte ttiäre pärätä kku̧nä̧rä̧tü̧, tta̧wa̧ru̧wa̧ tti̧jä̧wa̧rü̧ rekuä rü̧ja̧'a̧ totta'anä̧; jua̧u̧ru̧ re ttü̧jü̧ juiyüttümä̧, ¿Toku kkä̧kua̧'a̧jä̧ttü̧, tta̧mi̧so'kinä̧mä̧, Dio eseu repeü jäwämä̧?

1 Timoteo 6:18

Adiwäjuei jȩtta̧'a̧nä̧'i̧nä̧ adiwäjuei aditäkuäwänä̧ ruwotü juo'ü ja̧'wa̧ta̧nü̧ ttiäre ttu̧ju̧nä̧rü̧'i̧nä̧ iyü ppädäkuäwämä̧ jo̧mȩnü̧ ttü̧ja̧kua̧ we'itü.

San Lucas 18:22

Ja̧'wa̧nü̧ pä'a ä̧ju̧ku̧, Jesú-mä̧ päinä̧ku̧: —Ji̧nä̧ ji̧yȩtȩ jui̧'a̧jä̧: ku̧ju̧nä̧rü̧mä̧ o'kajuiyünä̧ mikuänä̧ iyä'chü ikuäji ja̧'wa̧nü̧ jȩpi̧'ü̧'ka̧ usurä isotürü ppäkuäda ja̧'wa̧nü̧ jȩ'kuo̧mȩnä̧ mo̧ro̧jä̧ra̧'a̧tä̧ kku̧ju̧nä̧rä̧kua̧jä̧ kuiäre pärätämä̧; ja̧'wa̧nü̧ jȩpü̧ ttüku ichi.

1 Juan 4:20

Ja̧'wa̧nü̧ ja̧'a̧ttü̧, ya̧tȩ «Dio-rü eseu repe'üsä» pä'ükkä̧nü̧, a̧wa̧ru̧wa̧ i̧jä̧wa̧rü̧ eseu repeü juiyüttümä̧, yapareäkuäwä i̧sa̧ ja̧'a̧. Isopäi'ünä̧ tawaruwä ti̧jä̧wa̧ totäkuru'i̧nä̧ eseu repetoka'amä̧ ¿toku eseu repetäkua'ajä̧ttü̧, Dio-rümä̧, totokokurumä̧?

Santiago 1:27

Jä'o Dio-rü esetäwämä̧ churutä eseäkuäwä ja̧'a̧ ja̧'wa̧ta̧nü̧ adiu jȩä̧kuä̧wä̧mä̧ reyotü usurä ȩmä̧wä̧tü̧rü̧'i̧nä̧, rȩkua̧mü̧rü̧'i̧nä̧ ppädäkuäwä ja̧'a̧, ja̧'wa̧ta̧nü̧ pi̧jä̧ jäwä surojuo'epünä̧mä̧ kuiditäkuäwätukuä.

San Lucas 11:41

Ja̧'wa̧nü̧ ja̧'a̧ttü̧ usurä isotürü ppä'ädätukui. Ja̧'wa̧nü̧ jȩ'kuä̧tu̧kuo̧mȩnä̧ jättäpäyotü surojümä̧ juikuäkuotüjä̧.

San Mateo 25:40

Pättomȩnä̧ Ru̧wa̧ Rey-mä̧ ä̧dä̧tä̧kuä̧u̧: Isopäi'ünä̧ pä'üsä ukuturu o'kajuiyünä̧ pitü chi̧jä̧wa̧tü̧ttü̧ ppo̧'ä̧tü̧rü̧ ya̧tȩrü̧ ja̧ pä'ü'i̧nä̧ ppäkuädinä̧tu̧ku̧mä̧, ttürütä ppä'ädinä̧tü̧jä̧.

Hebreos 6:10

Isopäi'ünä̧ Dio-mä̧ suronä̧ jȩä̧kuä̧wä̧ i̧sa̧mä̧kü̧ ja̧'a̧ttü̧, Chutä i̧mi̧ eseu, jȩ'kuä̧'i̧jä̧tu̧ku̧mä̧ ja̧'wa̧ta̧nü̧ umüwäyotü ȩmi̧nä̧u̧rü̧ ppäkuädä'ijätuku'i̧nä̧, yabonü̧ jitä jȩ'kuä̧tu̧ku̧'i̧nä̧ yorisotä u̧ni̧chi'okü.

Hechos 10:31

Jua̧u̧mä̧ päjäkusä: Cornelio, Dio-rü kukuokuä'ijümä̧ ä̧ju̧kuä̧jä̧ku̧jä̧ ja̧'wa̧ta̧nü̧ usurä isotürü ppäkuädä'ijü'i̧nä̧ amükuädäjäkujä̧, jü̧nä̧.

Hechos 10:4

Päku, to̧pä̧rü̧ kkä̧nü̧, ye'ünä̧nü̧ jä'epinü̧: ¿Däjéjä̧ttü̧ chu̧ru̧wa̧? jäepäku, á̧gȩ-mä̧ pä'inü̧: Dio-mä̧ topäji, Churutä jä'epü kukuokuä'ijümä̧ ja̧'wa̧ta̧nü̧ usurä isotürü ppäkuädä'ijü'i̧nä̧.

Hechos 10:2

Jua̧u̧ Cornelio-mä̧ Dio-rü esetinü̧ i̧tti̧mü̧tä̧ku̧ o'katoi'ünä̧, rü̧ȩnä̧ usurä isotürü'i̧nä̧ ppä'ädinü̧ ja̧'wa̧ta̧nü̧ 'kuäopünä̧ Dio-rü ukuokuinü̧.

San Juan 13:29

Ja̧'wa̧nü̧ ja̧'a̧nä̧ kkorotümä̧, Juda-mä̧ pärätä ȩkä̧yü 'chu̧ä̧ra̧'a̧ ja̧'a̧, pä'käri jäwä ȩma̧ pä'ü päkukü̧ ja̧'wa̧nü̧ jü̧ juiyüttü'i̧nä̧, usurä isotürü ppäda pä'ü päkukü̧ pä'ütä amükuädinä̧tü̧.

San Lucas 19:8

Ja̧'wa̧nü̧ ja̧'a̧, Zaqueo-mä̧ ä̧rä̧mi̧'ü̧ kkä̧mä̧dü̧ u̧ru̧wa̧ Jesú-ru pä'inü̧: —Topi, chu̧ru̧wa̧ chu̧ju̧nä̧rü̧ pärätä ju'to o'kajuiyünä̧, usurä isotürü iyüsä; ja̧'wa̧nü̧ ja̧'a̧nä̧ ya̧tȩrü̧ kkorojuei chü̧nä̧u̧kuä̧'i̧jü̧ttü̧mä̧, jua̧u̧ttü̧'i̧nä̧ yabokumä̧ pa̧ja̧kuä̧nü̧ jo̧mȩnä̧ ppa̧dä̧dä̧kua̧ jua̧u̧mä̧.

Efesios 4:28

Nä̧u̧kuä̧rü̧ kki̧'ȩnü̧mä̧, yabonü̧mä̧ ku̧nä̧u̧kuä̧rä̧, aditütä kkä̧wi̧; ku̧mü̧nä̧ adiwä juei jȩpü̧ ku̧ju̧ttü̧mä̧, rekuä rü̧jä̧u̧ru̧ ppäkuädäkua̧jä̧.

1 Timoteo 6:17

Pi̧jä̧nä̧ttü̧ pärätä ruwotürümä̧, kku̧nä̧rä̧tü̧jä̧ pä'ü ukuo tettäu juiyünä̧ ja̧'wa̧ta̧nü̧ tturuwonä̧ tta̧'kua̧ ttu̧wȩnä̧rü̧ juiyünä̧ we'itü, ja̧'wa̧nü̧ ja̧jü̧ jueimä̧ kkorojuei'i̧nä̧ o'kajuiyünä̧ rü̧ä̧nä̧ iyü Dio 'kuäopü kkü̧rü̧tä̧ tesewäkua'anü̧.

Santiago 2:14

Chawaruwä chü̧jä̧wa̧tü̧, ¿däje ppäda'ajä̧ttü̧ yotüte ta̧'kua̧ wȩnä̧rä̧tü̧jä̧ pätta'anä̧ ttaditäwänä̧ tti̧jȩpo̧ka̧'a̧mä̧? ¿Ja̧u̧ tta̧'kua̧ ttu̧wȩnä̧rü̧tä̧ surojüttü ttü̧ji̧pü̧nä̧ ppädü'anü̧ tä̧jí̧?