San Lucas 24:6 - Nuevo Testamento Uwotjüja

⁶ Pȩnȩmä̧, täkü toa'a, wa'arettümä̧ tto'ächäji, amükuädätukui Galirea-nä̧ ü̧jä̧i̧ jiäwinü̧ ji̧nü̧.

TÄ̧DO Ä̧CUÄ̧ I̧HUȨNȨ

⁶ Pȩnȩmä̧ toa'a. Täcö tto'ächäji. Ji̧nä̧ Galilea rȩjȩnä̧ ö̧jo̧mȩnä̧, ucuturu jiähuinömä amöcuädätucui:

San Lucas 24:6 Referans Kwoze

San Lucas 9:22

Pa̧'a̧nü̧ pä'ünü̧: —Ttü Ubo I̧tti̧ rü̧ȩnä̧ usurä chȩmä̧wa̧ pä'ü rekuä rü̧ja̧'a̧, judío-ttü a̧ci̧a̧nu̧ wotüttü'i̧nä̧, sacerdote wotü tturuwotüttü'i̧nä̧, weäwä wȩnȩ wo̧juȩkuä̧ isotüttü'i̧nä̧, weäwänä̧ usurä ȩmä̧wi̧'i̧pü̧, kuä'ü'i̧nä̧ ttiku o'ka'a, wäbodäkuä mo̧ro̧ päi'omȩnä̧ tto̧dä̧chä̧kua̧sä̧.

San Marcos 8:31

Ja̧'wa̧nü̧ ja̧'a̧ Jesú-mä̧ kkä̧mä̧dü̧ u̧wo̧juȩtä̧u̧rü pä'inü̧: Ttü, Ubo I̧tti̧mä̧ rü̧ȩnä̧ usurä chȩmä̧wä̧kua̧sä̧. Ttürü kkü'kü jui'ü, a̧ci̧a̧nu̧tu̧'i̧nä̧, sacerdote tturuwotü'i̧nä̧, weäwä wȩnȩ wo̧juȩtä̧tü̧'i̧nä̧ kuä'ü ttikunä̧ wȩttä̧kua̧sä̧. Ja̧'wa̧nü̧ ja̧'a̧nä̧ wäbodäkuä mo̧ro̧ päi'omȩnä̧ tto̧dä̧chä̧kua̧sä̧.

San Mateo 28:6

Pȩnȩmä̧ toa'a päinü̧ta'anü̧ tto'ächäji, ttütäjomȩ topächätukui.

San Lucas 9:44

Pi̧yȩ adiu 'chu'ädi'ü ä̧ju̧kuä̧tu̧kui̧: Ubó I̧tti̧rü̧mä̧ ttü̧ja̧ ttu̧mü̧nä̧ iyü tti̧kuä̧kua̧.

San Mateo 27:63

'chä̧jä̧'kotümä̧ pä'inä̧tü̧: —Tu̧ru̧wa̧, chupinü̧ yaparewinü̧mä̧, ji̧nä̧ pi̧jä̧nä̧ ü̧jä̧i̧mä̧ wäbodäkuä mo̧ro̧ päi'omȩnä̧ tto̧dä̧chä̧kua̧sä̧ pä'inü̧ ji̧nü̧, amükuädätüjä̧.

San Mateo 16:21

Jua̧u̧nu̧tä̧ kkä̧mä̧dü̧ Jesú-mä̧ u̧wo̧juȩtä̧u̧rü ji'äwinü̧ Jerusarȩ́-ra̧'a̧ i̧'cha̧ pä'ü rekuä rü̧jü̧mä̧, jua'attü judío-ttü a̧ci̧a̧nu̧ wotü'i̧nä̧, sacerdote-tü̧ tturuwotü'i̧nä̧ weäwänä̧ usurä ȩmä̧wi̧'ü̧'ka̧, kuä'ü ttiku o'ka'a wäbodäkuä mo̧ro̧ päi'omȩnä̧ ttoächä̧kuȩ wȩnȩmä̧.

San Mateo 12:40

Ja̧'wa̧nü̧ ja̧'a̧ttü̧, wäbodäkuä mo̧ro̧ jo̧mȩnä̧, wäbodäkuä yodó jo̧mȩnä̧ büó po̧i̧sa̧ üakuä jakuä Joná ȩki̧nü̧ta̧'a̧nü̧, ubo I̧tti̧'i̧nä̧ rȩjȩ jakuä ȩkä̧kua̧.

San Marcos 16:6

Ja̧'wa̧nü̧ ja̧'a̧nä̧, päinä̧u̧: —Yekuekuätukuä, Jesú Nazare ütawiyä i̧sa̧rü̧ ü̧jo̧kä̧nü̧ jäinä̧ kku̧nu̧, kuä'ü ttikuäjäkuru usätüjä̧; jua̧u̧mä̧, tto'ächäji, pȩnȩ́ ttütäjomȩmä̧ toa'a, topätukui.

San Lucas 24:5

Ja̧'wa̧nü̧ pä̧i̧'ä̧u̧ ye'i'ü rȩjȩku̧ ja̧rȩyu̧nu̧ ma̧ttä̧ma̧'a̧nä̧; juätü u̧mä̧tü̧mä̧ pättinä̧u̧: ¿Tta̧'a̧nü̧ pä'ü ukutumä̧, a̧'kua̧rü̧rü̧mä̧ wa'inä̧tü̧ ttü̧'kä̧tȩ usätüjä̧ttü̧?

San Lucas 24:34

Pa̧'a̧nü̧ ukuoku: Isopäi'ünä̧ Tu̧ru̧wa̧mä̧ tto'ächäjido, Simón-rü̧ i̧jȩkuä̧ji̧.

Hechos 2:24

Jua̧u̧ru̧mä̧, Dio-mä̧ wa'are ubarattü äräbe'inü̧; wa'are 'chuädi'arü pä'ümä̧, yoriso juiyina̧'a̧.

2 Tesalonicenses 2:5

Amükuädätukui pi̧yȩ tü'kümä̧ täkü jidäwinä̧u̧jä̧, ukututäku chü̧jä̧i̧.