San Lucas 24:32 - Nuevo Testamento Uwotjüja

³² Ja̧'wa̧nü̧ päi'i̧yä̧u̧ pä'äkuäwinä̧tü̧: —¿Isopäi'ünä̧, mä̧nä̧nä̧, wȩyu̧kuä̧ wȩnȩ ji'äwäya̧ ichomȩnä̧mä̧, ta̧mi̧ iso'ki barawäja'akuättü̧?

TÄ̧DO Ä̧CUÄ̧ I̧HUȨNȨ

³² Jahuätömä ttamönä pä'inätödo: —Mä̧nä̧nä̧ ichö, Huȩyu̧cuä̧ Huȩnȩ jiähuomenä, tami iso'quinä koro juäi cuoa'a jä̧'i̧nö̧'a̧nö̧ cuoäja'a, ¿isodi̧?

San Lucas 24:32 Referans Kwoze

San Lucas 24:45

Ja̧'wa̧nü̧ ji'äu, ttu̧wo̧jui̧pü̧nä̧ tta̧mü̧kuädü bawepinä̧u̧, wȩyu̧kuä̧ wȩnȩ ttu̧wo̧jui̧pa̧ pä'ü.

Hebreos 4:12

Isopäi'ünä̧ Dio i̧wȩnȩmä̧, a̧'kua̧rä̧kuä̧wä̧'i̧nä̧, ujuru'i̧nä̧ kkü̧ ja̧'a̧. Kurodä pätekunä̧ so̧ȩkuodättü'i̧nä̧ abonä̧nü̧ 'kuiokuächa'a ja̧'wa̧ta̧nü̧ ttü̧ja̧sa̧ a̧'kua̧rü̧nä̧'i̧nä̧, a̧'kua̧rü̧ i̧sa̧nä̧'i̧nä̧ jakuära̧'a̧ doächi'ünä̧; ja̧'wa̧ta̧nü̧ tta̧mü̧kuädünä̧'i̧nä̧, tta̧mi̧'iso'kinä̧'i̧nä̧ adiu'i̧nä̧, surojü'i̧nä̧ ttu̧wo̧jui̧pü̧nä̧ ja̧'a̧.

San Juan 6:63

Epíritu ja̧'a̧ a̧'kua̧rä̧kuä̧wä̧ iyümä̧; ttidepo'tämä̧ ji̧ya̧'a̧kuä̧ra̧'a̧tä̧ kka̧'a̧; ja̧'wa̧nü̧ ja̧'a̧ttü̧ ttü pädäjimä̧ epíritu ja̧'a̧nä̧, tta̧'kua̧rü̧'i̧nä̧ jü̧.

Hechos 28:23

Ja̧'wa̧nü̧ ja̧'a̧ttü̧, ji̧yȩtȩ mo̧ro̧ ttü̧ka̧ka̧kua̧ pä'ü, pätetü ttu̧ju̧nä̧ja̧'a̧ rekuätü ichinä̧tü̧ Pauru ü̧jodenä̧. Juodettü jiäwinä̧u̧ ru̧wa̧ Dio weü wȩnȩ yo̧ä̧i̧ ü̧jä̧mä̧dä̧ja̧'a̧mä̧ ni̧pä̧ro̧mȩbü päi'ünä̧. Pauru-mä̧ jiäwinä̧u̧ Moisé weäwä wȩnȩnä̧'i̧nä̧ ja̧'wa̧ta̧nü̧ profeta-tü̧ ttukuokuinü̧nä̧'i̧nä̧, jü̧nä̧; Jesú-ru tesetiyarü pä'ümä̧.

San Marcos 4:34

Ji̧yȩtȩ'i̧nä̧ u̧wȩnȩto̧ka̧'a̧mä̧ ji̧ä̧wo̧ko̧u̧ pinä̧tü̧ ja̧'wa̧nü̧ ja̧'a̧nä̧ u̧wo̧juȩtä̧u̧rümä̧ o'kajuiyünä̧tä̧ i̧mi̧ku̧nä̧ rä'epü iku ji'äwinü̧.