San Lucas 24:30 - Nuevo Testamento Uwotjüja

³⁰ Mesa isodänä̧, juätütäku pä̧mä̧dä̧ji̧'ka̧, trigo i̧ri̧si̧ ȩmo̧po̧'ü̧, Dio-rü ukuokuäji̧'ka̧, 'to'opü iyinä̧u̧.

TÄ̧DO Ä̧CUÄ̧ I̧HUȨNȨ

³⁰ Ja̧u̧nu̧ o'ca'a jahuätöcu mesa isodänä ttö̧'ä̧mä̧do̧mȩnä̧, i̧ri̧si̧ u̧mö̧nä̧ ȩmö̧, Diosrö ucuocuinödo. Ucuocuäji'ca̧, 'tȩ'chä̧rö̧ iyinödo jahuätörö.

San Lucas 24:30 Referans Kwoze

San Mateo 14:19

Pä'äji̧'ka̧, ttü̧ja̧rü̧mä̧ isä'kua wä̧mȩ ttü̧'ä̧mä̧da̧ pä'ü wȩä̧jä̧u̧ ttü̧'ȩjä̧ma̧'a̧nä̧, ji̧mü̧tȩ jäwä trigo ire o̧si̧'i̧nä̧, po̧i̧ ta̧ju̧ru̧'i̧nä̧ ȩmo̧po̧'ü̧ mo̧ro̧jä̧ra̧'a̧ku̧ topünü̧ Dio-rü eseunu̧ ukuokuinü̧. Ukuokuäji̧'ka̧ 'To'opü i̧yä̧u̧ u̧wo̧juȩtä̧u̧mä̧ jua'a yabo ttü̧ja̧rü̧ iyä'chinä̧tü̧.

San Lucas 24:35

Ja̧'wa̧ta̧nü̧ jitütä'i̧nä̧ ji'äwinä̧tü̧; mä̧nä̧nä̧ tti̧'cha̧'a̧ 'kuäopäji'i̧nä̧ ja̧'wa̧ta̧nü̧ ttu̧kuȩ trigo i̧ri̧si̧ 'to'opü iyomȩnä̧ ttu̧wo̧jui̧pä̧ji̧'i̧nä̧, jü̧nä̧.

San Lucas 9:16

Ja̧'wa̧nü̧ ja̧'a̧mä̧, pan o̧si̧ to̧si̧rȩ ȩmo̧po̧'ü̧ kkä̧nü̧, po̧i̧rü̧'i̧nä̧ ȩmo̧po̧'ü̧, ju'tojuku topü, Dio-rü ukuoku kä'ädü, 'toropo'ü, u̧wo̧juȩtä̧u̧rü iyinü̧, ttü̧ja̧rü̧ ttiyä'cha pä'ümä̧.

San Mateo 15:36

Sietenü̧ trigo ire o̧si̧'i̧nä̧, po̧i̧rü̧'i̧nä̧ 'chu'ädo'ü Dio-rü eseunu̧ ukuokuäji̧'ka̧, 'to'opü i̧yä̧u̧ u̧wo̧juȩtä̧u̧mä̧ jua'a yabo ttü̧ja̧rü̧ iyä'chinä̧tü̧.

Hechos 27:35

Ja̧'wa̧nü̧ pä'ü kä'ädü, o'katoi'ünä̧ ttä'ka jo̧mȩttü̧ Pauru-mä̧ Dio-rü ukuokuopo'ü u̧kuȩ kuinü̧.

San Juan 6:11

Ja̧'wa̧nü̧ ja̧'a̧ Jesú-mä̧, jua̧u̧ o̧si̧ ȩmo̧po̧'ü̧, Dio-rü eseu pä'äji̧'ka̧, u̧wo̧juȩtä̧u̧rü iyä'chinü̧, jua'a yabo juätümä̧ ttü̧ja̧ pȩjä̧tü̧rü̧ ttiyä'chünä̧. Ja̧'wa̧ta̧nü̧tä̧ jȩpi̧nü̧ po̧i̧rü̧'i̧nä̧.

San Lucas 22:19

Jua̧u̧ o'komȩnä̧, trigo i̧ri̧si̧ ȩmo̧po̧'ü̧, Dio-rü eseunu̧ ukuokuäji̧'ka̧, 'to'opü u̧wo̧juȩtä̧u̧rü iyü pä'inü̧: —Pi̧yȩmä̧, ttütä jä̧ttä̧pä̧ya̧ ja̧'a̧; ukutu jäwänä̧ iyü i̧kuä̧wä̧kuȩ; pi̧yȩmä̧ jȩ'kuä̧tu̧kua̧jä̧ ttürü amükuädü.

San Marcos 14:22

Ja̧'wa̧nü̧, ttu̧kuȩ ttukuomȩ 'kä̧tȩnä̧, trigo i̧ri̧si̧ ȩmo̧po̧'ü̧, Dio ppäda pä'ü jä'epäji'ka̧, 'te'ädü iyükkä̧nü̧, päinä̧u̧: —Ja̧já̧, pi̧yȩmä̧ ttütä jä̧ttä̧pä̧ya̧ ja̧'a̧.

San Marcos 8:6

Ja̧'wa̧nü̧ pättäku, ttü̧ja̧rü̧ rȩjȩ ttü̧'ä̧mä̧dü̧nä̧ we'äji̧'ka̧, kko̧ro̧mü̧ttü̧nü̧ to̧si̧rȩ trigo o̧si̧ 'chu'ädo'ü, Dio-rü eseu ukuokuäji̧'ka̧, te'ädo'ü u̧wo̧juȩtä̧u̧rü iyä'chinü̧, juȩnȩ yabo ttü̧ja̧rü̧ ttiyä'cha pä'ü; ja̧'wa̧nü̧ weüta'anü̧ jȩpi̧nä̧tü̧.

San Marcos 6:41

Ja̧'wa̧nü̧ ttü̧'ȩjä̧mä̧ji̧ o'ka'a Jesú-mä̧ ji̧mü̧tȩ jäwä trigo o̧si̧ ja̧'wa̧ta̧nü̧ po̧i̧ ta̧ju̧ru̧ 'chu'ädü mo̧ro̧jä̧ra̧'a̧ topünü̧ Dio-rü, Dio ppädü esewinü̧. Ja̧'wa̧nü̧ eseunu̧ Dio-rü pä'äji̧'ka̧ u̧wo̧juȩtä̧u̧rü trigo o̧si̧ 'te'ädo'ü iyinü̧ jua'a yabo ttü̧ja̧rü̧ ttiyä'cha pä'ü. Ja̧'wa̧ta̧nü̧tä̧ po̧i̧ ta̧ju̧ru̧'i̧nä̧ o'katoi'ünä̧tä̧ ttiyä'chäkuäunä̧ jȩpi̧nü̧.

San Mateo 26:26

Ttu̧kuȩ ttukua'a 'kä̧tȩnä̧, Jesú-mä̧ trigo i̧ri̧si̧ ȩmo̧po̧'ü̧ Dio-rü ukuokuäji̧'ka̧, 'to'opo'ü u̧wo̧juȩtä̧u̧rü iyü pä'inü̧: —Ja̧já̧ kuätukui, pi̧yȩmä̧ ttütä jä̧ttä̧pä̧ya̧ ja̧'a̧.

San Lucas 24:29

Jitütäku ü̧ji̧pü̧nä̧ pättinä̧ku̧: —Täkü, ujututäku 'kuä'opi, yodó juoächäja'a. Ja̧'wa̧nü̧ pättäku jitütäku do'ächinü̧.

Hechos 2:42

Ja̧'wa̧nü̧ ja̧'a̧, apótore ttu̧wo̧juȩtü̧nä̧ kka̧kui̧nä̧tü̧, rekuä rü̧jü̧ ppä'ädäkuäu, ji̧nä̧ yo̧mȩtȩnä̧ kuä̧nü̧ ja̧'wa̧ta̧nü̧ Dio-rü ukuoku'i̧nä̧, jü̧nä̧.

Hechos 2:46

'Kuäopünä̧ mo̧ro̧ ji̧nü̧'a̧kuä̧, yo̧mȩtȩnä̧ Dio-rü ukuokuäkuäwodenä̧ ka̧ka̧kui̧nä̧tü̧, ttojusodettümä̧ ji̧nä̧ yo̧mȩtȩnä̧ kuä̧nü̧, rü̧ȩnä̧ eseäkuäwinä̧tü̧.