San Lucas 24:20 - Nuevo Testamento Uwotjüja

²⁰ Ja̧'wa̧nü̧ ja̧'a̧nä̧, sacerdote wotü tturuwotümä̧ ja̧'wa̧ta̧nü̧ ukuo isotü tturuwotümä̧, ü̧jo̧kä̧ jäinä̧ pȩ'o̧pü̧ ttu̧ju̧nu̧nä̧ iyü ttikuinä̧ku̧ 'koru päi'ünä̧.

TÄ̧DO Ä̧CUÄ̧ I̧HUȨNȨ

²⁰ Ja̧'hua̧ta̧nö̧ sacerdotes ruhuotö'inä, ujutu turuhuotö'inä ja̧u̧ daunä kä̧nö̧ 'corupäi'a pä'ö huettinö huȩnȩ ucuocuätöjä.

San Lucas 24:20 Referans Kwoze

San Lucas 23:13

Pilato-mä̧ sacerdote wotü tturuwotürü'i̧nä̧, ukuo isotürü'i̧nä̧ ja̧'wa̧ta̧nü̧ ttü̧ja̧rü̧'i̧nä̧ ka̧ka̧tä̧ji̧'ka̧,

San Mateo 27:20

Ja̧'wa̧nü̧ ja̧'a̧nä̧, sacerdote tturuwotü'i̧nä̧, a̧ci̧a̧nu̧tu̧'i̧nä̧ ttü̧ja̧ rekuätürü we'ü kku̧ni̧nä̧tü̧, Barrabá-rütä rä'epü iku; Jesú-rumä̧ kuä'ü ttikua pä'ü jättepünä̧.

San Lucas 22:66

Mo̧ro̧ juoäja'amä̧, judío-ttü tä̧mü̧'i̧nä̧, sacerdote wotü tturuwotü'i̧nä̧, weäwä wȩnȩ wo̧juȩtä̧'i̧jä̧tü̧'i̧nä̧ ka̧ka̧ku̧ ttü̧'ȩjä̧ma̧'a̧. Ji̧nä̧so ukuo isotü ttü̧'ȩjo̧mȩ Jesú-ru ȩpi̧nä̧tü̧. Juorü ja'epä̧rü̧ ttä̧ju̧kui̧nä̧ku̧:

San Marcos 15:1

Mo̧ro̧ päia'a, yotäku, sacerdote wotü tturuwotümä̧, judío-ttü a̧ci̧a̧nu̧ wotüku ja̧'wa̧ta̧nü̧ weäwä wȩnȩ wo̧juȩkuä̧ isotüku'i̧nä̧, ja̧'wa̧ta̧nü̧ Sanedrín wotüku'i̧nä̧ o'katoi'ünä̧ ka̧ka̧kui̧pü̧ ukuokuäjä'kotü. Jesú-ru nü̧'käwa̧rü̧tä̧ ȩmi̧pü̧, Pilato-rü iyinä̧tü̧.

San Mateo 23:33

¡Ä̧ka̧tü̧tä̧ wotüjä̧! ¿Toku ku̧ja̧kui̧'ä̧tu̧kuä̧'kua̧'a̧jä̧ttü̧ beipokarä okuränä̧ tä̧bo̧kuä̧kuȩttü̧mä̧?

Hechos 2:23

Ja̧'wa̧nü̧ wa̧rü̧, aboja̧'a̧nä̧ ukuokuäkuäu jȩpü̧ iyü ikú, kuä'ü ikuinä̧tü̧jä̧, ü̧jo̧kä̧nü̧ toe'ächünä̧, suronä̧ jȩpä̧tü̧ ttu̧mü̧nä̧.

1 Tesalonicenses 2:15

Juätü Judío-mä̧ Tu̧ru̧wa̧ Jesú-ru'i̧nä̧, umüwäyotü profeta-rü'i̧nä̧ kuä'ü ikuinü̧'kotü, ujuturu'i̧nä̧ tti̧rȩjä̧ttü̧ ya'opü ikuinä̧tü̧. Juätümä̧ Dio eseu juiyünä̧ jȩpä̧tü̧, ttü̧ja̧rü̧'i̧nä̧ o'katoi'ünä̧ ttaboiyotü wotü.