San Lucas 23:33 - Nuevo Testamento Uwotjüja

³³ Ja̧'wa̧nü̧ jä̧ja̧'a̧ Calavera pä'ü mi̧kuomȩ 'chä̧wi̧'ü̧ Jesú-ru, ü̧jo̧kä̧ jäinä̧ pȩ'o̧pü̧ kku̧nu̧ ja̧'wa̧ta̧nü̧ kuäwä isotürümä̧, ya̧tȩrü̧mä̧ u̧wo̧jua̧'a̧ku̧nä̧ pȩ'o̧pü̧ kku̧nu̧, kka̧ra̧rü̧tä̧ ieruwa'akunä̧ pȩ'o̧pü̧ kku̧ni̧nä̧tü̧. [

TÄ̧DO Ä̧CUÄ̧ I̧HUȨNȨ

³³ La Calavera, U Isose Pi̧no̧mȩ pä'ö micuome tti̧'cho̧mȩnä̧, Jesúsru daunä pȩ'o̧pö̧ ku̧ni̧nä̧tö̧do. Ja̧'hua̧ta̧nö̧ jahuätö ta̧ju̧ suronä jȩpi̧nä̧tö̧rö̧, ya̧tȩrö̧ Jesús u̧huo̧jua̧'a̧nä̧, ka̧ra̧rö̧'i̧nä̧ ieruhua'anä daunä pȩ'o̧pö̧ ku̧ni̧nä̧tö̧do.

San Lucas 23:33 Referans Kwoze

1 Pedro 2:24

Crito-mä̧ chutätä surojü jȩtä̧'i̧jü̧mä̧ ja̧ttä̧pä̧ya̧ ü̧jo̧kä̧ jäinä̧ ȩpi̧nü̧, ujutu surojünä̧ 'korujuo'ächi'ü'kotü a̧'kua̧rä̧kuä̧wä̧ra̧'a̧ ttü̧ja̧kua̧ pä'ümä̧. Crito-mä̧ ta'ü ttikuinä̧ku̧ ukutu ku̧'ȩji̧'ä̧tu̧kua̧ pä'ümä̧.

San Juan 18:32

Pättomȩnä̧; Jesú-mä̧, Churutä kuä'ü tti̧kuä̧kuȩ ukuokuinü̧, jo̧mȩnü̧ päia'a ji̧na̧'a̧.

Gálatas 3:13

Crito-mä̧ weäwä wȩnȩ ukuotokü, usurä ȩmä̧wa̧jü̧ juei usurä ȩmä̧wi̧nü̧ ujutu jäwänä̧, ja̧'wa̧nü̧ jȩpü̧tä̧ ȩmi̧nä̧u̧jä̧. Wȩyu̧kuä̧ wȩnȩmä̧ pä'a: «Dio-mä̧ suronä̧ pä̧kua̧, ü̧jo̧kä̧ jäi daunä̧ 'korujuo'ächürümä̧.»

Hechos 13:29

Jua̧u̧nü̧ o'ka'a, o'kajuiyünä̧tä̧ wȩyu̧kuä̧ pü̧ta̧'a̧nü̧ jȩpä̧jä̧'kotümä̧, dauttü mȩyȩdü̧ iku, wa'are idoränä̧ ttütinä̧ku̧.

Hechos 5:30

Tü̧tä̧mü̧ mi̧nä̧ ttü̧ä̧nä̧wa̧ Dio-mä̧, Jesú-ru wa'arettü tto'ädinü̧, ukutu daunä̧ ü̧jü̧nä̧ kuä'ü kuikuinä̧tu̧kuä̧ku̧rü̧mä̧.

Hechos 2:23

Ja̧'wa̧nü̧ wa̧rü̧, aboja̧'a̧nä̧ ukuokuäkuäu jȩpü̧ iyü ikú, kuä'ü ikuinä̧tü̧jä̧, ü̧jo̧kä̧nü̧ toe'ächünä̧, suronä̧ jȩpä̧tü̧ ttu̧mü̧nä̧.

San Juan 3:14

Ja̧'wa̧ta̧nü̧ Moisé rȩba̧ dȩ'a̧ra̧'a̧ttü̧ ä̧ka̧rü̧ ju'toju äräbe'ü u̧ju̧ni̧nü̧ta̧'a̧nü̧; Ttü, Ubo I̧tti̧'rü̧'i̧nä̧ rekuä rü̧ja̧'a̧ ju'toju äräbe'ü ttu̧ju̧na̧ttü̧ pä'ü.

San Lucas 24:7

Ubo I̧tti̧mä̧ surojünä̧ jȩpä̧tü̧ ttu̧mü̧nä̧ iyü ikuäwäkua̧ ja̧'wa̧nü̧ ja̧'a̧ ü̧jo̧kä̧nü̧ jäinä̧ 'korupäi'ünä̧ pȩ'o̧pü̧ ttu̧ju̧nu̧ o'ka'a, wäbodäkuä mo̧ro̧ päi'omȩnä̧ tto̧ä̧chä̧kua̧ päinü̧, ji̧nü̧.

San Mateo 26:2

—Täkü wo̧juä̧tü̧jä̧, todäre mo̧ro̧tä̧ o'komȩ Pacua pä'käri jä̧kua̧'a̧ pä'ümä̧ ja̧'wa̧ta̧nü̧ ttürü'i̧nä̧ iyü ttikuäkuotü, ü̧jo̧kä̧nü̧ pȩ'o̧pü̧ ttu̧ju̧na̧'a̧ 'korujuodächä̧kua̧sä̧.

San Mateo 20:19

Ja̧'wa̧nü̧ ja̧'a̧ judío pokotürü iyü ttikuomȩnä̧, ya̧'a̧wä̧'chü̧, kuäkuäpü jȩpi̧'ü̧'kotü, ü̧jo̧kä̧nü̧ jäi daunä̧ ttu̧ju̧na̧'a̧ 'korupä'i̧'ü̧'ka̧, wäbodäkuä mo̧ro̧ päi'omȩnä̧ tto̧dä̧chä̧kua̧sä̧.