San Lucas 22:37 - Nuevo Testamento Uwotjüja

³⁷ Isopäi'ünä̧ pädäu̧jä̧, ttünä̧mä̧ wȩyu̧kuä̧ wȩnȩ: Suropätuku ttü̧'a̧ti̧nä̧ku̧, pä'ü wȩyu̧kuä̧'i̧jo̧mȩ jo̧mȩnü̧ päi'a pä'ü ja̧'a̧. Isopäi'ünä̧ o'kajuiyünä̧tä̧ ttü chütü'kü wȩyu̧kuä̧mä̧, jo̧mȩnü̧tä̧ 'kuäopa pä'ü ja̧'a̧.

TÄ̧DO Ä̧CUÄ̧ I̧HUȨNȨ

³⁷ Ucuturu pä'ösä, Huȩyu̧cuä̧ Huȩnȩ ttörö päö'a̧nö̧ 'cuäopäcua'a. Ja̧u̧ huȩnȩ päa'a: “Ttö̧ja̧ pä'inätö, ¿ja̧u̧'i̧nä̧ suronä jȩpi̧nö̧ tä̧ji̧?” Iso päi'önä o'ca juiyönä ttörö Huȩyu̧cuä̧ Huȩnȩ päö'a̧nö̧ 'cuäopäcua'a.

San Lucas 22:37 Referans Kwoze

2 Corintios 5:21

Surojü jȩpo̧kü̧ pinü̧rü̧mä̧, ujutu jäwänä̧; surojü jȩpä̧tü̧ 'kua̧rü̧nä̧ jȩi̧nä̧ku̧; jua'amä̧ Dio adiwomȩnä̧ jȩü̧mä̧, Crito-nä̧tä̧ adiwä isotü päti'a pä'ü.

San Lucas 23:32

Ja̧'wa̧ta̧nü̧ ttü̧ja̧ ta̧ju̧ru̧, ttü̧ja̧rü̧ kuä'äwä'ijätürü ȩpi̧nä̧tü̧, Jesú-ku ippeyänä̧ dau ü̧jo̧kä̧ jäinä̧ kuä'ü ttikuatü pä'ü.

Gálatas 3:13

Crito-mä̧ weäwä wȩnȩ ukuotokü, usurä ȩmä̧wa̧jü̧ juei usurä ȩmä̧wi̧nü̧ ujutu jäwänä̧, ja̧'wa̧nü̧ jȩpü̧tä̧ ȩmi̧nä̧u̧jä̧. Wȩyu̧kuä̧ wȩnȩmä̧ pä'a: «Dio-mä̧ suronä̧ pä̧kua̧, ü̧jo̧kä̧ jäi daunä̧ 'korujuo'ächürümä̧.»

San Juan 17:4

Ttümä̧, pi̧jä̧ttü̧mä̧ kukuo jäwä i̧jȩpi̧nü̧sä̧; Täkü kä'ädäjisä chadita pä'ü wekuinü̧mä̧.

San Juan 10:35

Dio i̧wȩnȩ rȩbȩwi̧nä̧u̧ru̧, ttü̧ä̧nä̧wa̧tü̧jä̧ päinü̧ttü̧mä̧ (wȩyu̧kuä̧ wȩnȩmä̧ jueünä̧ pä'akutä ja̧'a̧).

San Lucas 18:31

Jesú-mä̧ u̧wo̧juȩtä̧u̧ ttü̧jä̧pü̧ttü̧ ta̧ju̧nü̧ wotürü i̧mi̧ku̧nä̧ wopo'ü pä'inü̧: —Jitämä̧ Jerusarȩ́-ra̧'a̧ku̧ 'cha'achätüjä̧, jua'attü ubo I̧tti̧ ütü'kümä̧, profeta winä̧tü̧ ttukuokuinü̧ o'kajuiyünä̧tä̧ 'kuäopäkua'a.

San Lucas 22:22

Isopäi'ünä̧ Ttü ubo I̧tti̧rü̧mä̧, wȩyu̧kuä̧ wȩnȩ päüta'anü̧ 'kuäopä̧kua̧. Ja̧'wa̧nü̧ ja̧'a̧nä̧, ¡isottü̧, jua̧u̧ru̧ iyü ikurumä̧, juiyo ra̧wä̧pi̧ja̧'a̧, jua̧u̧we!

San Marcos 15:27

Jua̧u̧ku̧ yo̧mȩtȩnä̧mä̧, ta̧ju̧ nä̧u̧kuä̧rä̧'i̧jä̧tü̧rü̧'i̧nä̧, ü̧jo̧kä̧nü̧ jäinä̧ kku̧nu̧ kuä'ü ikuinä̧tü̧; ya̧tȩrü̧mä̧ u̧wo̧jua̧'a̧ku̧nä̧ kku̧nu̧, kka̧ra̧rü̧tä̧ ü'owekunä̧ kku̧ni̧nä̧tü̧.

San Lucas 22:36

Ja̧'wa̧nü̧ ja̧'a̧ jitämä̧: —Pärätä kku̧nä̧rü̧mä̧, u̧kuȩ kku̧nä̧rü̧mä̧ i'kächi; ja̧'wa̧ta̧nü̧ ukurodä jui̧'a̧mä̧ ü̧'ka̧tä̧wä̧ta̧ iyü iku, mikuänä̧ yodäte ȩmi̧.

San Lucas 22:52

Ja̧'wa̧nü̧ jȩpü̧ kä'ädü, sacerdote wotü tturuwotürü'i̧nä̧, Dio-rü ukuokuäkuäwode tta̧wä̧rä̧kuä̧wä̧ isotürü'i̧nä̧, Judío'i̧nä̧ tturuwotü, churutä 'chu'ädü ichäjätürü pä'inü̧: —¿Tta̧'a̧nü̧ pä'ü, ukutumä̧ kurodiyäku, dauwiyäku kuichäjätukuättü̧, ttü̧ja̧rü̧ kuäwä i̧sa̧rü̧ 'kua̧rü̧nä̧mä̧?

San Lucas 24:27

Jua̧u̧ pä'ü kä'ädü, Moisé i̧wȩyu̧ti̧nü̧ttü̧ kkä̧mä̧dü̧, profeta tti̧wȩyu̧ti̧nü̧'i̧nä̧ ukuokuinä̧u̧, wȩyu̧kuä̧ wȩnȩ chutä ütü'kü ukuokumä̧ o'kajuiyünä̧tä̧.

San Marcos 15:28

Ja̧'wa̧nü̧ ja̧'a̧ttü̧ wȩyu̧kuä̧ wȩnȩ: Suropätuku ttü̧'a̧ti̧nä̧ku̧, pä'ü wȩyu̧kuä̧'i̧jo̧mȩ jo̧mȩnü̧ päi'a pä'ü ji̧na̧'a̧.