San Lucas 20:23 - Nuevo Testamento Uwotjüja

²³ Jesú-mä̧ suronä̧ ttamükuäda'a u̧wo̧jua̧'a̧ttü̧ juätürü pä'inü̧: ¿tta̧'a̧nü̧ pä'ü kka̧kuä̧mȩ'ü̧ to'kuätukuäkusättü̧?

TÄ̧DO Ä̧CUÄ̧ I̧HUȨNȨ

²³ Ja̧'hua̧nö̧ pätta'a, Jesús huo̧jui̧nö̧do yapareu ttamöcuäda'a. Pä'inödo: —¿Dä̧bö̧ ttörö ka̧cuä̧mö̧ jäcuhue'ätucuättö?

San Lucas 20:23 Referans Kwoze

1 Corintios 3:19

Isopäi'ünä̧ pi̧jä̧ttü̧ wo̧juä̧wä̧ wȩnȩmä̧, Dio-rümä̧ suräjuä wȩnȩtä̧ ja̧'a̧. Ja̧'wa̧nü̧ ja̧'a̧ttü̧ wȩyu̧kuä̧mä̧ pä'a: «Dio-mä̧, wo̧juä̧wä̧ wȩnȩ kku̧nä̧rä̧tü̧rü̧mä̧, ji̧yȩtä̧ ttu̧wo̧juö̧nä̧ 'chu̧ä̧dä̧u̧,» jü̧nä̧.

Hebreos 4:13

Yoriso ji̧yȩtȩ'i̧nä̧ Dio ä'ka jo̧mȩttü̧ dajäwämä̧ juiya'a; o'kajuiyünä̧tä̧ wäjunä̧ i̧jȩku̧tä̧ ja̧'a̧, Churutä jȩti̧nü̧ ti̧jȩpä̧kua̧'a̧ttü̧.

1 Corintios 10:9

Ja̧'wa̧ta̧nü̧ Crito-mä̧ suronä̧ jȩcha̧'a̧nä̧dä̧jä̧ ja̧'a̧tä̧ topä'ijü pä'ümä̧ jȩ'kuä̧'chä̧tu̧kuä̧, juätüttü yotukunä̧ kka̧kuä̧mȩ'ü̧ jȩtto̧mȩnä̧ ä̧ka̧tü̧ yü̧yü̧pü̧ tti̧kuä̧u̧ wa'äu ttikuinü̧ ja̧'a̧ttü̧.

San Lucas 20:20

Ja̧'wa̧ta̧nü̧ Jesú-ru 'chuttäda pä'ümä̧, ukuotätü 'kua̧rü̧nä̧ jȩpä̧tü̧rü̧ yä̧wȩi̧nä̧ we'inä̧tü̧; Chutä ukuoku ji̧yȩnä̧tä̧ wȩnȩtü̧ 'chu'ädü, Roma wȩ'ä̧wa̧ ru̧wa̧ gobernado-rü iyü ttikuarü pä'ü.

San Lucas 6:8

Ja̧'wa̧nü̧ jakuänä̧ tta̧mü̧kuädiyäku, Jesú-mä̧, päini̧yä̧u̧: —Ä̧rä̧mi̧'ü̧, yȩna̧ja̧, kkä'ko kkä̧mä̧di̧. Päomȩnä̧, yotäku ä̧rä̧mi̧'ü̧ ü̧jä̧mä̧da̧'a̧nä̧.

San Lucas 5:22

Ja̧'wa̧nü̧ ttamükuäda'a wo̧juö̧, Jesú-mä̧ päinä̧u̧: —¿Tta̧'a̧nü̧ pä'ü, ja̧'wa̧nü̧ amükuädätüjä̧ttü̧?

San Mateo 22:18

Jesú-mä̧ suronä̧ jȩtta̧rü̧ pä'ü tta̧mü̧kuädü wo̧jui̧'ü̧ päinä̧u̧: —¡Ä'koyättü esetäkuäwä isotüjä̧! ¿Suronä̧ pädiyätukuaku pä'ü päkuätukua'a tä̧jí̧?

San Mateo 16:1

Fariseo wotü'i̧nä̧, saduceo wotü'i̧nä̧ Jesú ü̧jo̧mȩku̧ 'chä̧wi̧'ü̧, ji̧nä̧ ttiweyettü jȩtto̧kü̧ juei mo̧ro̧jä̧ jäwä i̧jȩpa̧tü̧ pä'ü jättepinä̧ku̧.

San Lucas 20:22

Jua̧u̧nu̧mä̧ ¿Ru̧wa̧ Césa-rü timi̧tä'ijü impuestomä̧ adiwa'a tä̧jí̧, suroja'a tä̧jí̧?

San Lucas 20:24

—Poku iyätukuittü pä̧rä̧tä̧bi̧. ¿Pi̧bi̧nä̧mä̧ dí a̧'kua̧juä̧ pa̧'a̧kuä̧ttü̧, dí i̧mi̧jä̧ttü̧? päomȩnä̧, ttädätinä̧ku̧: —Ru̧wa̧ Césa,

Hechos 13:10

päinä̧ku̧: —¡Isoo, yapareäkuäwätä, surojütä jo̧mȩnü̧ wa̧jä̧, äwettätä i̧tti̧jä̧, adiwä wȩnȩ aboi̧ya̧tä̧ wa̧jä̧! ¿Tu̧ru̧wa̧ u̧mä̧nä̧ jueü mä̧nä̧, surojuokuepa'amä̧ ti̧yȩnü̧tä̧ käkuädäkua'ajä̧ttü̧?

Efesios 4:14

Ja̧'wa̧nü̧ jo̧mȩnä̧mä̧ ppo̧'ä̧tü̧ tta̧mi̧ 'kuä'ätü jä̧'i̧nü̧'a̧nü̧, kkoro ttu̧wo̧juȩtü̧ jü̧'a̧kuä̧mä̧ kue'ächü kko̧ko̧tü̧ täkuotüjä̧. Pi̧jä̧ ttü̧ja̧ tta̧mü̧kuäda'aku ma̧ttä̧chü̧nä̧ jȩpä̧'chä̧tü̧ku̧mä̧.