San Lucas 20:17 - Nuevo Testamento Uwotjüja

¹⁷ Ja̧'wa̧nü̧ ja̧'a̧nä̧ Jesú juätürü topünü̧ päinä̧u̧: —Ja̧'wa̧nü̧ jü̧ttü̧mä̧ ¿Pi̧yȩ wȩyu̧kuä̧ wȩnȩmä̧ toku pä'ü pä'ajä̧ttü̧? Ido'ki, isode adikuä isotü ttüjü'koko'ki ji̧no̧'kimä̧ pärowächina̧'a̧, ukuo iso'ki jü̧nä̧tä̧.

TÄ̧DO Ä̧CUÄ̧ I̧HUȨNȨ

¹⁷ Ja̧'hua̧nö̧ ja̧'a̧ttö̧ Jesús jahuätörö topö pä'inödo: —Ja̧u̧ttu̧mä̧, Huȩyu̧cuä̧ Huȩnȩ, ¿tta̧'a̧nö̧ päa'ajä̧ttö̧? Pa̧'a̧nö̧ päa'a: Jitötä adicuä ttö̧ja̧mä̧ ttöjö'cocohuä ji̧nähuä, jueö isä'ca jä̧'i̧nö̧'a̧nö̧ kähuä jitämä.

San Lucas 20:17 Referans Kwoze

Hechos 4:11

Pide Jesú-mä̧, ukutu isode adikuä isotü, ido'ki surojo'ki pä'ü kuju'kätukuoko'ki ji̧no̧'ki ja̧'a̧nä̧, ji̧nä̧so yo'kitä kkada'ka iso'ki päi'ünä̧ pärowächino'ki ja̧'a̧.

San Mateo 21:42

Jesú-mä̧ päinä̧u̧: —¿Ukutumä̧ yorisotä, pa̧'a̧nü̧ pä'ijomȩmä̧, topokotü pä'ijätüjä̧ tä̧jí̧: Isode adikuä isotü kkü'kü jui'ü do'opü ttikuino'ki ido'kimä̧, ji̧nä̧so jueipo'ki, yo'kitä jü̧nä̧ pärowächina̧'a̧. Pi̧yȩmä̧ Tu̧ru̧wa̧tä̧ jȩi̧nü̧, ja̧'wa̧nü̧ ja̧'a̧ttü̧ teseunä̧ jäwä ja̧'a̧?

San Marcos 12:10

¿Wȩyu̧kuä̧ wȩnȩ, topokotü pä'ijätüjä̧? pa̧'a̧nü̧, pä'amä̧: Odewiyä adikuä isotü ttüjü'koko'ki ji̧no̧'kimä̧, ji̧nä̧so ukuo ido'ki jü̧nä̧tä̧ pärowächina̧'a̧, jü̧nä̧.

San Lucas 22:37

Isopäi'ünä̧ pädäu̧jä̧, ttünä̧mä̧ wȩyu̧kuä̧ wȩnȩ: Suropätuku ttü̧'a̧ti̧nä̧ku̧, pä'ü wȩyu̧kuä̧'i̧jo̧mȩ jo̧mȩnü̧ päi'a pä'ü ja̧'a̧. Isopäi'ünä̧ o'kajuiyünä̧tä̧ ttü chütü'kü wȩyu̧kuä̧mä̧, jo̧mȩnü̧tä̧ 'kuäopa pä'ü ja̧'a̧.

San Juan 15:25

Ja̧'wa̧nü̧ ja̧'a̧nä̧, pi̧yȩmä̧, jitütä jäwä weäwä wȩnȩnä̧ wȩyu̧kua̧'a̧, pä'ijüta'a̧nü̧ 'kuäopa'a: «kkorojueimä̧ jȩcho̧ka̧'a̧nä̧, tta̧mi̧ suru tottinä̧ku̧sä̧» pä'ijomȩ.

San Lucas 24:44

Ja̧'wa̧ta̧nü̧ päinä̧u̧: —Pi̧yȩ ukuokuinü̧sä̧ ukutuku kue'ächümä̧: Ttü chütü'kümä̧, Moisé i̧wȩyu̧ti̧nü̧'i̧nä̧, profeta tti̧wȩyu̧ti̧nü̧'i̧nä̧ ja̧'wa̧ta̧nü̧ Salmos-nä̧ wȩyu̧kuä̧'i̧nä̧ o'kajuiyünä̧tä̧ 'kuäopäkua'a pädinü̧mä̧.

San Lucas 22:61

Ja̧'wa̧nü̧ ja̧'a̧, Tu̧ru̧wa̧mä̧ Peduru-rü kkärächi'ü topinü̧. Toäku, Peduru-mä̧ amükuädi'inü̧, U̧ru̧wa̧ päinü̧ jä̧jí̧: «Jitä mo̧ro̧, äkärä woäkua'a ä'kanä̧mä̧, wäbodäkuä jo̧mȩnä̧, ttürümä̧ kuä̧ppü̧ti̧'ä̧kua̧jä̧,»

San Marcos 10:23

Ja̧'wa̧nü̧ ji̧yä̧ku̧, Jesú-mä̧ kkärächi'ü topü u̧wo̧juȩtä̧u̧rü pä'inü̧: —¡Ru̧wa̧ Dio weomȩ järe ruwotü dottächa pä'ümä̧, yoriso rü̧ȩnä̧ 'kiya'a abotä dottächäkuotü!

San Marcos 3:5

Ja̧'wa̧nü̧ jä̧ku̧, Jesú-mä̧ juȩnȩ kka̧kuä̧tü̧rü̧ üjü'kü juiyünä̧ toa'anä̧, a̧'kua̧tta̧nü̧'i̧nä̧ toinä̧u̧, ttesetü juiyünä̧ juottächini̧yä̧ku̧. Ja̧'wa̧nü̧ ja̧'a̧nä̧ päinä̧ku̧: —Ku̧mü̧ te'ädi. Päku, teädomȩnä̧ u̧mü̧nä̧ adiwächi'inä̧ku̧.

San Lucas 19:41

Ja̧'wa̧nü̧ ja̧'a̧, Jerusarȩ́ ütawiyä tü'kü i'chi̧'a̧'a̧ttü̧, jua̧u̧ ütawiyä topü Jesú-mä̧ ajuäwinü̧.

Efesios 2:20

Ukutumä̧, apótore winä̧tü̧'i̧nä̧, profetas pinä̧tü̧'i̧nä̧ isode rü̧o̧de, kkada'kiyu ttäräbe'a'a jä̧'i̧nü̧'a̧nü̧ ttaditinü̧nä̧ wotüjä̧, ji̧nä̧so yo'kitä jueü ino'kimä̧ Crito-tä jü̧nä̧.

1 Pedro 2:6

Ja̧'wa̧nü̧ ja̧'a̧ttü̧ wȩyu̧kuä̧mä̧ pä'a: «Ttümä̧ Sión-nä̧ i̧no̧'ki rütüsä ä̧kuo̧mȩnä̧ iso'ki, pojopü ȩmä̧wo'ki ja̧'wa̧ta̧nü̧ rü̧ȩnä̧ mikuäwo'ki; juo'kinä̧ a̧'kua̧ wȩnä̧rü̧mä̧ dä'ä ttu'okü jä̧kua̧.»