San Lucas 20:16 - Nuevo Testamento Uwotjüja

¹⁶ Däjé pättoka'anü̧, ichi'ü kuä'äu iku, kkorotürütä i̧yä̧kua̧ uwa pättamä̧. Jesú pi̧yȩ jiäwa'a ä̧ju̧ku̧ pä'inä̧tü̧: —¡Jua̧u̧mä̧ 'kuäopoka'a jä̧kua̧'a̧!

TÄ̧DO Ä̧CUÄ̧ I̧HUȨNȨ

¹⁶ Ichi'ö cuä'ö i̧cuä̧cua̧ jahuätö adicuä ttö̧ja̧rö̧. Pättamä korotörötä huȩä̧cua̧. Jesús ja̧'hua̧nö̧ jiähua'a ä̧ju̧cui̧nä̧tö̧mä̧ pä'inätödo: —Dios ja̧'hua̧nö̧ amöcuädö juiyöto pä'ätöjä, —pä'inätödo.

San Lucas 20:16 Referans Kwoze

San Lucas 19:27

Ja̧'wa̧ta̧nü̧ chaboiyotü, ttürü ru̧wa̧ rey jü̧nä̧ wedatü pä'okotü pinä̧tü̧rü̧mä̧, poku i'kächätukuitü, chä'ka jo̧mȩttü̧ ttupiyä 'kui'opü kuikuätukuatü.

Hechos 13:46

Ja̧'wa̧nü̧ pä̧tti̧yä̧u̧, Pauru-mä̧, Bernawé-ku pä̧i̧ku̧nä̧ pättinä̧u̧: —Isopäi'ünä̧, ä̧kuo̧mȩnä̧mä̧ ukutu judío-rü, Dio i̧wȩnȩ jitäwa pä'ü ji̧na̧'a̧nä̧; kkü'kü jui'ü ya'oku kkä̧kuä̧wä̧ i'ko'i̧nä̧ kuȩma̧ päkuätukuoka'attü̧, judío pokotürütä ji'äu 'chä̧tü̧jä̧.

San Mateo 21:41

juätümä̧ ädätinä̧tü̧: —Juätü suronä̧ jȩpi̧nä̧tü̧rü̧mä̧ re juiyünä̧tä̧ kuä'ü i̧kuä̧kuä̧u̧; ja̧'wa̧nü̧ jȩpü̧ ü'ättamä̧ kkorotü aditü ji̧yȩnä̧tä̧ mitäwätürütä iyipä̧kua̧. Pättiyäku,

San Mateo 22:7

Ja̧'wa̧nü̧ jȩttä̧ji̧yä̧ku̧ ru̧wa̧ rey-mä̧ ra̧wä̧ri̧pü̧ umüwäyotü su̧ro̧do̧u̧ru̧ we'inü̧ juätü kuä'äwäjätürümä̧ ttidepiyu'i̧nä̧ kkuwü iku kkä̧nü̧ kuä'ü ttikuatü pä'ü.

San Mateo 21:34

Ja̧'wa̧nü̧ ja̧'a̧, u̧wä̧ju̧ wȩjü̧ pä̧nä̧ päi'omȩnä̧, u̧mü̧wä̧yotürü we'inü̧; aditü kkä̧nü̧ ttimita pä'ü jäepinomȩ, churu'i̧nä̧ ttiyarü pä'ü.

San Marcos 12:9

¿Pa̧'a̧nü̧ ja̧'a̧mä̧, kuamükuädätukuomenä̧mä̧ uwa pätta u̧ru̧wa̧mä̧, däjé jȩä̧kua̧'a̧jä̧ttü̧ juätürümä̧? Ja̧'wa̧nü̧ ji̧na̧'a̧mä̧, kku̧nä̧wä̧ isotürümä̧, ichi'ü kuä'ü iku, kkorotürütä i̧yä̧kua̧ pä'ü amükuädätüjä̧.

San Lucas 20:15

Ja̧'wa̧nü̧ pä'ü, uwa pättattü rä'epächü, kuä'ü ttikuinä̧ku̧. ¿Ja̧'wa̧nü̧ ji̧na̧'a̧mä̧, uwa pätta u̧ru̧wa̧mä̧, däjé jȩä̧kuä̧u̧jä̧ttü̧ juätürümä̧?

Romanos 3:4

¡Ja̧'wa̧nü̧mä̧kü̧ ja̧'a̧! ttü̧ja̧mä̧ o'katoi'ünä̧ yapareäkuäwä isotü ja̧'a̧nä̧, Dio-mä̧ jueü wȩnȩ i̧sa̧ ja̧'a̧; wȩyu̧kuä̧ wȩnȩmä̧ pä'a: «Kukuoku ji̧yȩnä̧tä̧, ttü̧ja̧mä̧ jueü wȩnȩ kukuokua'a tottäkuotü, ja̧'wa̧nü̧ jo̧mȩnä̧ abo 'kuäkuo'äkua̧jä̧, suronä̧ pättü'i̧nä̧.»

Romanos 3:6

¡Ja̧'wa̧nü̧mä̧kü̧ ja̧'a̧!; Dio adiwomȩnä̧ jȩä̧kuä̧wä̧ i̧sa̧ jü̧ juiyüttümä̧, ¿Tta̧'a̧nü̧ ü'ojo'äkua'ajä̧ttü̧ adiu jȩpi̧nä̧tü̧rü̧'i̧nä̧, suronä̧ jȩpi̧nä̧tü̧rü̧'i̧nä̧, jü̧nä̧mä̧?

Romanos 3:31

Ja̧'wa̧nü̧ pätomȩnä̧mä̧ ¿weäwä wȩnȩmä̧ mikuäwokü pä'ü päta'a tä̧jí̧? ja̧'wa̧nü̧mä̧kü̧, yabokutä weäwä wȩnȩ kkiokuächunä̧ pä'ätüjä̧, Crito-rü ta̧'kua̧ tu̧wȩnä̧ro̧mȩnä̧mä̧.

Romanos 6:2

¡Isokü̧, ja̧'wa̧nü̧mä̧kü̧! ujutumä̧, isopäi'ünä̧ surojünä̧ jȩti̧nü̧mä̧ wa'ü ikuinä̧tü̧jä̧; ja̧'wa̧nü̧ ja̧'a̧ttü̧ surojümä̧ jȩpü̧ kka̧kuo̧ko̧tü̧jä̧.

Romanos 6:15

¿Ja̧'wa̧nü̧ ja̧'a̧mä̧ttü̧? ¿weäwä wȩnȩnä̧ tü̧ja̧kuo̧ka̧'a̧, Dio re ü̧ji̧nü̧nä̧ tü̧ja̧kua̧'a̧ttü̧ ukuotäkuäwokü surojü jȩpü̧ tü̧ja̧kuä̧kua̧'a̧ tä̧jí̧? ¡Ja̧'wa̧nü̧mä̧kü̧!

Romanos 7:7

¿Ja̧'wa̧nü̧ ja̧'a̧mä̧, weäwä wȩnȩmä̧ tukuotü juiyünä̧ weü päta'a tä̧jí̧? ¡Ja̧'wa̧nü̧mä̧kü̧! Jua̧u̧ weäwä wȩnȩ juiyüttümä̧, ji̧yȩja̧mä̧ surojü pädümä̧ jerupajüsä; ja̧'wa̧ta̧nü̧ weäwä wȩnȩ: «Kkü'kekunä̧mä̧ to'kuä» päü juiyüttümä̧, kkü'kekunä̧ toäkuäwämä̧ surojü ja̧'a̧ tä̧jí̧ pä'okü pajüsä.

Romanos 7:13

Ja̧'wa̧nü̧ ja̧'a̧nä̧, adiwä jueimä̧ wa'arera̧'a̧ ȩpi̧nü̧ pä'ümä̧ pä'oküsä. ¡Ja̧'wa̧nü̧mä̧kü̧! ja̧'wa̧nü̧ ja̧'a̧ttü̧, pi̧yȩ jȩpi̧nü̧mä̧ ukuotäkuäwokütä ji̧na̧'a̧, adiwä juei ukuotäkuäwä ji̧yȩnä̧tä̧ doächi'inü̧mä̧. Ja̧'wa̧nü̧ jo̧mȩnä̧ weäwä wȩnȩnä̧tä̧ o'katoi'ünä̧ ji̧yȩja̧mä̧ adiu ja̧'a̧, ji̧yȩja̧mä̧ surojü ja̧'a̧ pä'ü wo̧jui̧'i̧nä̧tü̧jä̧.

Romanos 9:14

¿Ja̧'wa̧nü̧ ji̧na̧'a̧mä̧ toku pätäkua'ajä̧ttü̧? ¿Dio-mä̧ suronä̧ jȩpi̧nü̧ pätäkua'a tä̧jí̧? ¡Ja̧'wa̧nü̧mä̧kü̧!

Romanos 11:1

Ja̧'wa̧nü̧ ji̧yä̧ku̧ pä'üsä: ¿Dio-mä̧ umüwäyotü pinä̧tü̧rü̧mä̧ do'opü ikuina̧'a̧ tä̧jí̧? ¡Isokü̧, ja̧'wa̧nü̧mä̧kü̧! Ttütä'i̧nä̧ Irae ttü̧ja̧sa̧sä̧, Abraha̧ isotü i̧sa̧, Benjamín isotü i̧sa̧.

Romanos 11:11

Ja̧'wa̧ta̧nü̧ pä'üsä: ¿Irae ttü̧ja̧ ma̧ttä̧chü̧nä̧ ttoepina̧'a̧mä̧, jo̧mȩnü̧tä̧ ma̧'ä̧chi̧nä̧tü̧? ¡Ja̧'wa̧nü̧mä̧kü̧! ja̧'wa̧nü̧ ja̧'a̧nä̧, juätü ttukuotoka'a ji̧na̧'a̧mä̧ judío pokotürü surojüttü kki̧'i̧kuä̧ rȩbȩä̧kuä̧wi̧na̧'a̧, judío ttä'kuoyäwuönä̧.

1 Corintios 6:15

¿Ukutumä̧ juiyo jerupätüjä̧ tä̧jí̧, ya̧ku̧nä̧ jättäpäyotümä̧, Crito jä̧ttä̧pä̧ya̧rü̧, jua̧u̧ru̧tä̧ todepätüjä̧ pä'ümä̧? ¿Ja̧'wa̧nü̧ ja̧'a̧ttü̧, jua̧u̧ Crito jä̧ttä̧pä̧ya̧rü̧ chutodewa'amä̧, mä̧nä̧ isaju kkidepä jü̧nä̧ juodepa'a tä̧jí̧? Ja̧'wa̧nü̧mä̧ jȩchü̧ juiyü'anü̧ ja̧'a̧.

Gálatas 2:17

Ja̧'wa̧nü̧ ja̧'a̧nä̧, Crito-nä̧ ȩma̧tü̧ pä'ü esetü tikuomȩnä̧mä̧, ujutu'i̧nä̧ surojünä̧ tü̧ja̧kua̧'a̧ wo̧jui̧'ä̧tü̧jä̧. ¿Ja̧'wa̧nü̧ ja̧'a̧mä̧, Crito'i̧nä̧ surojü jȩtü̧nä̧ wea'a tä̧jí̧? ¡Ja̧'wa̧nü̧mä̧ jo̧ka̧'a̧!

Gálatas 3:21

¿Ja̧'wa̧nü̧ jü̧ttü̧mä̧ weäwä wȩnȩmä̧, Dio iya päinü̧ku̧mä̧ to'i ja̧'a̧ku̧ jäwä ja̧'a̧ tä̧jí̧? ¡Ja̧'wa̧nü̧mä̧ jo̧ka̧'a̧! isopäi'ünä̧ weäwä wȩnȩtä̧ kkä̧kuä̧wä̧ i'ko iyü jü̧ttü̧mä̧, Dio-mä̧ ȩma̧ja̧u̧jä̧ weäwä wȩnȩ tukuota'anä̧tä̧'i̧nä̧.

Gálatas 6:14

Ja̧'wa̧nü̧ ja̧'a̧nä̧ ttümä̧, chesewä̧kua̧sä̧ Jesucrito 'korujuo'ächü i̧mi̧täwinü̧tä̧ esetü kkä̧nü̧. Ja̧'wa̧nü̧ ja̧'a̧ttü̧ Crito 'korujuoächinü̧nä̧tä̧ eseusä, pi̧jä̧ ttü̧ja̧ tta̧mü̧kuädümä̧ wä̧i̧nä̧ ja̧'a̧, pi̧jä̧nä̧mä̧ wa'ü chikuina̧'a̧ 'kua̧rü̧nä̧tä̧ jä̧ku̧sä̧.