San Lucas 2:36 - Nuevo Testamento Uwotjüja

³⁶ Ja̧'wa̧ta̧nü̧ juȩnȩmä̧ profeta isaju, Ana pä'ü mi̧kuaju kki̧nä̧ju̧, Fanuel ittiju, Aser isotü isaju, buasaju juo'ächinä̧ju̧. Uborü jerupajuru kkirekuo ȩmi̧na̧'a̧ttü̧mä̧, kko̧ro̧mü̧ttü̧nü̧ todäre a̧'ȩ'tä̧ kkü̧ji̧na̧'a̧ ji̧na̧'a̧.

TÄ̧DO Ä̧CUÄ̧ I̧HUȨNȨ

³⁶ Ja̧'hua̧ta̧nö̧ ju̧huȩnȩtä̧ ki̧nä̧ju̧do yajute yodoji 'cuäopä̧cuȩ jiäcuähuä isaju, Ana pä'ö micuaju. Aser isotö i̧sa̧ Fanuel ittiju pi̧nä̧ju̧do. Täcö juiyo böa isaju pi̧nä̧ju̧do. Möäyaju käi kirecuorö ȩmi̧nä̧ju̧ o'caju ki̧nä̧ju̧do ko̧ro̧mö̧ttö̧nö̧ todäre a̧'ȩtä̧ kirecuocu.

San Lucas 2:36 Referans Kwoze

Hechos 21:9

Felipe-mä̧ i̧tti̧mü̧ nä̧tü̧ pa̧ja̧kuä̧nü̧ wotürü, uborü jerupätürü kku̧nä̧ri̧nü̧, profeta-tü̧ jü̧nä̧ ji'äwätürü.

1 Corintios 12:1

Chawaruwä chi̧jä̧wa̧tü̧, Epíritu Sa̧tu̧ jȩtta̧ pä'ü iyü jäwä ku̧wo̧juä̧tu̧kua̧ pä'üsä.

Hechos 2:18

Isopäi'ünä̧tä̧, ji̧yȩnü̧ mo̧ro̧mä̧, chumüwäyotü nä̧tü̧rü̧'i̧nä̧, u̧mä̧tü̧rü̧'i̧nä̧ chi̧yä̧kua̧sä̧ jo̧mȩnü̧ ttü i̧sa̧ Epíritu-rumä̧ chi̧wȩnȩ jittäwuönä̧.

Apocalipsis 7:6

Aser i̧tti̧mü̧ttü̧mä̧, doce mil-nü̧ jo̧mȩnä̧ sello rütäwi'inä̧u̧. Neftarí i̧tti̧mü̧ttü̧mä̧, doce mil-nü̧ jo̧mȩnä̧ sello rütäwi'inä̧u̧. Manasés i̧tti̧mü̧ttü̧mä̧, doce mil-nü̧ jo̧mȩnä̧ sello rütäwi'inä̧u̧,

San Lucas 2:35

Pi̧yȩmä̧ ukurumä̧ kua̧mi̧'iso'kinä̧ kurodä 'kuäo'a'a jä̧'i̧nü̧'a̧nü̧ jä̧kua̧'a̧. Rekuätü tta̧mi̧'iso'kinä̧ ttü̧da̧jä̧rä̧'i̧jü̧ i̧jȩkuä̧cha̧ pä'ü.

San Lucas 2:38

Jua̧u̧nu̧tä̧, yotäku ichi'ü Ana-mä̧ kkü̧ä̧nä̧wa̧ Dio-rü eseu ukuokuinä̧ju̧ ja̧'wa̧ta̧nü̧ ji̧'ki̧cha̧wa̧ Jesú ütü'kü ukuokuinä̧ju̧, Jerusarȩ́ ttü̧ja̧rü̧ surojüttü rä'epü ikuäkua'a tta̧'a̧rä̧'i̧jä̧tü̧ o'katoi'ünä̧rü̧.

1 Corintios 11:5

Ja̧'wa̧nü̧ ja̧'a̧nä̧, yajute isaju Dio-rü kkukuokuomȩnä̧'i̧nä̧, Dio i̧mi̧nä̧ kkukuokuomȩnä̧'i̧nä̧ kku mü̧jȩkuo̧ka̧'a̧ jȩjü̧ttü̧mä̧ kkirekuorü ukuotü jui'ü jȩpä̧ju̧, kkuwo'che kirü ikuäwaju jä̧'i̧nü̧'a̧nü̧ waju.

1 Timoteo 3:2

Ja̧'wa̧nü̧ ja̧'a̧ttü̧, pi̧yȩ aditäwä kku̧nä̧rü̧mä̧, surojü jȩpä̧'i̧jü̧ jü̧nä̧mä̧ pä'äwokü ja̧'a̧. Irekuarümä̧ yajuterütä u̧ju̧nä̧ra̧ pä'ü ja̧'a̧, idepä kkü'kekumä̧ o'kajuiyünä̧tä̧ tta̧wä̧rä̧kuä̧wa̧ pä'ü wa̧, ja̧'wa̧ta̧nü̧ jȩä̧kuȩ'i̧nä̧ todärenä̧ amükuäda pä'ü ja̧'a̧. Ojusodenä̧ ttü̧ja̧rü̧ doäda pä'ümä̧ 'kuäopünä̧tä̧ jo̧mȩnü̧ ü̧ja̧ pä'ü ja̧'a̧; ja̧'wa̧ta̧nü̧ u̧wo̧juȩta̧ pä'ü'i̧nä̧ jo̧mȩnü̧ wa̧;

1 Timoteo 5:9

Ja̧'wa̧ta̧nü̧ rekua sesenta años yaboku kku̧nä̧rä̧ju̧, kkirekuo ya̧tȩrü̧tä̧ kki̧nä̧ju̧tä̧ ja̧'a̧ rȩkua̧mü̧rü̧ tti̧mi̧pi̧yä̧ wȩyu̧tu̧ rütäwomȩ wȩyu̧tu̧ ttüta'a̧nü̧ wajumä̧.