San Lucas 2:10 - Nuevo Testamento Uwotjüja

¹⁰ Yettiyäku á̧gȩ-mä̧ päinä̧u̧: «Yekuekuätukuä, adiwäjuei wȩnȩ chi'kächiyä̧u̧jä̧, jua̧u̧nä̧mä̧ ttü̧ja̧ o'katoi'ünä̧ rü̧ȩnä̧ tteseäkuäwäkuotü:

TÄ̧DO Ä̧CUÄ̧ I̧HUȨNȨ

¹⁰ Ja̧'hua̧nö̧ ja̧'a̧nä̧ ángel pä'inödo jahuätörö: —Yecuhuecuätucuä'. Adihuä juäi huȩnȩ i'cächösä. Ja̧u̧ huȩnȩmä̧ rö̧ȩnä̧ eseäcuähuä jä̧cuȩ o'ca toi'önärö.

San Lucas 2:10 Referans Kwoze

San Mateo 28:18

Ja̧'wa̧nü̧ ja̧'a̧ Jesú-mä̧ juätürü tü'künä̧nü̧ 'chä̧wi̧'ü̧ pä'inü̧: —Dio-mä̧ mo̧ro̧jä̧nä̧'i̧nä̧, pi̧jä̧nä̧'i̧nä̧ o'kajuiyünä̧ churuwo weda pä'ü iyinä̧ku̧sä̧.

San Mateo 14:27

Ja̧'wa̧nü̧ ji̧yä̧ku̧ Jesú-mä̧ päinä̧u̧: —¡Wo'kuätukuä! ¡Ttütäsä!: ¡Ye'ü'i̧nä̧ yekuätukuä!

San Lucas 1:30

Yejiyäku á̧gȩ-mä̧ päinä̧kua̧: —Yekuekuä, María. Isopäi'ünä̧ Dio-mä̧ adiutä jȩä̧kua̧jä̧

Colosenses 1:23

Jua'a'i̧nä̧, 'kiyünä̧ 'chu̧ä̧rü̧nä̧ ma̧kuä̧chä̧tu̧kuo̧ka̧'a̧, kua̧'kua̧ ku̧wȩnä̧rä̧tu̧ku̧ttü̧tä̧ jareü wȩnȩ kuäju̧kui̧nä̧tu̧ku̧nä̧. Jua̧u̧mä̧ wȩnȩmä̧ pi̧jä̧ o'kajuiyünä̧ jiäkuäwi'a'a, ja̧'wa̧ta̧nü̧, ttü Pauru'i̧nä̧ jua̧u̧tä̧ jiäkuäwä i̧sa̧ jü̧nä̧ juo'ächinü̧sä̧.

Hechos 13:32

Ja̧'wa̧nü̧ ja̧'a̧ jitämä̧ ukuturu pi̧yȩ jareü wȩnȩ ji'äwätüjä̧: Tü̧tä̧mü̧ mi̧nä̧rü̧, Dio-mä̧ jȩchä̧kua̧sä̧ päinü̧ta'anü̧ jȩpi̧nü̧ pä'ü,

San Lucas 24:47

Ja̧'wa̧ta̧nü̧ i̧mi̧mä̧ pi̧jä̧ o'kajuiyünä̧tä̧ jiäkuäwäkua'a, suronä̧ jȩttä̧'i̧jü̧ kättädi'a pä'ümä̧, Dio surojü jȩpo̧ko̧tü̧ 'kua̧rü̧nä̧ jȩpü̧ ikuatü pä'ümä̧. Jerusarȩ́-ttü̧ kkä̧mä̧dü̧ jiäkuäwäkua'a.

San Lucas 8:1

Jua̧u̧ o'ka'a Jesú-mä̧ ütawiyä ppo̧ü̧nä̧'i̧nä̧, bäreu ütawiyänä'i̧nä̧ o'kajuiyünä̧tä̧, Dio weü adiwä wȩnȩ ji'äu kue'ächinü̧. Kueächa'a, doce-nü̧ wotü umüwäyotü apótore'i̧nä̧ kue'ächinä̧tü̧.

Efesios 3:8

Ttümä̧ o'katoi'ünä̧ Dio pojopü weinä̧u̧ttü̧'i̧nä̧ tti̧dȩ'a̧nä̧ cha'anä̧, pi̧yȩ mippoünä̧ iyinä̧ku̧sä̧, judío pokotürü Crito ukuo jäwä jidäwiyarü pä'ü.

San Lucas 1:19

Päomȩnä̧ á̧gȩ-mä̧ ädätinä̧ku̧: —Ttümä̧ Gabrie pä'ü mi̧kua̧sä̧, Dio ä'ka jo̧mȩ aditüsä; ja̧'wa̧nü̧ ja̧'a̧ttü̧ ukuru pi̧yȩ adiwäjuei jareü wȩnȩ jidäwa pä'ü weäwi'äjäkusä.

San Lucas 1:13

Ja̧'wa̧nü̧ yeiyäku, á̧gȩ-mä̧ jua̧u̧ru̧ pä'inü̧: —Yekuekuä, Zacaría, Dio-rü kukuokuäjimä̧ ä̧ju̧kuä̧jä̧ku̧jä̧; kuirekua Isabe-mä̧ kki̧tti̧rü̧ kkuwäbekuäkuaju, jua̧u̧ru̧mä̧ Ju̧a̧ pä'ü okuarüjä̧.

San Marcos 1:15

Jua'attü ji'äwinü̧: «Dio ü'ätetinü̧ mo̧ro̧, jo̧mȩnü̧ päia'a. Täkü, Dio wȩä̧kuȩ mo̧ro̧ tü'kü ja̧'a̧; surojü jȩ'kuä̧tu̧ku̧ kä'ädi'ü, jareü wȩnȩ esetü pärowächätukui,» jü̧nä̧.

Romanos 10:15

¿Ja̧'wa̧ta̧nü̧ toku jittäwäkua'a̧jä̧ttü̧, we'ätü toa'anä̧mä̧? wȩyu̧kuä̧ wȩnȩ pä'a: ¡Juiyo adiwa'a adiwä juei jareü wȩnȩ i'kächätürümä̧!

San Marcos 16:15

Ja̧'wa̧ta̧nü̧ päinä̧u̧: Pi̧jä̧ o'kajuiyünä̧ 'chä̧nü̧, o'katoi'ünä̧rü̧ jareü wȩnȩ ji'äwätukui.

San Mateo 28:5

Á̧gȩ-mä̧ nä̧tü̧rü̧ pä'inü̧: —Yekuekuätukuä. Wo̧jua̧sä̧ Jesú ü̧jo̧kä̧nü̧ kku̧nu̧ pȩ'o̧pü̧ ttu̧ju̧nä̧jä̧ku̧rü̧ usätüjä̧.

San Lucas 2:11

Jitä mo̧ro̧mä̧ Dawi idepiyuttü üwäpächäjiyä̧u̧jä̧, ya̧tȩ ppädäkuäwä i̧sa̧, jua̧u̧mä̧ Tu̧ru̧wa̧ Crito ja̧'a̧.