San Lucas 19:5 - Nuevo Testamento Uwotjüja

⁵ Ja̧'wa̧nü̧ ja̧'a̧ Jesú-mä̧ juȩnȩnä̧ 'kuäopü ju'tojuku to'omȩnä̧, u̧wi̧yä̧ku̧ päinä̧ku̧: Zaqueo, mȩyȩwä̧chi̧, jitä mo̧ro̧mä̧ kuojusodenä̧, chä'a pä'ü rekuä rü̧ja̧'a̧.

TÄ̧DO Ä̧CUÄ̧ I̧HUȨNȨ

⁵ Täcö Jesús ju̧huȩnȩnä̧ 'cuäopomenä, ju'tojucu topö pä'inödo: —Zaqueo, o'ca päi'önä mȩyȩhuä̧chi̧. Pi̧yȩ mo̧ro̧ cuojusodenä chö̧ja̧ pä'ösä.

San Lucas 19:5 Referans Kwoze

Apocalipsis 3:20

Ttümä̧ äpatenä̧ kkä̧nü̧ wopüsä; ya̧tȩ wochü ä̧ju̧ku̧ äpate bawepüttümä̧, jua̧u̧ ojusodenä̧ do'ächü, jua̧u̧tä̧ku̧ yo̧mȩtȩnä̧ chu̧kuä̧kua̧sä̧.

San Juan 14:23

Jesú ädätinä̧ku̧: —Ttürü eseu repe'ümä̧, ttü chi̧wȩnȩ ukuotä̧kua̧; ja̧'wa̧nü̧ jo̧mȩnä̧ Chä'o'i̧nä̧ eseu rȩpȩä̧kua̧ ja̧'wa̧nü̧ ja̧'a̧ttü̧ jua̧u̧nä̧ ichü tü̧ja̧kuä̧kuo̧tü̧jä̧.

Hebreos 13:2

Do'ächü ichätürü eseunu̧ ttä'a we'ätukui. Ja̧'wa̧nü̧ jȩpü̧, yotukunä̧ mo̧'i̧nä̧ á̧gȩrȩ-rü, ttieruwa'a jakuänä̧ do'ädü ä'epinä̧tü̧.

San Juan 1:48

Päiyäku Natanael-mä̧ jä'epü ä̧ju̧kui̧nä̧ku̧: —¿Ttürümä̧ toku ku̧wo̧jua̧'a̧jä̧ttü̧? Päku, Jesú-mä̧ ädätinä̧ku̧: —Felipe ukuru woäkua'a ä'kanä̧, higuera dau dȩa̧'a̧ ku̧'a̧'a̧ tochäjäkujä̧.

Efesios 3:17

Kua̧'kua̧ ku̧wȩnä̧rä̧tu̧ku̧nä̧ ji̧yȩnä̧tä̧ Crito-rü kua̧mi̧ iso'kitukunä̧ ü̧ja̧ pä'üsä, kuesewätukumä̧ kkada'ka jü̧nä̧tä̧ 'chu̧ä̧rü̧nä̧.

San Lucas 19:10

Isopäi'ünä̧ ttü ubo I̧tti̧mä̧, to'e'ächinä̧tü̧rü̧ ȩmü̧ ichü kkä̧nü̧, ra̧wä̧pi̧jü̧ttü̧'i̧nä̧ rä'epü iku ichinü̧sä̧.

2 Corintios 6:1

Ja̧'wa̧nü̧ Dio aditäwä ppä̧dä̧rä̧kuä̧wä̧ isotü ta'attü̧, ukuturu jä'epätüjä̧, Dio rettü iyinü̧mä̧, mikuäwokü jäwä 'kua̧rü̧nä̧mä̧ kuȩmä̧tu̧ku̧ juiya pä'ü.

San Lucas 19:2

Ya̧tȩ ru̧wa̧, Roma-ra̧'a̧ weäwä pärätä ka̧ka̧tä̧'i̧jä̧tü̧ ttu̧ru̧wa̧ Zaqueo pä'ü mi̧kua̧ juȩnȩ kki̧nü̧.

San Lucas 19:4

Ja̧'wa̧nü̧ jä̧ku̧, ä'kanä̧ jopächü, sicómoro daunä̧ 'cha'achächinü̧; Jesú-mä̧ juȩnȩnä̧ 'kuäopäkua'a ja̧'a̧.

San Lucas 19:6

Päku mȩyȩwä̧chä̧ji̧'ka̧, Jesú-rumä̧ eseunu̧ do'ädinü̧ ojusodenä̧.