San Lucas 19:47 - Nuevo Testamento Uwotjüja

⁴⁷ Jesú-mä̧ mo̧ro̧ji̧nü̧ a̧'u̧kuä̧ Dio-rü ukuokuäkuäwodettü wo̧juȩti̧'ȩnü̧. Ja̧'wa̧nü̧ u̧wo̧juȩta̧'a̧nä̧, sacerdote wotü tturuwotü'i̧nä̧, weäwä wȩnȩ wo̧juȩtä̧tü̧'i̧nä̧, ütawiyättü pärätä ruwotü'i̧nä̧, Jesú-ru toku jȩpü̧tä̧ kuä'ü ttikua'anü̧ ja̧ pä'ü usinä̧tü̧.

TÄ̧DO Ä̧CUÄ̧ I̧HUȨNȨ

⁴⁷ Mo̧ro̧ji̧nö̧ a̧'u̧cuä̧ Jesús Diosrö ucuocuäcuähuodettö huo̧juȩti̧nö̧do. Ja̧'hua̧nö̧ ja̧'a̧nä̧ sacerdotes ruhuotö'inä, hueähuä huȩnȩ huo̧juȩtä̧tö̧'i̧nä̧, ötahuiyä ruhuotö'inä Jesúsru cuä'ö tticua pä'ö usinätödo.

San Lucas 19:47 Referans Kwoze

San Marcos 11:18

Ja̧'wa̧nü̧ pä'a ä̧ju̧ku̧, sacerdote wotü tturuwotü'i̧nä̧, wo̧juȩkuä̧ isotü'i̧nä̧ Jesú-ru kuä'ü ttikua pä'ü amükuädinä̧tü̧, ja̧'wa̧nü̧ ja̧'a̧nä̧ ttü̧ja̧rü̧ ye'ekuinä̧tü̧, ttü̧ja̧ o'katoi'ünä̧ U̧wo̧juȩtü̧ rü̧ȩnä̧ tta̧mü̧kuäda'attü̧.

San Mateo 26:55

Pä'ükkä̧nü̧, yotäku Jesú-mä̧ ttü̧ja̧rü̧ pä'inü̧: —¿Tta̧'a̧nü̧ pä'ü nä̧u̧kuä̧rä̧kuä̧wä̧ i̧sa̧rü̧ 'kua̧rü̧nä̧, kurodiyäku, dauwiyäku 'chu̧ä̧rä̧nü̧ 'chu'ädü kuichäjätukuäkusättü̧? 'Kuäopünä̧ mo̧ro̧ ji̧nü̧ a̧'u̧kuä̧, Dio-rü ukuokuäkuäwodettü chu̧wo̧juȩta̧'a̧nä̧ 'chukuädätukuokoku pä'ijüsä.

San Juan 18:20

Jesú-mä̧ ädätinä̧ku̧: —Ttümä̧ ttü̧ja̧ o'katoi'ünä̧ ttä'ka jo̧mȩttü̧ ukuokuä'ijüsä; sinagogas odewiyättü'i̧nä̧ ja̧'wa̧ta̧nü̧ Dio-rü ukuokuäkuäwodettü'i̧nä̧, jü̧nä̧; judío ttü̧ka̧ka̧kuä'ijomȩmä̧, yä̧wä̧i̧nä̧mä̧ ukuokuokü pä'ijüsä.

San Juan 10:39

Päomȩnä̧, pä'äjita'anü̧ 'chuttädarü pä'ü jȩtti̧pa'anä̧, ttu̧mü̧ttü̧ tiro'kui'ü Jesú-mä̧ tüipächini̧yä̧u̧.

San Juan 7:44

Ja̧'wa̧ta̧nü̧ yotukunä̧mä̧, kärenä̧ 'chu'ädi'ü ttȩmi̧pa̧ pätta'anä̧, ttȩmi̧pü̧ juiyünä̧ ji̧nä̧u̧.

San Juan 7:19

«¿Ukuturu weäwä wȩnȩ iyinü̧mä̧, Moisé-mä̧ jo̧ka̧'a̧ ji̧na̧'a̧ tä̧jí̧? Ja̧'wa̧nü̧ ja̧'a̧nä̧ ukutumä̧ ya̧tȩ'i̧nä̧ jua̧u̧ ukuotokotüjä̧. ¿Tta̧'a̧nü̧ pä'ü kuä'ü kuikuätukua päkuätukuäkusä̧ttü̧?»

San Marcos 14:1

Pacua pä'käri, Trigo o̧si̧ ppü̧ä̧mo̧kü̧ ttukuä'ijü pä̧nä̧ päi'a pä'ümä̧, todäre mo̧ro̧tä̧ juiyina̧'a̧. Ja̧'wa̧nü̧ ja̧'a̧ sacerdote wotü tturuwotü'i̧nä̧, weäwä wȩnȩ wo̧juȩkuä̧ isotü'i̧nä̧. Yapare ji'äu, Jesú-ru 'chu'ädü kuä'ü ttikua pä'ü usinä̧tü̧.

San Marcos 12:12

Pi̧yȩnä̧ wȩnȩtü̧ jiäwomȩnä̧, ujuturutä pä'ü, pä'ü ttu̧wo̧jua̧'a̧ttü̧, Jesú-ru 'chuttäda pätta'anä̧ 'chuttädokoku pinü̧, ttü̧ja̧rü̧ yettekua'attü̧, kä'ädi'ütä i̧wi̧'i̧nä̧tü̧.

San Mateo 21:23

Jesú-mä̧ pi̧yȩ 'kuäopäji o'ka'a Dio-rü ukuokuäkuäwodenä̧ do'ächi'inü̧. Ji̧nä̧ juȩnȩ wo̧juȩtü̧ ü̧ja̧'a̧nä̧ sacerdote turuwotü'i̧nä̧ ja̧'wa̧ta̧nü̧ judío-ttü a̧ci̧a̧nu̧ wotü ichi'ü jä'epü ä̧ju̧kui̧nä̧tü̧: —¿Dí weäwänä̧ pi̧yȩmä̧ jȩ'kua̧'a̧ttü̧? ¿Dí iyinä̧ku̧ttü̧ kukuomä̧?

San Marcos 14:49

'Kuä'opünä̧ mo̧ro̧ jü̧ta̧'a̧nü̧, ukututäku Dio-rü ukuokuäkuäwodenä̧ wo̧juȩtü̧ chü̧ja̧'a̧nä̧ 'chukuädätukuokoku pä'ijüsä; ja̧'wa̧nü̧ ja̧'a̧nä̧, pi̧yȩmä̧ 'kuäopa'a wȩyu̧kuä̧ wȩnȩ päü'akuätä.

San Lucas 19:48

Ja̧'wa̧nü̧ ttusa'anä̧, yoriso ttü̧'o̧kui̧'ü̧ juiyünä̧ ji̧nä̧u̧, jua'amä̧ ttü̧ja̧ o'katoi'ünä̧ Jesú jiäu ttä̧ju̧kua̧ pätta'attü̧.

San Lucas 20:19

Sacerdote wotü tturuwotü'i̧nä̧, weäwä wȩnȩ wo̧juȩkuä̧ isotü'i̧nä̧, ji̧yȩja̧mä̧ ujuturutä pätetü pä'a pä'ü, jua̧u̧tä̧ hora-nä̧ Jesú-ru 'chuttäda pätta'anä̧ ttü̧ja̧rü̧ ye'ekuinä̧tü̧.