San Lucas 19:10 - Nuevo Testamento Uwotjüja

¹⁰ Isopäi'ünä̧ ttü ubo I̧tti̧mä̧, to'e'ächinä̧tü̧rü̧ ȩmü̧ ichü kkä̧nü̧, ra̧wä̧pi̧jü̧ttü̧'i̧nä̧ rä'epü iku ichinü̧sä̧.

TÄ̧DO Ä̧CUÄ̧ I̧HUȨNȨ

¹⁰ Ubo I̧tti̧mä̧ suronä jȩpö̧ re'tehuächätörö usu ichinödo, suronä jȩttö̧ jȩpö̧ icuatö pä'ö.

San Lucas 19:10 Referans Kwoze

San Mateo 1:21

Juäju María-mä̧, kki̧tti̧ uborü kkuwäbekuäkuaju, jua̧u̧ i̧mi̧mä̧ Jesú pä'ü okuarüjä̧, jua'amä̧ awaruwärü suronä̧ jȩttä̧'i̧jü̧ttü̧ rä'epü i̧kuä̧kua̧ ja̧'a̧ttü̧.

Romanos 5:6

Isopäi'ünä̧ Crito-mä̧, tujuru jui'ätü ta'anä̧, pätekuächü mo̧ro̧ 'koru juo'ächinü̧, suronä̧ jȩpä̧tü̧rü̧ ppä'ädümä̧.

San Mateo 15:24

Pättäku Jesú-mä̧ pä'inü̧. —Dio-mä̧ juätürümä̧ weäwiokoku pinü̧sä̧, Irae ttü̧ja̧ oweja-tü̧ re'tewächinä̧tü̧rü̧tä̧ ja̧'a̧tȩ'ü̧ weinä̧ku̧sä̧.

San Lucas 15:32

Ja̧'wa̧nü̧ ja̧'a̧nä̧ kui̧jä̧wa̧rü̧mä̧ pä'käri jȩpü̧ tesewa pä'ü ja̧'a̧, jua̧u̧mä̧ 'korujuoächina̧'a̧nä̧, ttoächäja'attü̧; ja̧'wa̧ta̧nü̧ to'e'ächinü̧rü̧ tü̧'o̧kui̧'ä̧ja̧'a̧ttü̧.

Hebreos 7:25

Ja̧'wa̧nü̧ ja̧'a̧ttü̧, jua̧u̧nä̧tä̧ Dio-rü tü'küpächätürümä̧ surojüttü ttü̧ji̧pü̧nä̧ ppä'ädü, 'kuäopünä̧tä̧ kkä̧nü̧, juätürü ppädünä̧, Dio-rü jäepa'attü.

San Mateo 10:6

pärokua'aku, Iraettü oweja-tü̧ re'tewächinä̧tü̧ ttü̧ja̧kua̧'a̧tä̧ tätukui.

San Mateo 18:10

Pitü ppo̧'ä̧tü̧ttü̧ ya̧tȩrü̧'i̧nä̧ kuju'kätukuoka'amä̧ jȩ'kuä̧'chä̧tu̧kuä̧; juätümä̧ mo̧ro̧jä̧ra̧'a̧ttü̧ A̧gȩrȩ-mä̧ tta̧'a̧rä̧tü̧ 'kuäopünä̧tä̧.

San Mateo 18:11

[Ubo I̧tti̧mä̧ suronä̧ jȩpü̧ to'e'ächinä̧tü̧rü̧ ȩmü̧ ichinü̧.]

San Juan 3:17

Isopäi'ünä̧ Dio-mä̧ pi̧jä̧ra̧'a̧mä̧ ttü̧ja̧rü̧ ro̧dȩpa̧ pä'ümä̧ we'okü pinü̧sä̧, pärokua'aku pi̧jä̧ ttü̧ja̧rü̧ ra̧wä̧pi̧jü̧ttü̧ ttü̧ji̧pi̧ya̧rü̧ pä'ü weinä̧ku̧sä̧.

San Lucas 15:8

¿Ja̧'wa̧ta̧nü̧, tajutä jä̧ttü̧ kkiäre pärätä to̧mü̧rȩ jäwä kku̧ju̧nä̧ra̧'a̧, ji̧bi̧tȩ toepomȩnä̧ ra̧pa̧ra̧ rȩdȩto̧'ü̧, kkü̧'o̧kui̧'o̧mȩbü päi'ünä̧, juatü ikú usokojumä̧?