San Lucas 18:9 - Nuevo Testamento Uwotjüja

⁹ Jesú-mä̧ tta̧mü̧nä̧ pa̧ja̧tü̧, adiwä isotü 'kua̧rü̧nä̧ topäkuäu, kkorotürü kkü'kokotürümä̧ pi̧yȩnä̧ wȩnȩtü̧ ji'äwinü̧:

TÄ̧DO Ä̧CUÄ̧ I̧HUȨNȨ

⁹ Ja̧'hua̧ta̧nö̧ Jesús koro juäi jä̧'i̧nö̧'a̧nö̧ jö̧ huȩnȩ ji'ähuinödo korotö ttahuaruhuärö ttöjö'cö juiyönä jȩpä̧tö̧, “Ujututä adihuä isotöjä” pä'ätö ttä̧ju̧cua̧ pä'ö. Ji'ähuinödo:

San Lucas 18:9 Referans Kwoze

San Lucas 16:15

Jesú juätürü pä'inü̧: —Ukutumä̧ adiwäjuei jȩpä̧tü̧ 'kua̧rü̧nä̧, ttü̧ja̧ tottatü pä'ü i̧jȩkuä̧tü̧jä̧; ja̧'wa̧nü̧ ja̧'a̧nä̧ Dio-mä̧, kua̧mi̧so'kitukumä̧ wo̧jua̧; ja̧'wa̧nü̧ ja̧'a̧ttü̧ ttü̧ja̧ ukuo jäwä jü̧nä̧ tottümä̧, Dio-mä̧ üjü'kokü jäwä ja̧'a̧.

Romanos 10:3

Wo̧jui̧'o̧ko̧tü̧ Dio-mä̧ su̧ro̧pa̧rü̧'i̧nä̧ adiwä i̧sa̧ päi'ünä̧ jȩpü̧ päümä̧. Ja̧'wa̧nü̧ ja̧'a̧ttü̧ kkoro jueitä jȩtta̧ pä'ü amükuädinä̧tü̧ Dio ȩma̧tü̧ pä'ümä̧. Isopäi'ünä̧ ja̧'wa̧nü̧ jȩpü̧ Dio ȩma̧ pä'ü amükuädina̧'a̧ku̧mä̧ ya'okuinä̧tü̧.

Romanos 14:10

Ja̧'wa̧nü̧ ja̧'a̧mä̧, ¿Tta̧'a̧nü̧ pä'ü, ukumä̧ kua̧wa̧ru̧wa̧ kui̧jä̧wa̧rü̧ ja̧'wa̧nü̧ wa̧jä̧, jü̧nä̧ pätetü päkua'ajä̧ttü̧? ja̧'wa̧ta̧nü̧ ¿tta̧'a̧nü̧ pä'ü kuju'koka'a to'kuäkujä̧ttü̧? ujutumä̧ o'katoi'ünä̧tä̧ Crito ä'ka jo̧mȩ ti̧'chi̧'ä̧kuo̧tü̧jä̧, jua̧u̧tä̧tä̧ jȩpü̧ tü̧ja̧kui̧nü̧ päatü pä'ümä̧.

San Lucas 7:39

Ja̧'wa̧nü̧ jȩja̧'a̧ topü, fariseo wa̧ ji̧nä̧so ä̧tȩpä̧ji̧mä̧, a̧'kua̧nä̧ amükuädinü̧: Isopäi'ünä̧, pidemä̧ profeta wa̧ jü̧ttü̧mä̧, paju jȩjü̧'i̧nä̧, yajurutä'i̧nä̧ wo̧jua̧jü̧ 'kua̧ra̧'a̧, surojü jȩpä̧'i̧jä̧ju̧ mȩjä̧ku̧sä̧ pä'ü.

Romanos 7:9

Ja̧'wa̧ta̧nü̧ ttümä̧ weäwä wȩnȩ juiyünä̧ kki̧nü̧sä̧; ja̧'wa̧nü̧ ja̧'a̧nä̧ weäwä wȩnȩ rȩbȩwo̧mȩnä̧mä̧, ukuotäkuäwokümä̧ a̧'kua̧ri̧'i̧na̧'a̧ ttünä̧.

San Lucas 19:7

Ja̧'wa̧nü̧ jȩa̧'a̧ topü, ttü̧ja̧mä̧ o'katoi'ünä̧ ukuokuinätü̧: Toku pä'ü Jesú-mä̧, suronä̧ jȩä̧kuä̧wä̧ i̧sa̧ ojusodenä̧ do'ächa'attü̧ pä'ü.

San Lucas 18:11

Fariseo wotü i̧sa̧mä̧ ä̧rä̧mi̧'ä̧ji̧'ka̧ kkä̧nü̧ pa̧'a̧nü̧ Dio-rü ukuokuinü̧: Chü̧ä̧nä̧wa̧ Dio, ukuru eseusä, kkorotü jü̧'a̧nü̧, nä̧u̧kuä̧rü̧'i̧nä̧, suronä̧ jȩpä̧'chü̧'i̧nä̧, ttirekua pokojuru kkä̧'chü̧'i̧nä̧ ja̧'wa̧ta̧nü̧ pide Roma-ra̧'a̧ weäwä pärätä ka̧ka̧kuä̧ i̧sa̧ jü̧'a̧nü̧'i̧nä̧ jȩpo̧kü̧ cha'attü,

Hechos 22:21

Päda'anä̧ Chu̧ru̧wa̧mä̧ päinä̧ku̧sä̧: Täkü täi, judío pokotü tti̧rȩjä̧ra̧'a̧, otó wedäkujä̧.

San Juan 9:34

Pä̧i̧yä̧u̧ pättinä̧ku̧: —Ukú, surojünä̧ uwäpächinü̧mä̧, ¿Ujuturu ku̧wo̧juȩta̧'a̧ tä̧jí̧? pä'ü rä'epü ttikuinä̧ku̧.

San Juan 9:28

Ja̧'wa̧nü̧ pä̧u̧, ra̧wä̧ri̧pü̧ pättinä̧ku̧: —Ukutäjä̧, jua̧u̧ u̧mü̧wä̧ya̧mä̧; ujutumä̧ Moisé-tä umüwäyotüjä̧.

San Juan 8:48

Ja̧'wa̧nü̧ pä̧i̧yä̧u̧ judío-mä̧ pättinä̧ku̧: —Ja̧'wa̧nü̧ ji̧yä̧u̧, ujutumä̧, ukurumä̧ Samaria ttü̧ja̧sa̧jä̧, epíritu su̧ro̧pa̧ ü̧jä̧ku̧ pätäkujä̧.

San Lucas 15:2

Ja̧'wa̧nü̧ ji̧yä̧u̧ fariseo wotü'i̧nä̧, weäwä wȩnȩ wo̧juȩkuä̧ isotü'i̧nä̧, pä'ä'chinä̧tü̧: —Suronä̧ jȩpä̧tü̧ku̧tä̧ eseku, juätükutä u̧kuȩ'i̧nä̧ kuä'chü jȩpü̧, jü̧nä̧.

San Lucas 10:29

Ja̧'wa̧nü̧ ja̧'a̧nä̧, weäwä wȩnȩ wo̧juȩkuä̧ i̧sa̧mä̧ yabonü̧ u̧wo̧jua̧ pä'ü, Jesú-ru pä'inü̧: —¿Díjä̧ttü̧ cha̧wa̧ru̧wa̧mä̧?

Romanos 14:3

O'kajuiyünä̧ u̧kuȩ kumä̧, kuokürümä̧ suronä̧ kukuokuä; ja̧'wa̧nü̧ jü̧ta̧'a̧nü̧ pättiyu o̧'tȩtä̧ ku'i̧nä̧ o'kajuiyünä̧ kurumä̧ suronä̧ kukuokuä; Dio-mä̧ o'katoi'ünä̧rü̧ ȩmi̧nä̧u̧jä̧.