San Lucas 18:14 - Nuevo Testamento Uwotjüja

¹⁴ Isopäi'ünä̧ pädäu̧jä̧: Pide Roma-ra̧'a̧ weäwä pärätä ka̧ka̧kuä̧ i̧sa̧ päjimä̧, surojü jui̧'a̧ jü̧nä̧, Dio jȩpü̧ ikuäjäkutä i̧wi̧nü̧ ojusodera̧'a̧ku̧mä̧; isopäi'ünä̧, ya̧tȩ a̧mü̧nä̧ pa̧ja̧tü̧ ukuo te'äkuäu ä̧rä̧mü̧rü̧mä̧, ukuo ȩmü̧ i̧kuä̧wä̧kua̧. Ja̧'wa̧ta̧nü̧ a̧mü̧nä̧ pa̧ja̧tü̧ ukuo teäkuäwoka'a, rekuä rü̧jä̧ku̧ jü̧nä̧ amükuädäkuäurumä̧, ukuo iyü äräbe'ä̧kuä̧wä̧kua̧.

TÄ̧DO Ä̧CUÄ̧ I̧HUȨNȨ

¹⁴ Ttö pä'ösä ucuturu, ja̧u̧ ru̧hua̧ öäre pärätä ȩmä̧'i̧jö̧tä̧ ojusodera̧'a̧ suronä jȩö̧ jȩpö̧ i̧cuä̧hua̧ ppa̧'ächi̧nö̧, fariseo i̧sa̧mä̧co̧. Ya̧tȩ ucuo i̧sa̧ ö̧ja̧ pä'ömä, ucuo i̧sa̧ ko̧cö̧. Ja̧'hua̧ta̧nö̧ ya̧tȩ ucuo i̧sa̧ ö̧ja̧ pä'ocömä, ucuo i̧sa̧ ö̧jä̧cua̧.

San Lucas 18:14 Referans Kwoze

San Lucas 14:11

Ja̧'wa̧nü̧ ja̧'a̧ttü̧ a̧mü̧nä̧ pa̧ja̧tü̧ chutä ukuo rü̧'ä̧dä̧kuä̧u̧mä̧, jui'ädü ikuäwä̧kua̧; ja̧'wa̧ta̧nü̧ chutä a̧mü̧nä̧ pa̧ja̧tü̧ ukuo jui'ädäkuäurumä̧, 'cha'adü kku̧nä̧wä̧kua̧'a̧.

San Lucas 16:15

Jesú juätürü pä'inü̧: —Ukutumä̧ adiwäjuei jȩpä̧tü̧ 'kua̧rü̧nä̧, ttü̧ja̧ tottatü pä'ü i̧jȩkuä̧tü̧jä̧; ja̧'wa̧nü̧ ja̧'a̧nä̧ Dio-mä̧, kua̧mi̧so'kitukumä̧ wo̧jua̧; ja̧'wa̧nü̧ ja̧'a̧ttü̧ ttü̧ja̧ ukuo jäwä jü̧nä̧ tottümä̧, Dio-mä̧ üjü'kokü jäwä ja̧'a̧.

Santiago 4:10

Ku̧ä̧nä̧wa̧ ä'ka jo̧mȩ kuiwe'kiyunä̧ kkä̧mä̧dä̧tu̧kui̧, ja̧'wa̧nü̧ jo̧mȩnä̧tä̧ chutämä̧ esewäkuotüjä̧.

San Mateo 23:12

Isopäi'ünä̧ a̧mü̧nä̧ pa̧ja̧tü̧ ukuo te'äkuäkuäurumä̧, jua̧u̧ ukuo ȩmü̧ ikuäwäkua'a; ja̧'wa̧ta̧nü̧ ukuote'äkuäwokürümä̧, ukuo iyäwäkua'a.

Santiago 4:6

Ja̧'wa̧nü̧ ja̧'a̧nä̧ Dio-mä̧ rü̧ä̧nä̧ rȩrü̧jü̧nü̧ topü ppä̧dä̧u̧jä̧, ja̧'wa̧ta̧nü̧ wȩyu̧kuä̧ wȩnȩmä̧ pä'a: Dio-mä̧ ttukuo te'äwätürümä̧ kkü'kokü, ja̧'wa̧nü̧ ja̧'a̧nä̧ ttukuo te'äkuäwokotürütä eseunu̧ ppä'ädü.

San Lucas 1:52

Ruwotürümä̧ tturuwo 'cho'ipü, usurä isotürütä tturuwo iyinü̧.

San Mateo 5:3

Eseäkuäwä kka̧'a̧, tta̧'kua̧rü̧ rekuä rü̧jä̧u̧ru̧, jua'amä̧ mo̧ro̧jä̧ jäwä weümä̧ juätürütä ja̧'a̧tȩ'ü̧ ja̧'a̧ttü̧.

Gálatas 2:16

Ujutumä̧ wo̧juä̧tü̧jä̧, weäwä wȩnȩ päü jȩä̧kuä̧wä̧nä̧tä̧mä̧ Dio-mä̧ ȩmo̧kü̧ jä̧kua̧ pä'ümä̧, ja̧'wa̧nü̧ ja̧'a̧nä̧ Jesucrito-rü tta̧'kua̧ wȩnä̧rä̧kuä̧wä̧nä̧tä̧ ȩmä̧u̧jä̧. Ja̧'wa̧nü̧ jo̧mȩnä̧, ujutu'i̧nä̧ Jesucrito-rü esetinä̧tü̧jä̧, Jesucrito-nä̧ ȩma̧tü̧ pä'ümä̧, weäwä wȩnȩnä̧ jo̧ka̧'a̧ttü̧. Ja̧'wa̧nü̧ ja̧'a̧ttü̧, suro weäwä wȩnȩ päütä ttukuotüttümä̧, Dio-mä̧ ȩmo̧ko̧u̧ ttäkuotü.

Romanos 4:5

Ja̧'wa̧nü̧ ja̧'a̧nä̧, ya̧tȩ aditoka'anä̧, chu su̧ro̧pa̧rü̧ aditü ikuru esetomȩnä̧mä̧, jua̧u̧ a̧'kua̧ u̧wȩnä̧rü̧nä̧ Dio-mä̧ adiwä i̧sa̧ jü̧nä̧tä̧ toäku.

Romanos 3:20

Ja̧'wa̧nü̧ ja̧'a̧ttü̧ Dio ä'kattümä̧, ya̧tȩ'i̧nä̧ weäwä wȩnȩ ukuotü jȩa̧'a̧tä̧mä̧, adiwä jueikumä̧ juo'ächokü jä̧kua̧; jua̧u̧, weäwä wȩnȩmä̧ surojü jȩtü̧tä̧ ttu̧wo̧jui̧pü̧nä̧ ji̧na̧'a̧ttü̧.

San Lucas 10:29

Ja̧'wa̧nü̧ ja̧'a̧nä̧, weäwä wȩnȩ wo̧juȩkuä̧ i̧sa̧mä̧ yabonü̧ u̧wo̧jua̧ pä'ü, Jesú-ru pä'inü̧: —¿Díjä̧ttü̧ cha̧wa̧ru̧wa̧mä̧?

Romanos 8:33

¿Ditä jä̧kua̧'a̧jä̧ttü̧ Dio pojopü ȩmi̧nä̧u̧ru̧, suronä̧ jȩpi̧nü̧jä̧ pä̧kua̧mä̧? Suronä̧ wotürü aditü ikumä̧, Dio-tätä ja̧'a̧mä̧.

Romanos 5:1

Ji̧yȩnä̧tä̧ ta̧'kua̧ tu̧wȩnä̧rü̧nä̧, surojü jui'ätü jü̧nä̧ jȩpü̧ ikuinä̧u̧jä̧, Dio-kumä̧ eseäkuäwä tu̧ju̧nä̧rü̧nä̧ Jesucrito-nä̧mä̧.