San Lucas 18:12 - Nuevo Testamento Uwotjüja

¹² ttümä̧ ji̧yȩtȩ semana-nä̧mä̧, todärenä̧ chu̧kuȩ a̧do̧chü̧ Dio-rü ukuokuä'ijüsä ja̧'wa̧ta̧nü̧ chaditäwä mikuä chȩmü̧ o'kajuiyüttümä̧, diezmo-mä̧ iyüsä.

TÄ̧DO Ä̧CUÄ̧ I̧HUȨNȨ

¹² Ttömä koro semana'inä, koro semana'inä todäre mo̧ro̧ a̧do̧chö̧sä̧. To̧mö̧rȩ jähuä chȩmo̧mȩnä̧, ji̧yȩtȩ 'quȩ'ȩpö̧ iyösä ucuru o'ca juiyönä chȩmö̧ttö̧.”

San Lucas 18:12 Referans Kwoze

San Lucas 11:42

¡Isoó, ukutu fariseo wotüwe!, Dio-rü kuiyätukua pä'ü, mentattü'i̧nä̧, rudattü'i̧nä̧ ja̧'wa̧ta̧nü̧ kuäwättü'i̧nä̧ o'kajuiyünä̧ diezmo kuiyätukua'anä̧, Dio weü adiwomȩnä̧ jȩä̧kuä̧wä̧mä̧, ppädäkuäwämä̧ jäyä kku̧ni̧pä̧tü̧jä̧. Pi̧yȩ rekuä rü̧jü̧ttü̧ jȩpü̧ kkä̧nü̧, ji̧yȩ'i̧nä̧ jȩpä̧tu̧kui̧.

San Mateo 9:14

Ja̧'wa̧nü̧ ja̧'a̧ Ju̧a̧ bautizo jȩä̧kuä̧wä̧ i̧sa̧ u̧wo̧juȩtä̧u̧, Jesú-ru ichi'ü jä'epü ä̧ju̧kui̧nä̧tü̧: —¿Tta̧'a̧nü̧ pä'ü ujutu'i̧nä̧, fariseo wotü'i̧nä̧, tu̧kuȩ a̧do̧chü̧ jȩta̧'a̧nä̧, uku ku̧wo̧juȩtä̧u̧mä̧ ttu̧kuȩ a̧do̧chü̧ jȩpo̧ko̧tü̧ ja̧'a̧jä̧ttü̧?

San Lucas 17:10

Ja̧'wa̧nü̧ jü̧ta̧'a̧nü̧, ukutu'i̧nä̧ Dio weü jo̧mȩnü̧ jȩ'kuä̧tu̧kuo̧mȩnä̧mä̧, päkuätukuajä̧: umüwäyotü ta'anä̧ jȩtü̧ juiyünä̧ wotüjä̧to, suro weütätä jȩtä̧ja̧'a̧ttü̧.

1 Timoteo 4:8

Pi̧yȩ wȩnȩ tawaruwä tü̧jä̧wa̧tü̧rü̧ ku̧wo̧juȩtü̧ttü̧mä̧, Jesucrito adiwänä̧ u̧mü̧wä̧ya̧ jä̧kua̧, ttu̧mü̧wä̧ya̧ ta̧'kua̧ wȩnä̧rä̧kuä̧wä̧ wȩnȩttü̧ kku jü̧nä̧ ja̧'wa̧ta̧nü̧ adiwäjuei wo̧juȩkuä̧ i̧'chȩ'i̧jü̧nä̧.

San Mateo 6:1

Ttü̧ja̧ ttä'kattü, juätü tottatü pä'ütä adiumä̧ jȩ'kuä̧tu̧ku̧ juiyü'anü̧ ja̧'a̧, ja̧'wa̧nü̧ jȩ'kuä̧tu̧ku̧ttü̧mä̧ Kuä'otuku mo̧ro̧jä̧ra̧'a̧ kkü̧mä̧ ji̧yȩtȩ premio'i̧nä̧ i̧yo̧ko̧u̧ kuäkuotüjä̧.

Efesios 2:9

Surojüttü kki̧'ä̧kuä̧wä̧mä̧ adiwä juei jȩ'kuä̧tu̧kua̧'a̧'i̧nä̧ po̧kui̧kuo̧kü̧, jua'amä̧ ya̧tȩ'i̧nä̧ a̧mü̧nä̧ pa̧ja̧tü̧ eseäkuäu juiya pä'ü;

Gálatas 1:14

Ja̧'wa̧ta̧nü̧ wo̧juä̧tü̧jä̧, chi̧rȩjä̧ttü̧ judío jäwänä̧ kkä̧nü̧, chawaruwä ttü ta̧'a̧nü̧ wotü ttu̧wä̧mȩnä̧ chinü̧mä̧, chä̧do̧tü̧ mi̧nä̧ jäwä ä'kuoyäunü̧ jȩcho̧mȩnä̧.

1 Corintios 1:29

Ja̧'wa̧nü̧ ja̧'a̧ttü̧, Dio ä'kattümä̧ ya̧tȩ'i̧nä̧ ja̧'wa̧nü̧ wa̧sä̧ pä'ü ukuo teäkuäwa pä'ümä̧ juiya'a.

Romanos 3:27

¿Ja̧'wa̧nü̧ ja̧'a̧mä̧, Dio ä'kattü, ttü̧ja̧sa̧ ukuo te'äumä̧ tȩnȩ́ kki̧'a̧'a̧jä̧ttü̧? Kki̧'o̧ka̧'a̧tä̧ toe'a'a ¿Jua'amä̧ ti̧yȩ weäwä wȩnȩ pä'a? Jua̧u̧mä̧ weäwä wȩnȩ päü'a̧kuä̧ jȩtto̧mȩnä̧mä̧kü̧, jua̧u̧mä̧ tta̧'kua̧ wȩnä̧rü̧ ttesetomȩnä̧ ja̧'a̧.

San Mateo 6:16

Ukutu Dio-rü ukuoku ku̧kuȩ kua̧do̧chä̧tu̧kuo̧mȩnä̧, ä'koyättü esetätü jȩttü̧'a̧nü̧mä̧, kui'ätukunä̧ kua̧'kua̧ tta̧'ȩku̧ 'kua̧rü̧nä̧mä̧, jȩ'kuä̧tu̧kuä̧ ttü̧ja̧ tottätukuaku pä'ümä̧. Ja̧'wa̧nü̧ jȩ'kuä̧tu̧ku̧ttü̧mä̧ ukuturu pä'üsä, täkü jua̧u̧tä̧ po̧kui̧pä̧tü̧jä̧, mikuä jäkuepätukumä̧.

San Mateo 6:5

Ja̧'wa̧ta̧nü̧ Dio-rü kukuokuätukuomȩnä̧mä̧, ä'koyättü esetätü jȩttü̧'a̧nü̧mä̧ jȩ'kuä̧tu̧kuä̧; juätümä̧ sinagogas odewiyättü'i̧nä̧, mä̧ni̧yä̧ u̧yu̧'ka̧ri̧ttü̧'i̧nä̧ kkä̧nü̧ Dio-rü ukuokuäkuäwätä kkü'kätü, ttü̧ja̧ tottatü pä'ü. Isopäi'ünä̧ ukuturu pä'üsä: Ja̧'wa̧nü̧ jȩ'kuä̧tu̧ku̧ttü̧mä̧, premio pättü kuȩmä̧tu̧kua̧ pä'ü ji̧nü̧mä̧, täkü ȩmä̧tü̧jä̧.

San Mateo 5:20

Ja̧'wa̧ta̧nü̧ isopäi'ünä̧ pädäu̧jä̧ weäwä wȩnȩ wo̧juȩtä̧tü̧'i̧nä̧, fariseo wotü'i̧nä̧ adiwäjuei jȩttä̧'i̧jü̧ u̧wä̧mȩnä̧ jȩ'kuä̧tu̧ku̧ juiyüttümä̧, mo̧ro̧jä̧ ru̧wa̧ weomȩmä̧ do'ächokotü kuäkuotüjä̧.