San Lucas 17:6 - Nuevo Testamento Uwotjüja

⁶ Pättäku ttu̧ru̧wa̧mä̧ ädätinä̧u̧: —Kua̧'kua̧ ku̧wȩnä̧rä̧tu̧ku̧mä̧, suro mostaza u̧wä̧ju̧ isäte jä̧'i̧jü̧ta̧'a̧nü̧ jü̧ttü̧'i̧nä̧, pi dau sicómoro isäi: porümä̧ pporächi'ü, rü̧ä̧ ajenä̧ kkä̧mä̧di̧, päkuätukuttü'i̧nä̧, esetäkua'a.

TÄ̧DO Ä̧CUÄ̧ I̧HUȨNȨ

⁶ Ja̧'hua̧nö̧ ja̧'a̧ Tu̧ru̧hua̧ päinä̧u̧do: —Iso päi'önä cuesetinätucu adiu cu̧ju̧nä̧rä̧tu̧cu̧ttu̧mä̧, mostaza jacuä jähuä jä̧'i̧nö̧'a̧nö̧ jö̧ttö̧mä̧, jija dau pä'ajatöjä: “Que'ocuächi juhuorömä, aje rö̧oto kä'coto kä̧mä̧däi cui.” Jä̧'hua̧nö̧ ja̧'a̧ dau eseta̧u̧jä̧.

San Lucas 17:6 Referans Kwoze

San Mateo 17:20

Pättäku Jesú-mä̧ ädätinä̧u̧: —Jua'amä̧ kua̧'kua̧ ku̧wȩnä̧rä̧tu̧ku̧ juikuätukua'attü. Isopäi'ünä̧tä̧ pä'üsä ukuturu, mostaza u̧wä̧ju̧ isäte a̧'u̧kuä̧'i̧jü̧ta̧'a̧nü̧, a̧'u̧ku̧nä̧tä̧ kua̧'kua̧ ku̧wȩnä̧rä̧tu̧ku̧ttü̧'i̧nä̧, ji'kaja mü̧ä̧'ka juorümä̧ tü'ipächi päkuätukuttümä̧ tüipächäkua'a. Ja̧'wa̧nü̧ ja̧'a̧ttü̧ jȩttü̧ juiyünä̧ weyekumä̧ juiya'a.

San Mateo 21:21

Jesú ädätinä̧u̧: —Isopäi'ünä̧ pädäu̧jä̧, 'kikuekuätukuoka'a jueünä̧tä̧ kua̧'kua̧ ku̧wȩnä̧rä̧tu̧ku̧ttü̧mä̧, suro higuera isäinä̧ 'kuäopäjitämä̧ jo̧ka̧'a̧ jä̧kua̧'a̧; pi'ka mü̧ä̧'ka «juorü tü'ipächü, rü̧ä̧ duborara̧'a̧ ma̧'ä̧chi̧ päkuätukuttü'inä̧,» ja̧'wa̧ta̧nü̧ jä̧kua̧'a̧.

San Marcos 9:23

Ja̧'wa̧nü̧ päku, Jesú-mä̧ pä'inü̧: ¿Dio-rümä̧ kua̧'kua̧ kku̧wȩnä̧rü̧'a̧nü̧ tä̧jí̧? ¡Esetürümä̧, o'kajuiyünä̧tä̧ eseta'aku iso juoa'a!

San Lucas 13:19

Jua̧u̧mä̧ mostaza u̧wä̧ju̧, pättanä̧ ya̧tȩ u̧ju̧no̧mȩnä̧. Büó juoächü o'ko'i, täkü rü̧ä̧i jo̧mȩnä̧, ä̧na̧jui̧yä̧nä̧ ppi̧yu̧ ttä̧'ti̧yu̧ ttu̧wȩna̧'a̧ jä̧'i̧nü̧'a̧nü̧ ja̧'a̧.

1 Corintios 13:2

Ja̧'wa̧ta̧nü̧ Dio i̧mi̧nä̧ jiäkuäwä chu̧ju̧nä̧ra̧ja̧ pä'ü'i̧nä̧, ttu̧wo̧juo̧kü̧ jäwä o'kajuiyünä̧ chu̧wo̧jua̧ja̧ pä'ü'i̧nä̧, wo̧juä̧wä̧ wȩnȩ chu̧wo̧juo̧ttü̧'i̧nä̧, müä'ka'i̧nä̧ pporächi'ünä̧ cha̧'kua̧ chu̧wȩnä̧rü̧ttü̧'i̧nä̧, eseu repeäkuäwä juidüttümä̧, ttümä̧ mikuäwokütä jȩpü̧sä̧.

San Lucas 19:4

Ja̧'wa̧nü̧ jä̧ku̧, ä'kanä̧ jopächü, sicómoro daunä̧ 'cha'achächinü̧; Jesú-mä̧ juȩnȩnä̧ 'kuäopäkua'a ja̧'a̧.

San Marcos 4:31

Jua̧u̧mä̧ mostaza u̧wä̧ju̧ isäte, rȩjȩ ttu̧ju̧na̧'a̧ jä̧'i̧nü̧'a̧nü̧ ja̧'a̧. Jua̧u̧mä̧, pi̧jä̧nä̧ kka̧ku̧ u̧wä̧ju̧ttu̧'i̧nä̧ abonä̧nü̧ ppo̧ü̧ ja̧'a̧.

San Lucas 7:13

Toomȩnä̧, Jesú-mä̧ rȩrü̧jä̧chi̧'ä̧ku̧, juäjuru pä'inü̧: —Täkü kuajuäwä.

San Lucas 7:19

We'inü̧: ¿Ukutäjä̧ kuichäkua'a tta̧tä̧rä̧'i̧jä̧ku̧mä̧ ja̧'wa̧nü̧ jü̧ juiyüttü'i̧nä̧, kka̧ra̧rü̧ tta̧tä̧rä̧kua̧'a̧? pä'ü jä'epü ttä̧ju̧kuä̧ja̧rü̧ pä'ü.

San Lucas 17:7

Ukututtümä̧, u̧mü̧wä̧ya̧ pättara̧'a̧ aditü i̧wä̧ji̧'ka̧ ichi'omȩnä̧mä̧ ja̧'wa̧ta̧nü̧ pä̧kä̧yü̧rü̧ tta̧'a̧rü̧ i̧wä̧ji̧'ka̧ ichi'omȩnä̧mä̧ ¿do'ächi'ü ku̧kuȩ, mesa isodänä̧ pä̧mä̧dü̧ kuiti pä'ä'ijä̧tü̧jä̧?

San Mateo 14:29

—Päku, Jesú-mä̧: —Ichi, päinä̧ku̧, Ja̧'wa̧nü̧ ja̧'a̧ Peduru-mä̧ woi'kattü mȩyȩwä̧chü̧ aje wä̧mo̧tonä̧ Jesú ü̧ja̧'a̧ku̧ 'chi̧nü̧.