San Lucas 17:22 - Nuevo Testamento Uwotjüja

²² Pä'ü kä'ädü, Jesú-mä̧ u̧wo̧juȩtä̧u̧rü pä'inü̧: —Ji̧yȩtȩ mo̧ro̧ ichäkua'a ubo I̧tti̧ uruwoku wea'a to'kua päkuätuku mo̧ro̧ ja̧'wa̧nü̧ ja̧'a̧nä̧, topokotü kuäkuotüjä̧.

TÄ̧DO Ä̧CUÄ̧ I̧HUȨNȨ

²² Ja̧'hua̧nö̧ ja̧'a̧ pä'inödo u̧huo̧juȩtä̧u̧ru̧: —Yodoji 'cuäopomenä, “Ubo I̧tti̧ ö̧ji̧nö̧ mo̧ro̧ jö̧'a̧nö̧ ja̧'a̧ totahue” päcuhuäcuotöjä. Ja̧'hua̧nö̧ ja̧'a̧nä̧ topocotö cuäcuotöjä.

San Lucas 17:22 Referans Kwoze

San Lucas 5:35

Ja̧'wa̧nü̧ ja̧'a̧nä̧, irekuarü ȩmä̧ji̧rü̧ ttȩmi̧pü̧ mo̧ro̧ rȩbȩä̧kuä̧wä̧kua̧'a̧. Ja̧'wa̧nü̧ jü̧ mo̧ro̧mä̧, ttu̧kuȩ a̧do̧chü̧ Dio-rü ttukuokuäkuotü.

San Mateo 9:15

Pättäku, Jesú-mä̧ ädätinä̧u̧: —¿Jua̧u̧nu̧mä̧, ya̧tȩ irekuarü ȩma̧'a̧ ä̧tȩpä̧jä̧u̧mä̧, chutä jitütäku ü̧ja̧'a̧nä̧mä̧ tta̧'kua̧ tta̧ttȩku̧'a̧nü̧ tä̧jí̧? Ja̧'wa̧nü̧ ja̧'a̧nä̧, irekuarü ȩmü̧rü̧ ttȩmi̧pü̧ mo̧ro̧ päi'omȩnä̧mä̧, jua̧u̧nu̧tä̧ jä̧kua̧'a̧ ttu̧kuȩ a̧do̧chü̧ jȩttä̧kua̧'a̧mä̧.

San Juan 13:33

Chi̧tti̧mü̧, ukutukumä̧ a̧'u̧kua̧'a̧tä̧ chü̧jä̧kua̧sä̧. Ttürümä̧ kusätukua'anä̧, judío-rü pädinü̧ta̧'a̧nü̧ pädäu̧jä̧: Ttü chi̧'cha̧'a̧mä̧ ichokotü kuäkuotüjä̧.

San Marcos 2:20

Ja̧'wa̧nü̧ ja̧'a̧nä̧, irekuarü jareünä̧ ȩmü̧rü̧ ttȩmi̧pü̧ mo̧ro̧ rȩbȩä̧kuä̧wä̧kua̧'a̧, jua̧u̧nü̧ mo̧ro̧tä̧ ttu̧kuȩ a̧do̧chü̧ jȩttä̧kuo̧tü̧.

San Juan 12:35

Pättäku Jesú-mä̧ päinä̧u̧: —Tȩya̧u̧mä̧ ukutu ku̧'kä̧tȩtu̧ku̧nä̧mä̧ a̧'u̧kua̧'a̧tä̧ kkä̧kua̧'a̧. Ja̧'wa̧nü̧ ja̧'a̧ttü̧ tȩya̧u̧ kkä̧i̧tä̧, jua̧u̧ tȩya̧u̧nä̧mä̧ kue'ächätukui, yo̧ü̧ kuieruwätukua'anä̧ rȩbȩä̧kuä̧wä̧tu̧kuä̧ku̧; isopäi'ünä̧ yo̧ü̧nä̧ kue'ächümä̧, i̧'cho̧mȩ'i̧nä̧ jȩru̧pa̧.

San Lucas 13:35

Ja̧'wa̧nü̧ ja̧'a̧ttü̧ topätukui, kuojusodetukumä̧ toünä̧ kki̧'ä̧kuode ja̧'wa̧ta̧nü̧ pädäu̧jä̧ pä'äji jä̧ji̧'a̧nü̧mä̧ to'kuätukuokoku chä̧kua̧sä̧, ukutu pa̧'a̧nü̧ päkuätuku mo̧ro̧bü päi'ünä̧: «Tu̧ru̧wa̧ i̧mi̧nä̧ ichürümä̧ adiunä̧tä̧ jä̧kua̧,» jü̧nä̧.