San Lucas 16:25 - Nuevo Testamento Uwotjüja

²⁵ Päomȩnä̧ Abraha̧-mä̧ ädätinä̧ku̧: Chi̧tti̧ amükuädi, kua̧'kua̧rä̧i̧mä̧ adiu eseu kki̧nü̧jä̧. Ja̧'wa̧ta̧nü̧ Rázaru-mä̧ surojü usurä ȩmä̧u̧ ü̧ja̧'a̧nä̧. Jitämä̧, pä̧ro̧kua̧ eseu kkü̧, uku usurä kuȩmä̧wa̧'a̧nä̧.

TÄ̧DO Ä̧CUÄ̧ I̧HUȨNȨ

²⁵ Ja̧'hua̧nö̧ ja̧'a̧ Abraham ädätinödo: “Chi̧tti̧, amöcuädäcuähui. Ucu adiu 'cuäopinäcujä äcuomenä cu̧ji̧nä̧jä̧ra̧'a̧ttö̧mä̧. Lázaromä surojinäcu ja̧huä̧jä̧ttö̧mä̧. Jitä ja̧u̧ a̧'cua̧ ȩmö̧ pottö, ucu jitä ubara ttucuhua'anä.

San Lucas 16:25 Referans Kwoze

San Lucas 6:24

Ja̧'wa̧nü̧ ja̧'a̧nä̧, ukutu ¡ruwotümä̧, ukutuwe!, täkü kueseäkuäwätukumä̧ kku̧nä̧rä̧tü̧jä̧.

1 Juan 2:15

Pi̧jä̧'i̧nä̧, pi̧jä̧nä̧ kka̧ku̧'i̧nä̧ eseumä̧ repekuä. Isopäi'ünä̧, ya̧tȩ pi̧jä̧ eseu repeüttümä̧, Jä'o Dio eseu repeümä̧ jui̧'a̧;

San Marcos 9:45

Ja̧'wa̧ta̧nü̧ ku̧jä̧pü̧ suronä̧ jȩä̧kuä̧wä̧nä̧ ma̧kuä̧chü̧nä̧ jȩü̧ttü̧mä̧, 'kui'oku ikuí; a̧'kua̧rä̧kuä̧wä̧ra̧'a̧ ji̧'u̧tȩ jui̧'a̧ dokuächüttüttä adiu'anü̧ ja̧'a̧; ja̧'wa̧nü̧ jü̧ juiyüttümä̧ ku̧jä̧pi̧yä̧ to̧'ü̧rȩkuȩ'ü̧ kka̧ja̧ pä'ü'i̧nä̧ okurä na̧wi̧pokorära̧'a̧ do'opü i̧kuä̧wä̧kua̧jä̧.

Romanos 8:7

Isopäi'ünä̧ ttidepä wea'anä̧ kkä̧kuä̧wä̧mä̧, Dio aboiyotü päi'ünä̧tä̧ päroächäkuäwä; jua'amä̧, Jua̧u̧ weäwä wȩnȩ kkü'kü jui'ü jȩtta̧ pättoka'attü̧.

Filipenses 3:19

Juätümä̧ totte'ächäkuotü, ttü'käbiyutä ttü̧ä̧nä̧wa̧ jü̧nä̧ kka̧kuä̧tü̧, dä'ä rü̧jü̧ jäwätä ukuo te'äkuäwätü. Suro, pi̧jä̧ jäwätä amükuädü jȩpä̧tü̧.

Hechos 14:22

Jua̧u̧ ütawiyä pünä̧ rȩbȩä̧kuä̧u̧mä̧, ttesetäjinä̧ tta̧'kua̧ wȩnä̧rü̧ yaboku tti̧'chü̧nä̧ jittäwinä̧u̧; jua̧u̧ ji'äumä̧ pättinä̧u̧: Dio weomȩ dodeta pä'ümä̧, rü̧ȩnä̧ usurä ȩmä̧u̧tä̧ dotächa pä'ü rekuä rü̧ja̧'a̧, pä'ü jittäwinä̧u̧.

Hebreos 11:25

Dio i̧tti̧mü̧ku̧tä̧, juätürü jü̧ta̧'a̧nü̧ suronä̧ jȩtta̧'a̧ usurä ȩmä̧wa̧ pä'inü̧, pi̧jä̧ üadiwänä̧ suronä̧ jȩpü̧ ü̧ja̧ pä'ü jui'ü.

1 Tesalonicenses 3:3

Surojü 'kuäopomȩnä̧, kua̧'kua̧ ku̧wȩnä̧rä̧'i̧jä̧tu̧ku̧ kuijuiyuwächi'ätuku juiya pä'ü. Ujutumä̧, iweye jua̧u̧mä̧ 'kuätopü pä'ü, ku̧wo̧juä̧tu̧kua̧ pä'ü.

Apocalipsis 7:14

Päku aditinü̧sä̧: Chu̧ru̧wa̧, ukutäjä̧ wo̧jua̧mä̧. Pädomȩnä̧, päinä̧ku̧sä̧: Jitüjamä̧ rü̧ȩnä̧ usurä ȩmä̧kuä̧wa̧'a̧ttü̧ ichinä̧tü̧, ttü̧'ka̧tä̧wä̧ti̧yu̧ oweja mü̧ä̧ya̧ wa̧ ukuojattü teünä̧ tükäu ikuinä̧tü̧ ja̧'a̧.

San Juan 16:33

Pi̧yȩmä̧ ukuokusä, ttünä̧ wȩnȩ juiyünä̧ eseu ku̧jä̧tu̧kua̧ pä'ü. Pi̧jä̧ttü̧mä̧ usurä ȩmä̧u̧ 'kuäkuopäkuotüjä̧; ja̧'wa̧nü̧ ja̧'a̧nä̧ kua̧'kua̧ wȩnä̧rä̧tu̧kui̧, ttü ja̧'a̧ pi̧jä̧ jäwä abo 'kuä'o'inü̧mä̧.

San Lucas 16:23

Ja̧'wa̧nü̧ ja̧'a̧, ru̧wa̧mä̧ wa'inä̧tü̧ ttü̧jo̧mȩttü̧ usurä ȩmä̧u̧kkä̧nü̧, u kä'epü toomȩnä̧, Rázaru-rü topinü̧ Abraha̧ ippeyänä̧ ü̧'a̧'a̧.

San Lucas 16:20

Ja̧'wa̧ta̧nü̧ ya̧tȩ usurä i̧sa̧, Rázaru pä'ü mi̧kua̧ kki̧nü̧. Rü̧ȩnä̧ üttawiyätä wa̧, jua̧u̧mä̧ ru̧wa̧ ojusode äpate'ka rȩjȩ pä̧'chi̧nü̧.

San Mateo 27:63

'chä̧jä̧'kotümä̧ pä'inä̧tü̧: —Tu̧ru̧wa̧, chupinü̧ yaparewinü̧mä̧, ji̧nä̧ pi̧jä̧nä̧ ü̧jä̧i̧mä̧ wäbodäkuä mo̧ro̧ päi'omȩnä̧ tto̧dä̧chä̧kua̧sä̧ pä'inü̧ ji̧nü̧, amükuädätüjä̧.

San Lucas 16:26

Suro jua̧u̧tä̧mä̧kü̧ ja̧'a̧, ji̧yȩtȩ ukuturu'i̧nä̧, ujuturu'i̧nä̧ tto̧ȩpä̧rü̧ kka̧'a̧; ja̧'wa̧nü̧ ja̧'a̧ttü̧ jua̧dä̧ttü̧mä̧ ttüjü'ka'anä̧ poku 'kuäkuo'ätuku juiyünä̧tä̧ ja̧'wa̧ta̧nü̧ pa̧nä̧ttü̧dä̧jä̧ jua'aku 'kuäto'ü juiyünä̧tä̧.