San Lucas 16:2 - Nuevo Testamento Uwotjüja

² Jua̧u̧ ä̧ju̧ku̧ u̧ru̧wa̧mä̧ wopo'ü jä'epü ä̧ju̧kui̧nä̧ku̧: ¿Däjé jittäwättü̧, yojamä̧, uku kutü'kümä̧? Kuäditä'ijü jo̧mȩnü̧ jȩpü̧ ji'äwittü, täkü ttü chu̧mü̧wä̧ya̧ jü̧nä̧ kuadita pä'ümä̧ jui̧'a̧jä̧.

TÄ̧DO Ä̧CUÄ̧ I̧HUȨNȨ

² Ja̧'hua̧nö̧ ja̧'a̧ ru̧hua̧ ja̧u̧ru̧ huopö päinäcudo: “¿Däjehuä jä̧ ja̧u̧mä̧ ucu jȩcu̧'u̧ ttörö jittäumä? Cuaditähuä huȩyu̧tu̧ iyittö. Täcö chippeyä ru̧hua̧ huocö cuä̧cua̧jä̧.”

San Lucas 16:2 Referans Kwoze

Apocalipsis 20:12

Ja̧'wa̧nü̧ ja̧'a̧ topinü̧sä̧ wa'ü ikuinä̧tü̧rü̧'i̧nä̧, tä̧mü̧rü̧'i̧nä̧, ppo̧'ä̧tü̧rü̧'i̧nä̧, ruwo dȩä̧kä̧ ä'ka jo̧mȩ ttü̧ja̧kua̧'a̧; kuyäru o'tä bawekuächina̧'a̧, ja̧'wa̧ta̧nü̧ kkoro'tä, kkä̧kuä̧wä̧ kuyäru'tä'i̧nä̧ bawekuächina̧'a̧. Wa'inä̧tü̧mä̧ jȩtti̧nü̧'a̧kuä̧ päwi'inä̧u̧, jua̧u̧ kuyäru o'tänä̧ pä'ü rütäwuö'akuä.

1 Pedro 4:10

Yotükupünä̧ Dio mipponä̧ iyü kuȩmi̧nä̧tu̧ku̧mä̧, kkorotüku ppä'ädü aditätukui adiunä̧ juȩ'ȩpä̧rü̧ adikuä isotü jü̧nä̧.

1 Pedro 4:5

Ja̧'wa̧nü̧ ja̧'a̧nä̧ a̧'kua̧rä̧tü̧rü̧'i̧nä̧, 'korujuo'ächinä̧tü̧rü̧'i̧nä̧ ü'ojo'a pä'ü jo̧mȩnü̧ jȩpü̧ kku̧nä̧wo̧mȩttü̧ jȩtti̧nü̧mä̧ tti̧jȩpä̧kuo̧tü̧.

1 Timoteo 5:24

Yotukunä̧ surojü jȩttü̧mä̧ ro̧ttȩpä̧kua̧'a̧ ä'kanä̧ wäjuönä̧ tottünä̧ i̧jȩkua̧'a̧, ja̧'wa̧nü̧ ja̧'a̧nä̧ kkoronü̧mä̧ täkü rekuo mo̧ro̧ o'ka'atä i̧jȩkuä̧cha̧'a̧.

1 Timoteo 4:14

Jȩ'ku̧'a̧nü̧ ukunä̧ kka̧ku̧nä̧mä̧ aditi, Dio ukuokuomȩnä̧, igresia-ttü a̧ci̧a̧nu̧ wotü kunä̧ mȩ'ü̧ ttukuokuomȩnä̧ Dio iyinü̧mä̧.

2 Corintios 5:10

Isopäi'ünä̧ o'katoi'ünä̧tä̧ ujutumä̧ Crito ä'ka jo̧mȩ (tribunal) pättomȩ ti̧'chi̧'ä̧kuo̧tü̧jä̧; pi̧jä̧ttü̧ ttidepänä̧ ttü̧jä̧i̧ adiunä̧ jȩti̧na̧ja̧ pä'ü'i̧nä̧, surojü jȩti̧na̧ja̧ pä'ü'i̧nä̧, jua̧u̧ mikuä tȩma̧ pä'ü iyomȩ.

1 Corintios 4:5

Ja̧'wa̧nü̧ ja̧'a̧ttü̧, ji̧nä̧ ä'kanä̧mä̧ jȩttä̧'i̧jü̧ wȩnȩmä̧ päkuätukuä, Tu̧ru̧wa̧ ichomȩnä̧tä̧ jiäwä̧kua̧ uwäwokü'i̧nä̧ ja̧'wa̧ta̧nü̧ jakuänä̧ tȩnä̧rü̧'i̧nä̧, jü̧nä̧. Ja̧'wa̧nü̧ jo̧mȩnä̧ yotukunä̧rü̧ jȩtti̧nü̧'a̧kuä̧ Dio-mä̧ ȩsȩwä̧kuä̧u̧.

1 Corintios 4:2

Ja̧'wa̧nü̧ ja̧'a̧ttü̧, adikuä 'chu̧'ä̧rä̧tü̧rü̧mä̧, ttaditäwä jȩpü̧ ttü̧ja̧ pä'ütä ja̧'a̧.

1 Corintios 1:11

Pi̧yȩmä̧ pä'üsä chawaruwä chi̧jä̧wa̧tü̧, ukutu rü̧ȩnä̧ pä'ä'chäkuäu ku̧ja̧kuä̧tu̧kua̧'a̧, Cloé i̧tti̧mü̧ttü̧ ä̧ju̧kuä̧ji̧'ka̧.

Romanos 14:12

Ja̧'wa̧nü̧ ja̧'a̧ttü̧, ujutumä̧ o'katoi'ünä̧ ti̧jȩkuä̧kuo̧tü̧jä̧, Dio-rü; Chutä päatü pä'ü.

San Lucas 12:42

Päiyäku Jesú-mä̧ ädätinä̧ku̧: ¿Dí ja̧'a̧jä̧ttü̧ ukututtü u̧ru̧wa̧ iäre adiu wo̧juȩku̧nä̧ tta̧wä̧ra̧ pä'ü u̧ju̧nä̧kua̧mä̧, jua̧u̧ ichomȩnä̧ aditäwä jä̧jí̧ i̧mi̧tarü pä'ü?

San Lucas 12:20

Ja̧'wa̧nü̧ ja̧'a̧nä̧, Dio-mä̧ pä̧kua̧: «Kuamükuädü jui̧'a̧jä̧, pi̧yȩtä̧ yodó 'korupäkui'ä'kua'anä̧, uku wa'adü ku̧ju̧nä̧'i̧jü̧mä̧ ¿dí iare jä̧kua̧'a̧jä̧ttü̧?

San Mateo 12:36

Ja̧'wa̧nü̧ ja̧'a̧ttü̧ ukuturu pä'üsä, pojokuä mo̧ro̧ rüjí mo̧ro̧ päi'omȩnä̧mä̧ o'kajuiyünä̧tä̧ ja̧'a̧tä̧ ttukuokuä'ijümä̧ i̧jȩkuä̧kua̧'a̧.

San Mateo 20:8

Täkü, yodó juomȩnä̧ uwa pätta u̧ru̧wa̧mä̧ adikuä isotü ttu̧ru̧wa̧rü̧ pä'inü̧: Adikuä ttü̧ja̧rü̧ wopo'ü mi̧tä̧ri̧, ä̧kuo̧mȩnä̧mä̧ rüjinä̧ kka̧kuä̧mä̧jä̧tü̧ttü̧ kkä̧mä̧dü̧, jua̧u̧nü̧ o'ka'a rüjí ja̧'a̧ku̧mä̧ ä'kanä̧ kka̧kuä̧mä̧jä̧tü̧bü kä'ädü.

San Lucas 16:1

Ja̧'wa̧ta̧nü̧ Jesú-mä̧ u̧wo̧juȩtä̧u̧rü ji'äwinü̧: ya̧tȩ pärätä ru̧wa̧ üäre tta̧'ä̧rü̧rü̧ kku̧nä̧ri̧nü̧; ja̧'wa̧nü̧ ja̧'a̧, jua̧u̧ u̧mü̧wä̧ya̧mä̧, u̧ru̧wa̧ iäre pärätä surojuoepa'a jittäwinä̧ku̧.

San Lucas 16:3

Päku, u̧ru̧wa̧ üäre adikuä i̧sa̧ päjimä̧ amükuädinü̧: ¿Däjé jȩcha̧'a̧jó, chu̧ru̧wa̧ chaditäwättü rä'epü ikua'amä̧? kuäwä chu̧ju̧na̧ pä'ü'i̧nä̧ chujuru juiya'amä̧, ja̧'wa̧ta̧nü̧ jä̧dȩpä̧ra̧ pä'ü'i̧nä̧ dä'ärü̧ja̧'a̧mä̧.