San Lucas 15:24 - Nuevo Testamento Uwotjüja

²⁴ Isopäi'ünä̧ pide chi̧tti̧mä̧, 'korujuoächina̧'a̧nä̧, tto'ächäji ja̧'a̧; ja̧'wa̧ta̧nü̧ ire'tewächina̧'a̧nä̧ tü̧'o̧kui̧'ä̧jä̧ku̧ ja̧'a̧. Ja̧'wa̧nü̧ päja'a, pä'käri kku̧nu̧ eseäkuäwinä̧tü̧.

TÄ̧DO Ä̧CUÄ̧ I̧HUȨNȨ

²⁴ Pide ttö chi̧tti̧ 'corupä'i'inö'ca̧, pä'äji ta'anö kö̧. Re'tehuächinö'ca̧, pä'äji ta'anö tö̧'o̧cui̧'ä̧cu̧.” Ja̧'hua̧nö̧ pä'ö ttu̧cuȩ eseunu cuinätödo.

San Lucas 15:24 Referans Kwoze

Efesios 2:5

surojünä̧ kkä̧nü̧ wa'ü ikuinä̧tü̧ ta'anä̧, Crito-ku yo̧mȩtȩnä̧ ta̧'kua̧rü̧ iyinä̧u̧jä̧ (mikuä juiyünä̧ surojüttümä̧ kka̧kui̧pi̧nä̧tü̧jä̧),

Colosenses 2:13

Ukutumä̧, kko̧ro̧nü̧ pä̧nä̧mä̧, surojü jȩ'kuä̧tu̧ku̧ jäwänä̧ 'korujuo'ächinä̧tü̧ pinä̧tü̧jä̧ jua'amä̧ suronä̧ jȩ'kuä̧tu̧ku̧ 'kȩkui̧pä̧chä̧tu̧kuo̧ko̧mȩnä̧; ja̧'wa̧nü̧ ji̧na̧'a̧nä̧ Dio jitämä̧ Crito-ku ji̧nä̧ yo̧mȩtȩnä̧ kua̧'kua̧ru̧tu̧ku̧ iyinä̧u̧jä̧, jua̧u̧tä̧ ji̧na̧'a̧ o'kajuiyünä̧ suronä̧ jȩtü̧ jȩpo̧ko̧tü̧rü̧ 'kua̧rü̧nä̧ esekuinü̧mä̧.

San Lucas 19:10

Isopäi'ünä̧ ttü ubo I̧tti̧mä̧, to'e'ächinä̧tü̧rü̧ ȩmü̧ ichü kkä̧nü̧, ra̧wä̧pi̧jü̧ttü̧'i̧nä̧ rä'epü iku ichinü̧sä̧.

Efesios 2:1

Ä'kojimä̧, ukutumä̧ wa'ü ikuinä̧tü̧tä̧ winä̧tü̧jä̧, surojü jȩpü̧ ku̧ja̧kuä̧tu̧kuo̧mȩnä̧;

San Lucas 15:4

¿Ditä ja̧'a̧jä̧ttü̧ ukututtü ya̧tȩ ciȩnü̧ oweja-tü̧rü̧ u̧ju̧nä̧ra̧'a̧ juätüttü ya̧tȩ toepomȩnä̧, juätürütä kku̧ni̧pü̧, to'epürü de'iyura̧'a̧ ü̧'o̧kui̧'o̧mȩbü päi'ünä̧ usú 'cho̧kü̧mä̧?

San Lucas 15:32

Ja̧'wa̧nü̧ ja̧'a̧nä̧ kui̧jä̧wa̧rü̧mä̧ pä'käri jȩpü̧ tesewa pä'ü ja̧'a̧, jua̧u̧mä̧ 'korujuoächina̧'a̧nä̧, ttoächäja'attü̧; ja̧'wa̧ta̧nü̧ to'e'ächinü̧rü̧ tü̧'o̧kui̧'ä̧ja̧'a̧ttü̧.

Romanos 6:11

Ukutu'i̧nä̧ ja̧'wa̧ta̧nü̧ amükuädü kka̧kuä̧tu̧kui̧, ukuotäkuäwokü surojümä̧ wa'ü ikuinü̧ jü̧nä̧tä̧, jitä ku̧ja̧kuä̧tu̧ku̧mä̧ Dio eseunü̧tä̧ kka̧kuä̧tu̧kui̧ Crito Jesú-nä̧.

Romanos 8:2

Isopäi'ünä̧ Epíritu weäwä wȩnȩ, Crito Jesú-nä̧ tta̧'kua̧rü̧ iyümä̧, ukuotäkuäwokü weü wȩnȩttü̧'i̧nä̧, wa'arettü'i̧nä̧ rä'epü ikuinä̧ku̧sä̧.

Romanos 12:15

Eseäkuäwätuku, esewätukui; ja̧'wa̧ta̧nü̧ ajuäkuäwätukumä̧, ajuäwätukui.

San Juan 11:25

Päjiyäku, Jesú-mä̧ päinä̧kua̧: —Ttütäsä tta̧'kua̧rü̧ ttoädäkuäwä i̧sa̧mä̧, ttütäsä tta̧'kua̧rü̧mä̧. Ttürü esetümä̧ 'korujuoächaja pä'ü'i̧nä̧, pä'äjita'anü̧ ü̧jä̧kua̧.

Efesios 5:14

Ja̧'wa̧nü̧ ja̧'a̧ttü̧ pä'a: Ukú ä'ümä̧, porächi'i; ja̧'wa̧ta̧nü̧ wa'ü ikuinä̧tü̧ttü̧ ä̧rä̧mi̧'i̧, ja̧'wa̧nü̧ jȩ'kuo̧mȩnä̧ Crito i̧tȩjä̧dä̧kua̧jä̧.

1 Corintios 12:26

Ja̧'wa̧nü̧ jü̧ta̧'a̧nü̧ ja̧'a̧, ji̧yȩtȩ jua̧u̧nä̧ todewäji usurä ȩmä̧wo̧mȩnä̧mä̧, o'kajuiyünä̧ jua̧u̧ttü̧ todeumä̧ usurä ȩmä̧wa̧'a̧ ja̧'wa̧ta̧nü̧ ji̧yȩtȩ jua̧u̧ttü̧ todeunä̧ adiwä juei 'kuäopomȩnä̧mä̧, o'kajuiyünä̧ adiunä̧tä̧ ja̧'a̧.

1 Timoteo 5:6

Ja̧'wa̧nü̧ ja̧'a̧nä̧ rekua kkidepä kkü'kekunä̧ kkä̧ju̧mä̧, kka̧'kua̧rü̧mä̧ to'e'ächäju.

Romanos 11:15

Ja̧'wa̧nü̧ judío-rü rä'epü ikuomȩnä̧mä̧ pi̧jä̧ ttü̧ja̧mä̧ esekuäkuäwinä̧tü̧ Dio-ku ¿ja̧'wa̧nü̧ ji̧na̧'a̧mä̧ däjetä ttȩmä̧kua̧'a̧jä̧ttü̧? ¡Däjé pättokü wa'ü ikuipü'kotü a̧'kua̧ri̧'ä̧kuä̧wä̧ ttȩmä̧kuo̧tü̧!

Romanos 6:13

Ja̧'wa̧ta̧nü̧ surojüra̧'a̧ku̧ oipa'anä̧mä̧ kuiyäwätukuä. Ja̧'wa̧nü̧ ja̧jü̧ jueimä̧, wa'ü ikui'ü'kotü tto'ächätü jü̧nä̧tä̧ Dio-rümä̧ iyäwätukui, adiwä juei ukuotätü jü̧nä̧tä̧.

San Juan 5:21

Isopäi'ünä̧ Jä'omä̧ wa'inä̧tü̧rü̧ tto'ädü, tta̧'kua̧rü̧ iyüta'anü̧; I̧tti̧'i̧nä̧ tta̧'kua̧rü̧ iya pä̧u̧ru̧mä̧ iyü.

San Marcos 8:22

Jua̧u̧nü̧ o'ka'a Betsaida ütawiyära̧'a̧ ichi'äji'ka̧ ü̧ja̧'a̧, ä̧to̧ka̧rü̧ Jesú ü̧jo̧mȩku̧ i'chächipü mȩi̧ya̧tü̧ pä'ü ajuäkuäunü̧ jä'epinä̧tü̧.

Apocalipsis 3:1

«Sadira̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: Epíritu-tu̧ kko̧ro̧mü̧ttü̧nü̧ ta̧ju̧ wotü Dio isotürü kku̧nä̧rü̧mä̧ ja̧'wa̧ta̧nü̧ kko̧ro̧mü̧ttü̧nü̧ ta̧ju̧ si̧ri̧'kü̧rü̧ kku̧nä̧rü̧mä̧ pa̧'a̧nü̧ pä'ü: Kuaditäwämä̧ o'kajuiyünä̧ wo̧jua̧sä̧, kui̧mi̧mä̧ a̧'kua̧rä̧tü̧ 'kua̧rü̧nä̧ kukuowa'anä̧ wa'ü kuikuina̧'a̧tä̧ wa̧jä̧.

Judas 1:12

Juätü eseu jȩpä̧tü̧jä̧ pä'ü jȩttü̧ pä'kärimä̧ dä'ä ttuäwätä ja̧'a̧, jua'amä̧ ttu̧kuȩ kuä̧nü̧'i̧nä̧, au'i̧nä̧ ttukuotäkuäwoka'a jȩtta̧'a̧ttü̧. Juätümä̧ tturuwotü ja̧'a̧nä̧, tta̧mü̧nä̧ jäwätä a̧mü̧kuä̧rü̧ jȩpä̧tü̧. Juätümä̧ kkä̧rü̧'koppa ajiya juiyoppa jä̧'i̧nü̧'a̧nü̧ kkoromȩ, kkoromȩnü̧ kuȩä̧dä̧u̧. Ja̧'wa̧ta̧nü̧ Dauwiyä u̧wä̧ju̧ wȩjo̧kü̧ oi jä̧'i̧nü̧'a̧nü̧ wotü, ujukäkiyä ke'opü ikuäwä jä̧'i̧nü̧'a̧nü̧ wa'ü ikuinä̧tü̧.

San Lucas 10:19

Ukuturu kujurutuku iyüsä, kkorottü'i̧nä̧ abonä̧nü̧mä̧ kua̧bo̧i̧ya̧tu̧ku̧ ujuru abo 'kuä'o'ü, ä̧ka̧tü̧rü̧'i̧nä̧, i̧di̧yu̧tu̧ru̧'i̧nä̧ kkȩdü̧ kuikuätukua pä'ü. Ja̧'wa̧ta̧nü̧ kkoro juei'i̧nä̧ surojuoepo̧ko̧u̧ kuäkuotüjä̧.

San Mateo 8:22

Päku, Jesú-mä̧ ädätinä̧ku̧: —Wä̧i̧nä̧ wa'inä̧tü̧tä̧, ttuwaparemä̧ ttu'tura'anä̧ ja̧'a̧tä̧ topi, ukumä̧ cho'ka'anä̧tä̧ ichi.

San Lucas 9:60

Päku, Jesú-mä̧ päinä̧ku̧: —Wä̧i̧nä̧ wa'inä̧tü̧tä̧, ttuwaparemä̧ ttu'tura'anä̧ ja̧'a̧tä̧ topi. Ja̧'wa̧nü̧ ja̧'a̧nä̧ ukumä̧ ru̧wa̧ Dio weü wȩnȩtä̧ ji'äwäji.

San Lucas 15:23

Ja̧'wa̧ta̧nü̧ päkäyä mü̧ä̧ya̧rü̧ bä̧rȩpa̧ttü̧ kuä'ätukui, pä'käri jȩpü̧ teseäkuäwätukua.

San Lucas 15:25

Ja̧'wa̧nü̧ 'kuäopa'anä̧ i̧tti̧ ä̧kuo̧mȩnä̧ ru̧wa̧mä̧, pättara̧'a̧ kkä̧ji̧'ka̧ isode tü'künä̧nü̧ ichi'ü ä̧ju̧kuo̧mȩnä̧, baira tütta'a música ukuokuina̧'a̧.