San Lucas 14:26 - Nuevo Testamento Uwotjüja

²⁶ Yotüte ttüku tticha'anä̧, jä'orü'i̧nä̧, ja̧ju̧ru̧'i̧nä̧, irekuarü'i̧nä̧, i̧tti̧mü̧rü̧'i̧nä̧, u̧bü̧o̧tü̧rü̧'i̧nä̧, ü̧jä̧wa̧tü̧rü̧'i̧nä̧ ja̧'wa̧ta̧nü̧ chutä a̧mü̧nä̧ pa̧ja̧tü̧'i̧nä̧, Ttüttü abonä̧nü̧ repeüttümä̧, Ttü chu̧mü̧wä̧ya̧mä̧ pä'i'okü jä̧kua̧.

TÄ̧DO Ä̧CUÄ̧ I̧HUȨNȨ

²⁶ —Ya̧tȩ ttöcu ichömä, jä'orö'inä, ja̧ju̧ru̧'i̧nä̧, esehuomettö'inä abonänö ȩsȩhuä̧cua̧ ttörö. Ja̧'hua̧ta̧nö̧ irecuarö'inä, i̧tti̧mö̧rö̧'i̧nä̧ esehuomettö'inä abonänö ȩsȩhuä̧cua̧ ttörö. Ja̧'hua̧ta̧nö̧ u̧bö̧o̧tö̧rö̧'i̧nä̧, ö̧jä̧hua̧tö̧rö̧'i̧nä̧ esehuomettö'inä abonänö ȩsȩhuä̧cua̧ ttörö. Ja̧'hua̧ta̧nö̧ chutä ö̧jö̧ttö̧ esehuomettö'inä abonänö ȩsȩhuä̧cua̧ ttörö. Ja̧'hua̧nö̧ jȩö̧ juiyöttömä, chu̧huo̧juȩtä̧cu̧ pä'i'ocö.

San Lucas 14:26 Referans Kwoze

San Mateo 10:37

Jä'orü'i̧nä̧, ja̧ju̧ru̧'i̧nä̧ ttüttü abonä̧nü̧ eseu repeüttümä̧, ttü i̧sa̧mä̧ pä'i'okü; i̧tti̧rü̧'i̧nä̧, ittijuru'i̧nä̧ ttüttü abonä̧nü̧ eseu repeüttümä̧, ttü i̧sa̧mä̧ wokü jä̧kua̧;

San Juan 12:25

A̧'kua̧rü̧ repe'äkuäumä̧, toe'ächä̧kua̧; ja̧'wa̧nü̧ ja̧'a̧nä̧, pi̧jä̧ttü̧ a̧'kua̧rü̧ repe'äkuäwokümä̧, kkä̧kuä̧wä̧ i'kora̧'a̧ wa'adü kku̧nu̧.

Filipenses 3:8

Juȩnȩ yabo päi'ünä̧, o'kajuiyünä̧tä̧ toe'ächü jäwä ja̧'a̧, Chu̧ru̧wa̧ Crito-rü wo̧juä̧wä̧ mikuäu wȩnȩku̧ yorätetü tochomȩnä̧mä̧. Jua̧u̧ku̧ pä'i'ümä̧ o'kajuiyünä̧tä̧ to'e'ächinü̧sä̧, jua̧u̧ ji̧nü̧mä̧ ikuikuä o'ko jü̧nä̧tä̧ tochü, Crito-rü chi̧rȩbȩwa̧ pä'ümä̧.

Hechos 20:24

Ja̧'wa̧nü̧ ja̧'a̧nä̧, cha̧'kua̧rü̧mä̧ ukuo te'äwoküsä, Chu̧ru̧wa̧ttü̧ chȩmi̧nü̧ chaditäwä, eseunu̧ kädäda pä'ütä amükuädüsä, Dio rettü iyinü jareü wȩnȩ ji'äunu̧.

Apocalipsis 12:11

Ja̧'wa̧ta̧nü̧ tawaruwä ti̧jä̧wa̧tü̧mä̧ abó 'kuätto'inä̧ku̧, oweja mü̧ä̧ya̧ jü̧nä̧ wa̧ ukuoja erinoyanä̧ ja̧'wa̧ta̧nü̧ jittäwinü̧ wȩnȩnä̧; wa'ü ttikua'anä̧'i̧nä̧, ye'ekuokotü pinä̧tü̧, jua'a yaboku, wä̧i̧nä̧ wa'ü ttikuatä pä'inä̧tü̧.

Romanos 9:13

Ja̧'wa̧ta̧nü̧ Wȩyu̧kui̧na̧'a̧: «Jaco-rütä chesewa'anä̧, Esaú-rumä̧ esewokü pinü̧sä̧,» jü̧nä̧.

San Lucas 14:25

Ttü̧ja̧ rekuätü, Chutäku 'chä̧tü̧rü̧ kkärächi'ü pä'inü̧:

San Lucas 14:20

Ja̧'wa̧ta̧nü̧ kka̧ra̧mä̧ pä'inü̧: Jareünä̧ chirekuarü chȩmä̧ja̧'a̧ chichü juiyünä̧ jä̧ku̧sä̧.