San Lucas 13:24 - Nuevo Testamento Uwotjüja

²⁴ Kujuruku amükuädätukui äpate a̧'u̧kuatenä̧ dode'kuätukua; isopäi'ünä̧ rekuätü dodetta pä'ü jȩtta̧'a̧nä̧, dodepokotü ttäkuotü.

TÄ̧DO Ä̧CUÄ̧ I̧HUȨNȨ

²⁴ —Äpate ji̧'qui̧cha̧jatenä do'ächätucui. Ttö pädä̧u̧jä̧, recuätö dottächa pätta'anä, dottächö juiyönä jä̧cuo̧tö̧.

San Lucas 13:24 Referans Kwoze

2 Pedro 1:10

Ja̧'wa̧nü̧ ja̧'a̧ttü̧, chi̧jä̧wa̧tü̧, täkü Dio-mä̧ wopü pojopü ȩmi̧nä̧u̧jä̧ aditü 'kiyünä̧ kka̧kuä̧tu̧kui̧, ja̧'wa̧nü̧ jȩ'kuä̧tu̧ku̧ttü̧mä̧ yoriso ma̧'ä̧cho̧ko̧tü̧ kuäkuotüjä̧.

Hebreos 4:11

Ja̧'wa̧nü̧ ja̧'a̧ttü̧, kujuruku amükuädätukui juȩnȩ 'kuä'ächi'ü kkä̧kuä̧wo̧mȩ dode'kuätukua, ya̧tȩ'i̧nä̧ ukuotokotü pinä̧tü̧ jȩtti̧nü̧nä̧ jȩpü̧ i̧'chü̧ juiyäkua'anü̧.

San Lucas 21:36

Ja̧'wa̧nü̧ ja̧'a̧ttü̧, kuä'i'oka'a 'kuäopünä̧ Dio-rü ukuokui, pi̧yȩ 'kuäopä̧kuȩttü̧ kujuruku kki̧'i̧pü̧, ubo I̧tti̧ ä'ka jo̧mȩ kui̧jȩkuä̧kua̧'a̧nü̧.

San Juan 6:27

Ku̧kuȩtu̧ku̧ beipächünä̧mä̧ kuaditätukuä, jua̧u̧ ja̧jü̧jueimä̧ kuäkuäwä beipächokü, kkä̧kuä̧wä̧ i'ko iyinü̧tä̧ aditätukui. Ja̧'wa̧nü̧ jü̧ ja̧'a̧, kuäkuäwä ubo I̧tti̧ ukuturu i̧yä̧kuȩmä̧, isopäi'ünä̧ Jua̧u̧nä̧ pätetü u̧ju̧ni̧na̧'a̧ttü̧, Jä'o Dio-mä̧.

Romanos 10:3

Wo̧jui̧'o̧ko̧tü̧ Dio-mä̧ su̧ro̧pa̧rü̧'i̧nä̧ adiwä i̧sa̧ päi'ünä̧ jȩpü̧ päümä̧. Ja̧'wa̧nü̧ ja̧'a̧ttü̧ kkoro jueitä jȩtta̧ pä'ü amükuädinä̧tü̧ Dio ȩma̧tü̧ pä'ümä̧. Isopäi'ünä̧ ja̧'wa̧nü̧ jȩpü̧ Dio ȩma̧ pä'ü amükuädina̧'a̧ku̧mä̧ ya'okuinä̧tü̧.

Colosenses 1:29

Jua̧u̧ ja̧'a̧tȩ'ü̧ usurä ȩmä̧u̧sä̧, Crito ujurunä̧, chutä chujuru iya'anä̧.

San Juan 7:34

Kusätukua'anä̧, ku̧'o̧kui̧'ä̧tu̧kuo̧ko̧ku̧ chä̧kua̧sä̧, ttü chi̧'cho̧mȩmä̧, kuichätuku juiyünä̧ ja̧'a̧ttü̧.

San Juan 8:21

Jesú-mä̧ pä'äjita'anü̧ päinä̧u̧: —Ttümä̧ i̧u̧sä̧, chi̧u̧ o'ka'a kusätukuä̧kua̧sä̧, kusätukua'anä̧, surojünä̧tä̧ wa'ü kuikuäkuotüjä̧. Ttü chi̧'cha̧'a̧mä̧, kuichätuku juiyünä̧ ja̧'a̧.

San Mateo 11:12

Bautizo jȩä̧kuä̧wä̧ i̧sa̧, Ju̧a̧ ichino̧mȩttü̧ kkä̧mä̧dü̧ jitä pi̧yȩ mo̧ro̧bü päi'ünä̧, mo̧ro̧jä̧ jäwä weomȩmä̧ rowäkuäwätä kka̧'a̧ ja̧'wa̧ta̧nü̧ rowäkuäwä juruwätütä jua̧u̧mä̧ 'cho'ipätü.

San Juan 13:33

Chi̧tti̧mü̧, ukutukumä̧ a̧'u̧kua̧'a̧tä̧ chü̧jä̧kua̧sä̧. Ttürümä̧ kusätukua'anä̧, judío-rü pädinü̧ta̧'a̧nü̧ pädäu̧jä̧: Ttü chi̧'cha̧'a̧mä̧ ichokotü kuäkuotüjä̧.

San Lucas 13:23

Ja̧'wa̧nü̧ ja̧'a̧ ya̧tȩ jä'epü ä̧ju̧kui̧nä̧ku̧: —Chu̧ru̧wa̧, ¿a̧'u̧ku̧nä̧ wotütä ja̧'a̧, ra̧wä̧pi̧jü̧ttü̧ ttü̧ja̧kui̧'ä̧kuo̧tü̧mä̧? Päomȩnä̧, Jesú-mä̧ ädätinü̧:

San Juan 5:4

Ja̧'wa̧nü̧ ja̧'a̧, ya̧tȩ á̧gȩ, juo'ta ajiya akuo'tanä̧ mȩyȩwi̧'ü̧ kko̧ro̧nü̧ jü̧ta̧'a̧nü̧ yubäti'enü; ja̧'wa̧nü̧ yubä päi'omȩnä̧, ä'kanä̧ ma̧'ä̧chü̧tä̧ ji̧'ȩna̧'a̧ umäricheittü pi̧'i̧pü̧mä̧, kkorojuei mä̧richei na̧wä̧cha̧ja̧ pä'ü'i̧nä̧.]