San Lucas 13:14 - Nuevo Testamento Uwotjüja

¹⁴ Ja̧'wa̧nü̧ Jesú-mä̧ Sawaru mo̧ro̧ aditü ikua'a topü, sinagoga isode u̧ru̧wa̧mä̧ ra̧wä̧ri̧pü̧ ttü̧ja̧rü̧ pä'inü̧: —Kko̧ro̧mü̧ttü̧nü̧ ya'ute mo̧ro̧ jo̧mȩnä̧ kka̧'a̧ adikuä mo̧ro̧mä̧; jua̧u̧nü̧ mo̧ro̧tä̧ ichätukui, ja̧'wa̧nü̧ ja̧'a̧nä̧ Sawaru mo̧ro̧mä̧ aditü ttikuätukuaku pä'ümä̧ kuichätukuä.

TÄ̧DO Ä̧CUÄ̧ I̧HUȨNȨ

¹⁴ Ja̧'hua̧nö̧ ja̧'a̧ judíos ttu̧huo̧jui̧'i̧node ru̧hua̧ ra̧huä̧ri̧pi̧nö̧do, Jesús ttö̧ja̧ 'cuättächi'ö mo̧ro̧ aditö icuäjiyäcu. Ja̧'hua̧nö̧ ja̧'a̧ pä'inödo ttö̧ja̧rö̧: —Ko̧ro̧mö̧ttö̧nö̧ ya'ute mo̧ro̧ ka̧'a̧ adicuä mo̧ro̧mä̧. Ja̧u̧nu̧ mo̧ro̧ cuichätucu'a̧nö̧ ja̧'a̧ aditö cuicuätucua pä'ö, ttö̧ja̧ 'cuättächi'ö mo̧ro̧mä̧cö̧.

San Lucas 13:14 Referans Kwoze

San Mateo 12:2

Ja̧'wa̧nü̧ ttukua'a topü fariseo wotümä̧ Jesú-ru pä'inä̧tü̧: —Topittü̧, ku̧wo̧juȩtä̧u̧mä̧ sawaru mo̧ro̧ jȩä̧kuä̧wo̧kü̧ jä̧'i̧jü̧ jȩpä̧tü̧.

San Lucas 6:7

Ja̧'wa̧nü̧ ja̧'a̧, weäwä wȩnȩ wo̧juȩkuä̧ isotü'i̧nä̧ ja̧'wa̧ta̧nü̧ fariseo wotü'i̧nä̧, Jesú-ru to̧pä̧ri̧nä̧tü̧ sawaru mo̧ro̧ jua̧u̧ru̧ aditü ikuaja ja̧ pä'ü, ji̧yȩnä̧tä̧ suronä̧ kkorotürü jittäwa pä'ü.

San Lucas 8:41

Ja̧'wa̧nü̧ ja̧'a̧, Jairo pä'ü mi̧kua̧, sinagoga isode u̧ru̧wa̧ ichi'ü, Jesú ü̧jä̧pü̧ jo̧mȩ ma̧'ä̧mü̧ ojusodenä̧ doächiyarü pä'ü ajuäkuäwinä̧ku̧.

San Marcos 5:22

Ja̧'wa̧nü̧ ü̧ja̧'a̧, ya̧tȩ, sinagoga u̧ru̧wa̧, Jairo pä'ü mi̧kua̧ ichi'inü̧. Jua̧u̧mä̧ Jesú-ru topo'ü, ü̧jä̧pü̧ jo̧mȩ iwe'kiyunä̧ pä̧mä̧dü̧,

Romanos 10:2

Wo̧jua̧sä̧ Dio-rü rü̧ȩnä̧ ukuo te'äwätü pä'ümä̧ ja̧'wa̧nü̧ ja̧'a̧nä̧ isopäi'ünä̧mä̧ jo̧mȩnü̧mä̧ ttu̧wo̧juo̧ka̧'a̧tä̧ wotü.

Hechos 18:17

Ja̧'wa̧nü̧ ja̧'a̧ sinagoga u̧ru̧wa̧ Sóstenes-rü̧ o'katoi'ünä̧ 'chu'ädo'ü, kuäkuäpü jȩpi̧nä̧tü̧, Tribunal isotü ttä'ka jo̧mȩttü̧; ja̧'wa̧nü̧ jȩtta̧'a̧nä̧ Galió̧-mä̧ ja̧'a̧tä̧ toinä̧u̧.

Hechos 18:8

Ja̧'wa̧nü̧ ja̧'a̧, Crispo pä'ü mi̧kua̧mä̧, sinagoga isode u̧ru̧wa̧ ja̧'a̧ ojusodenä̧ kka̧kuä̧tu̧ku̧ o'katoi'ünä̧ esetü ikuinü̧, Tu̧ru̧wa̧rü̧mä̧. Ja̧'wa̧ta̧nü̧ Corinto ttü̧ja̧'i̧nä̧ ä̧ju̧ku̧ rekuätü tteseta'a bautizo jȩtti̧nä̧u̧.

Hechos 13:15

Weäwä wȩnȩ'i̧nä̧, profeta-tü̧ wȩyu̧kuä̧'i̧nä̧ to̧pä̧rü̧ ttukuokuäji o'ka'a, sinagoga isode uruwotümä̧ jättepinä̧u̧: —Chawaruwä chi̧jä̧wa̧tü̧, ttü̧ja̧rü̧ jikuäwa päkuätuku kkü̧ttü̧mä̧ jitätä ji'äwätukui, pättinä̧u̧.

San Lucas 6:11

Ja̧'wa̧nü̧ ji̧yä̧u̧ kkorotümä̧ rü̧ȩnä̧ ra̧wä̧ri̧pü̧, Jesú-ru suronä̧ jȩtta̧ pä'ü jȩpü̧ kku̧nu̧ ukuokuäkuäwinä̧tü̧.