San Lucas 12:8 - Nuevo Testamento Uwotjüja

⁸ Ukuturu pä'üsä, ya̧tȩ ttü̧ja̧ ttä'ka jo̧mȩttü̧, ttüku icha'a ji'äurumä̧ ja̧'wa̧ta̧nü̧ ubo I̧tti̧'i̧nä̧ chutäku icha'a jiäwäkua̧, Dio umüwäyotü á̧gȩrȩ ttä'ka jo̧mȩttü̧;

TÄ̧DO Ä̧CUÄ̧ I̧HUȨNȨ

⁸ “Ttö pä'ösä ucuturu, o'ca toi'önä korotö ttä'ca jo̧mȩttö̧ ttörö adiu ucuocuätömä, jahuätörö adiu u̧cuo̧cuä̧cua̧ Ubo I̧tti̧ Dios umöhuäyotö ángeles ttä'ca jo̧mȩttö̧.

San Lucas 12:8 Referans Kwoze

1 Juan 2:23

O'katoi'ünä̧ I̧tti̧rü̧ ya'okuätümä̧, Jä'o Dio-rü'i̧nä̧ ya'okuätü; ja̧'wa̧nü̧ ja̧'a̧nä̧ I̧tti̧rü̧ esetätümä̧, Jä'orü'i̧nä̧ esetätü.

2 Timoteo 2:12

Usurä tȩmä̧u̧ ta̧mi̧ 'kitächi'üttümä̧, ujutu'i̧nä̧ chutäku ruwo wetäkuotü̧jä̧; Täppü̧tä̧rü̧ttü̧mä̧, chutä'i̧nä̧ ji̧yȩta̧'a̧kuä̧ ä̧ppü̧tä̧rä̧kuä̧u̧jä̧;

San Lucas 15:10

Isopäi'ünä̧ pä'üsä ukuturu, ja̧'wa̧nü̧ jü̧ta̧'a̧nü̧, ya̧tȩ suronä̧ jȩpü̧ ü̧jä̧'ijü̧ttü̧ kädi'omȩnä̧mä̧, Dio umüwäyotü A̧gȩrȩ-mä̧ eseäkuäwätü.

Apocalipsis 2:13

Ukú ku̧jo̧mȩmä̧ chu̧wo̧juä̧ku̧jä̧, äwettä uruwo dȩä̧kä̧nä̧ weomȩ ku̧ja̧'a̧mä̧. Ja̧'wa̧nü̧ ja̧'a̧nä̧ Ttü chi̧mi̧ 'kiyünä̧ 'chu̧'ä̧rä̧kuä̧u̧jä̧, ttürü ukuotürü Antipa-rü, kuä'ü ttikuinü̧ mo̧ro̧'i̧nä̧, 'kiyünä̧ kki̧nü̧jä̧, juȩnȩmä̧ satanás-mä̧ ü̧ja̧'a̧nä̧.

Apocalipsis 2:10

Usurä kuȩmä̧wä̧kuȩmä̧ yekuekuätukuä. Äwettämä̧ ukututtü yotüterü kärenä̧ra̧'a̧ 'chuttädünä̧ jȩä̧kua̧, kka̧kuä̧mü̧ toätukuaku pä'ü ja̧'wa̧ta̧nü̧ to̧mü̧rȩ mo̧ro̧ jo̧mȩnä̧ usurä kuȩmä̧wä̧kuo̧tü̧jä̧. Wa'ü kuikuomȩbü päi'ünä̧, kua̧mi̧ 'ki'ächi'ü kkä̧wi̧ ja̧'wa̧nü̧ jo̧mȩnä̧ a̧'kua̧rä̧kuä̧wä̧ premio pättü chi̧yä̧kua̧jä̧.

San Mateo 8:20

Päku, Jesú-mä̧ ädätinü̧: —A̧wa̧ri̧tü̧mä̧ ttäjuwiyä kku̧nä̧rä̧tü̧ ja̧'wa̧ta̧nü̧ ppi̧yu̧'i̧nä̧ ttä̧'ti̧yu̧ kku̧nä̧rä̧tü̧. Ja̧'wa̧nü̧ ja̧'a̧nä̧, ubo I̧tti̧mä̧ ä'ü ü̧jo̧mȩ'i̧nä̧ jui̧'a̧.