San Lucas 12:6 - Nuevo Testamento Uwotjüja

⁶ ¿Ppi̧yu̧ ji̧mü̧tȩ ruwärü, to̧bi̧rȩnä̧tä̧ pä'ü iyäwa'akü̧ pädä'ijä'ä? Ja̧'wa̧nü̧ ja̧'a̧nä̧, Dio-mä̧ juätüttümä̧, ya̧tȩrü̧'i̧nä̧ yoriso u̧ni̧chi'okü.

TÄ̧DO Ä̧CUÄ̧ I̧HUȨNȨ

⁶ “¿Iso päi'önä ppi̧yu̧ru̧mä̧ ji̧mö̧tȩ ruhuärö pärätä o̧bi̧ to̧bi̧rȩnä̧ iyähuoca'a tä̧ji̧? Ja̧'hua̧nö̧ ja̧'a̧nä̧ Diosmä unichi'ocö jahuätöttö ya̧tȩrö̧'i̧nä̧.

San Lucas 12:6 Referans Kwoze

San Lucas 12:24

Ppi̧yu̧ru̧ amükuädü topätukui: Kuäwämä̧ kku̧ni̧pü'kotümä̧, ka̧ka̧tü̧ i̧so̧ka̧nä̧ kku̧no̧ko̧tü̧ ja̧'a̧nä̧, Dio-mä̧ u̧kuä̧jȩ'ä̧u̧. ¿Ukutumä̧, juätüttü'i̧nä̧ abonä̧nü̧mä̧ mikuäwokotüjä̧ tä̧jí̧?

San Mateo 10:29

¿Ppi̧yu̧ ta̧ju̧nä̧mä̧, pä̧rä̧tä̧bi̧ ji̧bi̧tȩtä̧ mikuä pä'ü iyäwa'akü̧ pädä'ijä'ä? Ja̧'wa̧nü̧ ja̧'a̧nä̧ juätüttümä̧ ya̧tȩ'i̧nä̧ 'korujuo'ächokü Dio-rü pä̧wä̧rü̧jo̧ko̧mȩnämä̧.

San Lucas 12:27

Topätukui ä̧'u̧ oimä̧; aditü'i̧nä̧ aditokü ja̧'a̧nä̧, ü̧'ka̧tä̧wä̧ti̧yu̧'i̧nä̧ 'tü̧'o̧kü̧ ja̧'a̧nä̧ büó juoü. Ru̧wa̧ Salomón'i̧nä̧, rü̧ȩnä̧ uruwo kku̧nä̧rü̧ ja̧'a̧nä̧, jua̧u̧ jü̧'a̧nü̧mä̧ 'ka̧tä̧wo̧kü̧ pinü̧.

San Marcos 12:42

Ttȩno̧mȩ 'kä̧tȩnä̧, usurä isaju rekua, yajute ichi'ü, yo̧ka̧tȩnä̧ cobre o̧bi̧ to̧bi̧rȩ, a̧'u̧ku̧nä̧tä̧ mikuäu ȩni̧nä̧ju̧.