San Lucas 12:48 - Nuevo Testamento Uwotjüja

⁴⁸ Ja̧'wa̧nü̧ ja̧'a̧nä̧ jua̧u̧ u̧mü̧wä̧ya̧mä̧, ieruwäkuäwa'a jakuänä̧ ro̧ȩkuä̧kuä̧wä̧ jȩü̧ttü̧mä̧, a̧'u̧ku̧nä̧tä̧ kuäkuäpü ro̧ȩkuä̧kua̧; isopäi'ünä̧ o'katoi'ünä̧ rü̧ȩnä̧ iyäwi'ä̧u̧ru̧mä̧, rü̧ȩnä̧ jäekuäkua'a; ja̧'wa̧ta̧nü̧ rü̧ȩnä̧ iyü tta̧'kua̧ ttu̧wȩnä̧ri̧nä̧u̧ru̧mä̧, yaboku jäekuäkuotü.

TÄ̧DO Ä̧CUÄ̧ I̧HUȨNȨ

⁴⁸ Ja̧'hua̧nö̧ ja̧'a̧nä̧ adicuä i̧sa̧ jȩru̧pa̧rö̧mä̧, tä̧bo̧cuä̧ ichäcurumä, ja̧u̧ru̧mä̧ a̧'u̧cu̧nä̧tä̧ cuäcuäpäcuähua̧ jä̧cua̧. Rö̧ȩnä̧ ttiyäcumä, rö̧ȩnä̧ jä̧'ȩcua̧. Ja̧'hua̧ta̧nö̧ rö̧ȩnä̧ tta̧'cua̧ ttu̧huȩnä̧rä̧cu̧ru̧mä̧, rö̧ȩnä̧ yabonänö jä̧'ȩcua̧ jä̧cua̧, —pä'inödo Jesús.

San Lucas 12:48 Referans Kwoze

Santiago 3:1

Chawaruwä chü̧jä̧wa̧tü̧, ukututtü rekuätü wo̧juȩkuä̧ isotü jü̧nä̧mä̧ juokuätukuä, ja̧'wa̧ta̧nü̧ täkü wo̧juä̧tü̧jä̧ tu̧wo̧juȩtü̧nä̧tä̧ Dio-mä̧ kkorotüttü'i̧nä̧ abonä̧nü̧ ro̧ȩpä̧kuo̧tü̧jä̧ pä'ümä̧.

San Juan 15:22

Ttü ji'äu chichü juiyinü̧ttü̧mä̧, surojü jȩttü̧mä̧ wȩjo̧ko̧u̧ pa̧ja̧tü̧. Ja̧'wa̧nü̧ ja̧'a̧nä̧, jitä suronä̧ jȩttä̧'i̧jü̧ jȩpo̧ko̧tü̧jä̧ pätta pä'ümä̧ jui'ätü.

San Mateo 13:12

Ja̧'wa̧nü̧ ja̧'a̧ttü̧ kku̧nä̧rü̧rü̧mä̧, yabonü̧ iyäwäkua'a; rü̧ȩnä̧ u̧ju̧nä̧rü̧nä̧, ja̧'wa̧nü̧ ja̧'a̧nä̧ jui̧'a̧rü̧mä̧, a̧'u̧ku̧nä̧tä̧ u̧ju̧nä̧rü̧'i̧nä̧ 'choikuäkua'a.

1 Timoteo 1:13

ä'kojimä̧ churutä to'ija̧'a̧ku̧ suronä̧ ppädä'chia'anä̧, suronä̧ amükuädü chusina'a̧nä̧, ja̧'wa̧ta̧nü̧ suronä̧ wochina̧'a̧nä̧, Dio-mä̧ rȩrü̧jü̧ toinä̧ku̧sä̧, jua'amä̧ Dio-rü esetü jui'ü, jȩchü̧mä̧ chieruwa'attü̧.

Hechos 17:30

Ja̧'wa̧nü̧ ja̧'a̧ttü̧, Dio-mä̧ ttü̧ja̧ ttieruwiyäku ja̧'a̧tä̧ toinü̧ mo̧ro̧ ji̧na̧'a̧nä̧, jitämä̧ o'katoi'ünä̧rü̧ ttü̧ja̧kuo̧mȩ pünä̧mä̧ surojüttü kättädi'a pä'ü.

1 Timoteo 1:11

Pi̧yȩ ja̧'a̧ Dio eseäkuäwä kku̧nä̧rü̧ adiwäjuei wȩnȩ chu̧wo̧juȩta̧ pä'ü ttürü weinü̧mä̧.

San Lucas 16:2

Jua̧u̧ ä̧ju̧ku̧ u̧ru̧wa̧mä̧ wopo'ü jä'epü ä̧ju̧kui̧nä̧ku̧: ¿Däjé jittäwättü̧, yojamä̧, uku kutü'kümä̧? Kuäditä'ijü jo̧mȩnü̧ jȩpü̧ ji'äwittü, täkü ttü chu̧mü̧wä̧ya̧ jü̧nä̧ kuadita pä'ümä̧ jui̧'a̧jä̧.

1 Timoteo 6:20

Timoteo, ¡kuaditäwämä̧ adiwomȩnä̧ aditi! Jesucrito-rü esetokotü tu̧wo̧juȩtä̧'i̧jü̧ pä'ä'chätürümä̧ ja̧'wa̧ta̧nü̧ isopäi'ünä̧ wȩnȩ ttu̧ju̧nä̧ra̧ pä'ü yapareu ji'äwätürümä̧ kuä̧ju̧kuä̧;

Tito 1:3

Ja̧'wa̧ta̧nü̧ jitämä̧, täkü päinü̧ mo̧ro̧ ja̧'a̧ttü̧, i̧wȩnȩmä̧ ttu̧wo̧jui̧pü̧nä̧ weäwi'ina̧'a̧ jittäu tä̧ju̧kuo̧mȩnä̧ tü̧ä̧nä̧wa̧ Dio ra̧wä̧pi̧jü̧ttü̧ tü̧ji̧pü̧nä̧ ppädäkuäwä i̧sa̧ weäwänä̧.

San Lucas 12:41

Ja̧'wa̧nü̧ ja̧'a̧ Peduru-mä̧ päinä̧ku̧: —Chu̧ru̧wa̧, ¿pi̧yȩ wȩnȩtü̧ päkuäjimä̧, ujuturutä päkua'a, kkorotü o'katoi'ünä̧rü̧'i̧nä̧ päkua'a?

San Lucas 12:49

Pi̧jä̧ra̧'a̧ okurä rȩdȩtü̧ ichinü̧sä̧; ja̧'wa̧nü̧ ja̧'a̧ttü̧ ¡täkü kuoa'a tocha pä'üsä!

San Mateo 23:14

[¡Isottü̧ ukutu fariseo-we! weäwä wȩnȩ wo̧juȩkuä̧ isotü kuätukua'anä̧, rȩkua̧mü̧rü̧ usurä ttȩmä̧u̧nä̧ jȩpä̧tü̧jä̧; Dio-rümä̧ rekuo kukuokuätukua'anä̧, ä'koyättütä jȩpä̧tü̧jä̧; Ja̧'wa̧nü̧ jȩ'kuä̧tu̧kuo̧mȩnä̧, rü̧ȩnä̧ tä̧bo̧kuä̧kuo̧tü̧jä̧.]