San Lucas 12:47 - Nuevo Testamento Uwotjüja

⁴⁷ Jua̧u̧ u̧mü̧wä̧ya̧mä̧ u̧ru̧wa̧ weinü̧mä̧ u̧wo̧jua̧'a̧nä̧, jo̧mȩnü̧ adikuäkuäwa'i̧nä̧ päoka'attü̧, ukuotadä̧jä̧ päoka'attü̧, rü̧ȩnä̧ kuäkuäpäkuäwä̧kua̧.

TÄ̧DO Ä̧CUÄ̧ I̧HUȨNȨ

⁴⁷ “Adicuä i̧sa̧ u̧ru̧hua̧rö̧ pä̧huä̧ rö̧jö̧ u̧huo̧jua̧'a̧nä̧, jo̧mȩ päi'önä jȩä̧cuä̧huä̧nä̧ jȩpo̧cö̧mä̧, pä̧i̧cu̧nä̧tä̧ cuäcuäpäcuähua̧ jä̧cua̧ ja̧u̧mä̧.

San Lucas 12:47 Referans Kwoze

Santiago 4:17

Ja̧'wa̧nü̧ ja̧'a̧ttü̧ adiwäjuei jȩä̧kuä̧wä̧ u̧wo̧jua̧'a̧nä̧ jȩpo̧kü̧mä̧, surojütä jȩpü̧.

San Juan 9:41

Jesú ädätinü̧ juätürü: —Ukutu: isopäi'ünä̧ totü juiyünä̧ wotüjä̧ tä̧jí̧ päkuätukuttümä̧ surojü jui'ajatüjä̧ ja̧'wa̧nü̧ ja̧'a̧nä̧, topätüjä̧ päkuätukua'attü̧, surojü jȩ'kuä̧tu̧ku̧mä̧ ukutunä̧ kka̧kua̧'a̧.

San Juan 12:48

Ttürü kkü'kü jui'ü, chi̧wȩnȩ esetokürü, usurä ȩmä̧u̧nä̧ ro̧ȩpä̧kuȩmä̧ täkü kka̧'a̧: Ji̧yȩtä̧ chi̧wȩnȩ chukuokutä jä̧kua̧'a̧, usurä ttȩmä̧u̧nä̧ ro̧ȩpä̧kuȩmä̧, rüjí mo̧ro̧ päi'omȩnä̧.

Hechos 17:30

Ja̧'wa̧nü̧ ja̧'a̧ttü̧, Dio-mä̧ ttü̧ja̧ ttieruwiyäku ja̧'a̧tä̧ toinü̧ mo̧ro̧ ji̧na̧'a̧nä̧, jitämä̧ o'katoi'ünä̧rü̧ ttü̧ja̧kuo̧mȩ pünä̧mä̧ surojüttü kättädi'a pä'ü.

San Juan 19:11

Päiyäku, Jesú-mä̧ ädätinü̧: —Kuruwomä̧ jui'ajüjä̧ ttü chu̧wä̧mȩnä̧mä̧, Dio iyü juiyüttümä̧; ja̧'wa̧nü̧ ja̧'a̧ttü̧ ukuttu'i̧nä̧ abonä̧nü̧ surojü kku̧nä̧rü̧mä̧, ttürü, ukuru iyü ikuäjitä ja̧'a̧.

San Lucas 12:41

Ja̧'wa̧nü̧ ja̧'a̧ Peduru-mä̧ päinä̧ku̧: —Chu̧ru̧wa̧, ¿pi̧yȩ wȩnȩtü̧ päkuäjimä̧, ujuturutä päkua'a, kkorotü o'katoi'ünä̧rü̧'i̧nä̧ päkua'a?

San Lucas 12:46

Jua̧u̧ päjimä̧ tta̧wä̧ro̧kü̧ mo̧ro̧ ja̧'wa̧ta̧nü̧ tta̧wä̧ro̧kü̧ hora-nä̧ u̧ru̧wa̧mä̧ ichi'ü, usurä ȩmä̧u̧nä̧ ro̧ttȩpa̧rü̧ pä'ü, ukuotokotükutä ppä'ädü i̧kuä̧kua̧.