San Lucas 12:30 - Nuevo Testamento Uwotjüja

³⁰ Isopäi'ünä̧ pi̧yȩ o'kajuiyünä̧ amükuädü tta̧'kua̧ ro'ekuätümä̧, pi̧jä̧ ttü̧ja̧tä̧ ja̧'a̧ ja̧'wa̧nü̧ ja̧'a̧nä̧ ukutu Kuä'otukumä̧, pi̧yȩ rekuä rü̧ja̧'a̧mä̧, täkü u̧wo̧juö̧tä̧ ja̧'a̧.

TÄ̧DO Ä̧CUÄ̧ I̧HUȨNȨ

³⁰ Pi̧jä̧ ttö̧ja̧ korotö Diosrö esetocotömä ja̧u̧ o'ca juiyönä a̧mö̧cuä̧rö̧ ka̧cuä̧tö̧. Ja̧'hua̧nö̧ ja̧'a̧nä̧ ucutu Cuä'orö ku̧nä̧rä̧tö̧jä̧. Ja̧u̧ täcö huo̧jua̧ ucuturu recuä rö̧jö̧mä̧.

San Lucas 12:30 Referans Kwoze

San Mateo 6:32

Pi̧yȩ o'kajuiyünä̧mä̧ Dio-rü esetokotütä tta̧'kua̧ rotteku ja̧'wa̧nü̧ ja̧'a̧nä̧ ukutumä̧ Kuä'otuku mo̧ro̧jä̧nä̧ kkü̧ rekuä rü̧jü̧ wo̧jua̧rü̧ kku̧nä̧rä̧tü̧jä̧.

San Mateo 6:8

Juätü jü̧'a̧nü̧mä̧ kuätukuä, jua'amä̧ Kuä'o Dio tukumä̧ ukuturu rekuä rü̧jü̧ jäkuepätukuäkua'a ä'kanä̧ täkü u̧wo̧jua̧'a̧ttü̧.

Efesios 4:17

Ja̧'wa̧nü̧ ja̧'a̧ttü̧ ukuturu pä'üsä, Tu̧ru̧wa̧ i̧mi̧nä̧ jä'epünü̧: täkü, ukutumä̧ Dio-rü esetokotü ttü̧jü̧'a̧nü̧mä̧ ku̧ja̧kuä̧tu̧kuä̧, juätümä̧ ttamu̧kuäda'akutä surojü jȩpü̧ kka̧kuä̧tü̧,

San Lucas 12:32

Yekuekuätukuä, chä̧ji̧mü̧ oweja-tü̧; ukutumä̧ a̧'u̧ku̧nä̧tä̧ wotü kuätukua'anä̧, Kuä'otukuru adiwomȩnä̧ uruwo weü iyinä̧u̧jä̧

San Mateo 18:14

Ja̧'wa̧nü̧ jü̧ta̧'a̧nü̧, Kuä'otuku mo̧ro̧jä̧nä̧ kkü̧mä̧ pitü ppo̧'ä̧tü̧ ja̧'a̧nä̧ ya̧tȩrü̧'i̧nä̧ toe'ächa pä'okü.

1 Tesalonicenses 4:5

Dio-rü jerupätü 'kua̧rü̧nä̧mä̧, nä̧tü̧rü̧'i̧nä̧, u̧mä̧tü̧rü̧'i̧nä̧ usäwä oipa'anä̧mä̧ ku̧jä̧tu̧kuä̧.

San Mateo 10:20

Isopäi'ünä̧, ukutumä̧ ukuokuokotü kuäkuotüjä̧, Dio i̧sa̧ Epíritu jä̧kua̧'a̧ ukutunä̧ ukuokuäkua̧mä̧.

San Mateo 5:47

Ja̧'wa̧ta̧nü̧ kui̧jä̧wa̧tu̧ku̧ päi'ünä̧ wotürütä tekuäwätukuttümä̧, ¿Däjejä̧ttü̧ jua'a yabonä̧nü̧ jȩ'kuä̧tu̧ku̧mä̧? jua̧u̧mä̧ judío pokotü'i̧nä̧ jȩttä̧'i̧jü̧tä̧ ja̧'a̧.

San Juan 20:17

Jesú-mä̧ päinä̧kua̧: —¡Mȩkuä̧ttü̧!, ji̧nä̧ Chä'o ü̧ja̧'a̧mä̧ 'chä̧wi̧'o̧kü̧sä̧; ja̧'wa̧nü̧ ja̧'a̧nä̧ chawaruwä chi̧jä̧wa̧tü̧rü̧ pa̧'a̧nü̧ jikuäwajä̧: Ttümä̧ Chä'o Dio, ukutu'i̧nä̧ Kuä'otuku Dio ü̧ja̧'a̧ 'chä̧nü̧ kä'ekuächüsä.

San Mateo 6:1

Ttü̧ja̧ ttä'kattü, juätü tottatü pä'ütä adiumä̧ jȩ'kuä̧tu̧ku̧ juiyü'anü̧ ja̧'a̧, ja̧'wa̧nü̧ jȩ'kuä̧tu̧ku̧ttü̧mä̧ Kuä'otuku mo̧ro̧jä̧ra̧'a̧ kkü̧mä̧ ji̧yȩtȩ premio'i̧nä̧ i̧yo̧ko̧u̧ kuäkuotüjä̧.

San Lucas 12:29

Ja̧'wa̧nü̧ ja̧'a̧ttü̧, kua̧'kua̧ tta̧kuȩkuä̧tu̧kuä̧, däjé tukuäkua'ajó ja̧'wa̧ta̧nü̧ däjé tawäkua'ajó pä'ü, kua̧'kua̧ ro'ekumä̧.

San Lucas 12:31

Ja̧'wa̧nü̧ ja̧'a̧ttü̧ ä̧kuo̧mȩnä̧mä̧, Ru̧wa̧ Dio weütä usätukui, kusätukuomȩnä̧, pi̧yȩ rekuä rü̧jü̧ o'kajuiyünä̧mä̧ kuȩmä̧kuo̧tü̧jä̧.