San Lucas 12:28 - Nuevo Testamento Uwotjüja

²⁸ Ja̧'wa̧nü̧ jo̧ka̧'a̧'i̧nä̧, isä'kua jitä mo̧ro̧mä̧ de'a kkä̧'kua ja̧'a̧nä̧, yo̧i̧mo̧ro̧mä̧ kku ikuäwäkuä'kua'i̧nä̧, Dio-mä̧ ü̧'ka̧ta̧'a̧mä̧, ¿jua'a abonä̧nü̧, ukuturumä̧, ü̧'ka̧to̧ka̧'a̧ jä̧kua̧'a̧ tä̧jí̧?

TÄ̧DO Ä̧CUÄ̧ I̧HUȨNȨ

²⁸ Ja̧'hua̧nö̧ ja̧'a̧ttö̧ ja̧u̧ ȩ'u̧mä̧ jitä mo̧ro̧ de'a ka̧cu̧, yo̧ȩi̧ mo̧ro̧ ocuränä cuo'ö icuä̧cuȩ. Ja̧'hua̧ta̧nö̧ ja̧'a̧nä̧ Dios adiu tta̧'ä̧rö̧ ja̧u̧ ȩ'u̧mä̧. ¡Ucutumä adiunämä esetocotöjä! Ucuturu ja̧u̧ ȩ'u̧ttu̧'i̧nä̧ abonänö adiunä tta̧'ä̧rö̧ Diosmä.

San Lucas 12:28 Referans Kwoze

San Mateo 14:31

Woäku, Jesú-mä̧ yotäku u̧mü̧ttü̧ 'chu'ädü päinä̧ku̧: —¡Tta̧'u̧ wȩnä̧rä̧kuä̧wä̧ a̧'u̧kua̧jä̧! ¿Tta̧'a̧nü̧ pä'ü esetoküjä̧ttü̧?

San Mateo 17:20

Pättäku Jesú-mä̧ ädätinä̧u̧: —Jua'amä̧ kua̧'kua̧ ku̧wȩnä̧rä̧tu̧ku̧ juikuätukua'attü. Isopäi'ünä̧tä̧ pä'üsä ukuturu, mostaza u̧wä̧ju̧ isäte a̧'u̧kuä̧'i̧jü̧ta̧'a̧nü̧, a̧'u̧ku̧nä̧tä̧ kua̧'kua̧ ku̧wȩnä̧rä̧tu̧ku̧ttü̧'i̧nä̧, ji'kaja mü̧ä̧'ka juorümä̧ tü'ipächi päkuätukuttümä̧ tüipächäkua'a. Ja̧'wa̧nü̧ ja̧'a̧ttü̧ jȩttü̧ juiyünä̧ weyekumä̧ juiya'a.

San Mateo 6:30

Isopäi'ünä̧ jitä mo̧ro̧ pättiyunä̧ kka̧ku̧ adiyämä̧, yodoji mo̧ro̧mä̧ kkuwü i̧kuä̧wä̧kuȩ ja̧'a̧nä̧ Dio-mä̧ a̧di̧tä̧rü̧ kku̧nu̧, ja̧'wa̧nü̧ jo̧kü̧'i̧nä̧. ¿Ukuturumä̧ a̧'u̧ku̧nä̧tä̧ kua̧'kua̧ ku̧wȩnä̧rä̧tü̧kua̧'a̧nä̧ aditü u̧ju̧no̧ko̧u̧ kuäkuotüjä̧?

1 Pedro 1:24

Isopäi'ünä̧ wȩyu̧kuä̧mä̧ pä'a: Ttü̧ja̧ o'katoi'ünä̧ isä'kua jä̧'i̧nü̧'a̧nü̧ wotü, Ttukuomä̧ isä'kua ȩ'u̧ jä̧'i̧nü̧'a̧nü̧ ja̧'a̧, Isä'kua joi'omȩnä̧mä̧, ȩ'u̧'i̧nä̧ ttawäwächü.

San Lucas 8:25

Ja̧'wa̧nü̧ jä̧ji̧ o'ka'a päinä̧u̧: —¿Kua̧'kua̧ ku̧wȩnä̧rä̧tu̧ku̧mä̧, toku päi'äjätukuäkuttü? Pä'anä̧, ye'äjä'kotü, yotukunä̧ pä'äwinä̧tü̧. —¿Pidemä̧ díjä̧ttü̧, kkä̧rü̧'koppa'i̧nä̧, rü̧ä̧ dubora'i̧nä̧ ukuotäkumä̧?

San Mateo 17:17

Päku, Jesú-mä̧ ädätinü̧: —¡Isoo ukutumä̧ esetokotü, suropätü ttü̧ja̧jä̧! ¿Ti̧yȩnü̧bü päi'ünä̧ ukutukumä̧ chü̧jä̧kua̧'a̧jä̧ttü̧? ¿Ti̧yȩnü̧bütä kuesetätukuoka'amä̧ cha̧mi̧'kidächi'äkua'ajä̧ttü̧? Poku i'chächirü.

San Mateo 16:8

Ttukuokua'a wo̧jui̧'ü̧ Jesú-mä̧, päinä̧u̧: —¿Tta̧'a̧nü̧ pä'ü trigo ire o̧si̧ jui'ätüjä̧ pä'ü kukuokuätukua'ajä̧ttü̧, tta̧'kua̧ wȩnä̧ro̧ko̧tü̧ 'kua̧rü̧nä̧mä̧?

San Mateo 8:26

Pättäku päinä̧u̧: —¿Tta̧'a̧nü̧ pä'ü yekuekuätukua'ajä̧ttü̧, ukutumä̧, Dio-rümä̧ kua̧'kua̧ wȩnä̧ro̧ko̧tü̧jä̧ tä̧jí̧? Pä'ü kkä̧nü̧, ä̧rä̧mi̧'ü̧ kkä̧rü̧'kopparü'i̧nä̧, rü̧ä̧ duborarü'i̧nä̧ ujuruku woi'omȩnä̧ o'kajuiyünä̧tä̧ wirochi'ina̧'a̧.

Hebreos 6:7

Isopäi'ünä̧ ajiya rȩjȩra̧'a̧ ma̧ä̧mo̧mȩnä̧mä̧, rȩjȩmä̧ juoya 'ku̧o̧'o̧mȩnä̧mä̧, juorütä isä'kua adiwä'kua bawa'a, jua̧u̧ttü̧tä̧ kuäwä kku̧nä̧wä̧ isotü aditätü ja̧'wa̧nü̧ jȩpü̧ Dio ppädü ȩmä̧tü̧.