San Lucas 12:24 - Nuevo Testamento Uwotjüja

²⁴ Ppi̧yu̧ru̧ amükuädü topätukui: Kuäwämä̧ kku̧ni̧pü'kotümä̧, ka̧ka̧tü̧ i̧so̧ka̧nä̧ kku̧no̧ko̧tü̧ ja̧'a̧nä̧, Dio-mä̧ u̧kuä̧jȩ'ä̧u̧. ¿Ukutumä̧, juätüttü'i̧nä̧ abonä̧nü̧mä̧ mikuäwokotüjä̧ tä̧jí̧?

TÄ̧DO Ä̧CUÄ̧ I̧HUȨNȨ

²⁴ Ppi̧yu̧ru̧ topätucui. Jahuätömä ku̧nu̧'i̧nä̧ ku̧no̧co̧tö̧, se'ö'inä se'ocotö, ttu̧cuȩ hua'adö ku̧nä̧huode'inä jui'ätö. Ja̧'hua̧nö̧ ja̧'a̧nä̧ Dios jahuätörö ttu̧cuȩ iyö. Ucutumä ppi̧yu̧ttu̧'i̧nä̧ abonänö micuähuotöjä.

San Lucas 12:24 Referans Kwoze

San Mateo 10:31

Ja̧'wa̧nü̧ ja̧'a̧ttü̧ yekuekuätukuä: ukutumä̧ ppi̧yu̧ o'katoi'ünä̧ttü̧'i̧nä̧ abonä̧nü̧ mikuäwätüjä̧.

San Lucas 12:7

Jua̧u̧ jü̧ta̧'a̧nü̧, kuwo'chetuku'i̧nä̧ o'kajuiyütä pa̧ja̧tü̧ kku̧nä̧wa̧'a̧. Ja̧'wa̧nü̧ ja̧'a̧ttü̧ yekuekuätukuä; ukutumä̧ ppi̧yu̧ttü̧'i̧nä̧ abonä̧nü̧ mikuäwätüjä̧.

San Marcos 6:26

Ja̧'wa̧nü̧ jäjepäku ru̧wa̧ Rey-mä̧ rü̧ȩnä̧ a̧'kua̧ tta̧'ȩkui̧pinü̧ ja̧'wa̧nü̧ ja̧'a̧nä̧ o'katoi'ünä̧ ttä'ka jo̧mȩttü̧ juramento pättünä̧ jȩpü̧ päja'attü̧, iyoküsä päü juiyünä̧ ji̧nä̧ku̧.

San Mateo 3:12

Trigo pojäwäkä u̧mü̧nä̧ 'chu̧'ä̧rü̧ kkü̧, surojä'kua do'opü iku, adiutätä ü'ojo'a pä'ü; u̧kuȩ trigo-mä̧ ka̧ka̧kuo̧ka̧nä̧ ka̧ka̧tü̧ u̧ju̧nä̧kua̧, ja̧'wa̧nü̧ ja̧'a̧nä̧ o'ko'kuamä̧ okurä na̧wi̧po̧karänä̧ kkuwü.

San Mateo 6:26

Mo̧ro̧jä̧nä̧ ko̧'ä̧rä̧tü̧ ppi̧yu̧ru̧ topätukui, kku̧nu̧'i̧nä̧ tu̧ju̧no̧ka̧'a̧nä̧, kuäkuäwä ka̧ka̧kuo̧mȩ'i̧nä̧ ka̧ka̧tü̧ ttu̧ju̧no̧ka̧'a̧nä̧; Kuä'otuku Dio mo̧ro̧jä̧ ru̧wa̧mä̧ u̧kuä̧jȩ'ä̧u̧. ¿Ukutumä̧ juätüttü'i̧nä̧ abonä̧nü̧ mikuäwokotüjä̧ tä̧jí̧?

San Lucas 12:18

Pä'äji̧'ka̧ pä'inü̧: Täkü wo̧jui̧'ü̧sä̧ jȩchä̧kuȩmä̧. Kuäwä chütä'ijü o̧ka̧ pparopü iku, pärokuä bäreu o̧ka̧ chaditajä̧, juȩnȩ chu̧kuȩ kuäwä'i̧nä̧ ja̧'wa̧ta̧nü̧ kkoro'i̧nä̧ wa'adü chu̧ju̧nä̧kua̧'a̧nü̧.

San Lucas 12:23

Isopäi'ünä̧ tta̧'kua̧rü̧mä̧ ttu̧kuȩttü̧'i̧nä̧ abonä̧nü̧ mikuäu ja̧'a̧ ja̧'wa̧ta̧nü̧ ttidepä jättäjimä̧, ttü̧'ka̧tä̧wä̧ti̧yu̧ttü̧'i̧nä̧ abonä̧nü̧ mikuäu ja̧'a̧.