San Lucas 11:32 - Nuevo Testamento Uwotjüja

³² Ja̧'wa̧ta̧nü̧ ttü̧ja̧rü̧ pojokuä mo̧ro̧ päi'omȩnä̧ Nínive ttü̧ja̧'i̧nä̧, ä̧rä̧mi̧'ü̧ pi̧yȩ pä̧nä̧ ttü̧ja̧rü̧, usurä ttȩmä̧u̧nä̧ pä'ü ttu̧ju̧nä̧kuo̧tü̧ jua'amä̧ Joná i̧wȩnȩ ä̧ju̧ku̧ surojü kättädi'ina̧'a̧ttü̧. Ja̧'wa̧ta̧nü̧ pȩnȩ́ ukutuku ukuokumä̧ Joná-ttü̧'i̧nä̧ abonä̧nü̧ wa̧sä̧».

TÄ̧DO Ä̧CUÄ̧ I̧HUȨNȨ

³² Ja̧'hua̧ta̧nö̧ Dios ttö̧ja̧rö̧ pojocuä mo̧ro̧ päi'omenä, Dios pi̧yȩ pä̧nä̧ ttö̧ja̧rö̧ päomenä, Nínive ötahuiyänä ka̧cui̧nä̧tö̧'i̧nä̧ ä̧rä̧mi̧'ö̧ pättäcuotö ucuturu. Jahuätö, Jonás Dios i̧huȩnȩ jiähuomenä, pärocuäcutä amöcuädö esetinätödo. Jitämä ya̧tȩ Jonásttö'inä abonänö adihuä i̧sa̧ kö̧.

San Lucas 11:32 Referans Kwoze

Hebreos 7:26

Ja̧'wa̧nü̧ ja̧'a̧ttü̧, ja̧'wa̧nü̧ wa̧ sacerdote-rü rekuä rü̧ji̧nä̧u̧jä̧: surojü'i̧nä̧ jui̧'a̧rü̧, idiku'i̧nä̧ jui̧'a̧rü̧, suronä̧ jȩpä̧tü̧ttü̧'i̧nä̧ otó wa̧rü̧ ja̧'wa̧ta̧nü̧, mo̧ro̧jä̧'i̧nä̧ u̧wä̧mȩnä̧ jü̧nä̧ jȩi̧nä̧ku̧ru̧.

San Lucas 11:31

Ttü̧ja̧rü̧ pojokuä mo̧ro̧ päi'omȩnä̧, Sur ruwajumä̧, ä̧rä̧mi̧'ü̧ pi̧yȩ pä̧nä̧ ttü̧ja̧rü̧ usurä ttȩmä̧u̧nä̧ pä'ü kku̧ju̧nä̧kua̧ju̧; jua'amä̧ otottü'i̧nä̧, Saromón u̧wo̧juö̧ wȩnȩ topü kki̧'chi̧na̧'a̧ttü̧ ja̧'wa̧nü̧ ja̧'a̧nä̧ jitä pȩnȩ́ to'kuätukuäkumä̧ jua̧u̧ttü̧'i̧nä̧ abonä̧nü̧ wa̧ ja̧'a̧.

San Mateo 12:39

Pättäku Jesú-mä̧ ädätinä̧u̧: —Pitü suropätü ttü̧ja̧mä̧, jȩtto̧kü̧ juei jättepa'anä̧ iyäwokotü ttäkuotü pärokuä profeta Joná-rü̧ ji̧nü̧tä̧ iyäwäkuotü.

San Mateo 12:41

Pojokuä mo̧ro̧, rüjí mo̧ro̧ päi'omȩnä̧ Nínive ütawiyä ttü̧ja̧mä̧ wa'arettü ttottächi'äkuotü pi̧yȩ pä̧nä̧ ttü̧ja̧ku̧ usurä ttȩmä̧u̧nä̧ ro̧ȩkuä̧nä̧ iyü ttikua pä'ü; jua'amä̧ Joná jiäwomȩnä̧ Dio-ku ppa̧ttä̧chi̧nomȩttü̧. Pȩnȩmä̧ kkü̧sä̧ Joná-ttü̧'i̧nä̧ u̧wä̧mȩnä̧ wa̧.