San Lucas 11:2 - Nuevo Testamento Uwotjüja

² Jesú-mä̧ päinä̧u̧: —Dio-rü kukuokuätukuomȩnä̧mä̧ pa̧'a̧nü̧ kukuokuätukuajä̧: Ujutu Tä'o mo̧ro̧jä̧nä̧ kkü̧mä̧, ukurutä isopäi'ünä̧ Dio ja̧'a̧ pä'ü ttu̧wo̧juä̧cha̧ pä'ätüjä̧. Ja̧'wa̧nü̧ ja̧'a̧ttü̧ «Tu̧ru̧wa̧ rey jü̧nä̧ ichi.»

TÄ̧DO Ä̧CUÄ̧ I̧HUȨNȨ

² Jesús pä'inödo: —Cuä̧do̧ ä̧cua̧ Diosrö cucuocuätucuomenämä, pa̧'a̧nö̧ ucuocuätucui: Tä'o Dios, mo̧ro̧jä̧ra̧'a̧ kö̧jä̧. Ucu cui̧mi̧mä̧ adihuä cui̧mi̧ pä'ö ttucuotaja. Ucu o'ca toi'önä Ttu̧ru̧hua̧ pä'ö cu̧ja̧ja̧. Pi̧jä̧nä̧ ucurutä pä̧huä̧ rö̧jö̧mä̧ jȩtta̧ja̧, mo̧ro̧jä̧nä̧ jȩttö̧'a̧nö̧.

San Lucas 11:2 Referans Kwoze

Apocalipsis 15:4

¿Chu̧ru̧wa̧, ditä jä̧ttü̧ ukuru ye'ekuokü jä̧kua̧mä̧? ¿Ditä jä̧ttü̧ ukuru eseu ra̧wo̧kä̧kua̧mä̧? isopäi'ünä̧ ukutäjä̧, surojü jui̧'a̧mä̧; ruwäkuiyä pa̧ja̧ku̧nä̧ ichü, ukuru ttiwe'kiyunä̧ pȩjä̧mü̧ ttȩsȩä̧kuä̧wä̧kua̧jä̧, isopäi'ünä̧ adiwomȩnä̧ jȩ'ku̧mä̧ tottünä̧ i̧jȩkuä̧cha̧'a̧ttü̧.»

Apocalipsis 20:4

Ja̧'wa̧ta̧nü̧ topinü̧sä̧, ruwo dȩä̧ki̧yä̧nä̧, adiwomȩnä̧ ruwo wetta pä'ü weäwi̧'i̧nä̧u̧ ttü̧'ȩja̧'a̧. Ja̧'wa̧ta̧nü̧ topinü̧sä̧, jitürü'i̧nä̧, Jesú-ru ttukuotomȩnä̧, Dio i̧wȩnȩ ttukuotomȩnä̧ ttu piyä 'kui'ü tti̧kui̧nä̧u̧rü̧'i̧nä̧. Juätümä̧ i̧sa̧ büó betia a̧'kua̧juä̧ isä'kanä̧'i̧nä̧, weinü̧'a̧kuä̧; tti'änä̧'i̧nä̧, ttu̧mü̧nä̧'i̧nä̧ ttütatü pä'ü we'äwokotü pinä̧tü̧ ji̧na̧'a̧. Juätümä̧ pä'äjita'anü̧ a̧'kua̧ri̧'ä̧ja̧'kotü̧, Crito-ku mil años jo̧mȩnä̧ ruwo we'inä̧tü̧.

1 Tesalonicenses 1:3

Tä'o Dio ä'ka jo̧mȩ tukuokuomȩnä̧mä̧ amükuädätü̧jä̧, kua̧'kua̧ wȩnä̧rü̧ kuaditä'ijätuku'i̧nä̧, eseu kuaditä'ijätuku'i̧nä̧ ja̧'wa̧ta̧nü̧ 'kiyünä̧, Tu̧ru̧wa̧ Jesucrito surojüttü kki̧'ä̧kuä̧wä̧ i̧yä̧kuȩ tta̧kuä̧rä̧tu̧ku̧'i̧nä̧, jü̧nä̧.

Filipenses 4:20

'Kuäopünä̧ mo̧ro̧ kki̧ä̧mü̧nä̧, Tä'o Dio-rü teseutä ja̧'a̧. Amȩ́.

Filipenses 1:2

Tä'o Dio rȩrü̧jü̧ toü'i̧nä̧, wȩnȩ juiyünä̧ kkä̧kuä̧wä̧ iyü'i̧nä̧, ukutunä̧ kka̧ pä'ätüjä̧.

Efesios 1:2

Tä'o Dio'i̧nä̧, Tu̧ru̧wa̧ Jesucrito'i̧nä̧, eseu kkä̧kuä̧wä̧ iyätukuaku pä'üsä.

2 Corintios 1:2

Ukuturumä̧ Tü̧ä̧nä̧wa̧ Dio, Tu̧ru̧wa̧ Jesucrito iyinü, eseäkuäwä'i̧nä̧, wȩnȩ juiyünä̧ kkä̧kuä̧wä̧'i̧nä̧ ku̧ju̧nä̧rä̧tu̧kua̧ pä'ätüjä̧.

1 Corintios 1:3

Tü̧tä̧mü̧ mi̧nä̧ Ttä'o Dio ja̧'wa̧ta̧nü̧ Tu̧ru̧wa̧ Jesucrito jä'o Dio rettü ppädütä ja̧'wa̧ta̧nü̧ yo̧mȩtȩnä̧ eseäkuäwätä kkä̧tu̧kua̧ku̧ pä'ätüjä̧.

Apocalipsis 19:6

Ja̧'wa̧ta̧nü̧ ttü̧ja̧ rekuätü tti̧wȩnȩ rä̧mi̧pa̧'a̧, däyä tawipa'a, ku'upä kürüächa'a jä̧'i̧nü̧'a̧nü̧ ä̧ju̧kui̧nü̧sä̧. Juätümä̧ pä'inä̧tü̧: «¡Aleluya! Isopäi'ünä̧ Tu̧ru̧wa̧, o'kajuiyünä̧ ju̧ru̧wa̧ Dio ja̧'a̧ täkü kkä̧mä̧dü̧ ruwo we'ümä̧.

Apocalipsis 11:15

Kko̧ro̧mü̧ttü̧nü̧ todäre á̧gȩ iäre trompeta ppüomȩnä̧, mo̧ro̧jä̧ra̧'a̧ttü̧ pä̧i̧ku̧nä̧ rä̧mi̧pi̧na̧'a̧: «Täkü rȩbȩä̧kuä̧wa̧'a̧, pi̧jä̧nä̧ Tu̧ru̧wa̧ Dio'i̧nä̧, weinä̧ku̧'i̧nä̧ ruwotü jü̧nä̧ wettü mo̧ro̧ ja̧'wa̧nü̧ ja̧'a̧ttü̧ mo̧ro̧ kki̧ä̧mü̧nä̧ wettäkuotü.»

1 Tesalonicenses 1:1

Ttü Pauru'i̧nä̧, Silvano'i̧nä̧, Timoteo'i̧nä̧, te'äwätüjä̧ Tesalónica ütawiyänä̧ kka̧kuä̧tü̧, Dio-ku, Tu̧ru̧wa̧ Jesucrito-ku ji̧yȩtȩnä̧ wotürü. Tami'iso'ki o'kajuiyünä̧ pä̧wä̧rü̧jä̧u̧jä̧, wȩnȩ juiyünä̧ kkä̧kuä̧wä̧, eseäkuäwä Dio jo̧mȩnü̧ iyätukuaku pä'ü.

2 Tesalonicenses 2:16

Tä'o Dio-mä̧ adiwä i̧sa̧; ja̧'wa̧nü̧ ja̧'a̧ttü̧ ujuturumä̧ eseunu̧ repe'ü ja̧'wa̧ta̧nü̧ a̧'u̧ri̧jo̧mȩnä̧ tta̧'kua̧ ȩmä̧wä̧ beipächokü, ja̧'wa̧ta̧nü̧ ra̧wä̧pi̧jü̧ttü̧ tü̧ji̧pä̧kuȩ jueünä̧ wo̧juä̧wä̧'i̧nä̧ iyinä̧u̧jä̧. Jä'o Dio-rü'i̧nä̧ tu̧ru̧wa̧ Jesucrito'i̧nä̧ jä'epüsä,

Colosenses 1:2

Crito-nä̧ te'äusä surojü jui'ätü, Colosa ütawiyättü esetätürü: tä'o Dio'i̧nä̧, tu̧ru̧wa̧ Jesucrito'i̧nä̧ umüwäyotü kuätukua'attü wȩnȩ juiyünä̧, eseäkuäwä kkü̧nä̧ ku̧jä̧tu̧kua̧ pä'ü.

Romanos 8:15

Isopäi'ünä̧ Dio ukuturu iyinä̧ku̧ Epíritumä̧ 'chu̧'ä̧ro̧kü̧ ja̧'wa̧ta̧nü̧ yekuekuätukunä̧'i̧nä̧ jȩpo̧kü̧. Ja̧'wa̧nü̧ ja̧jü̧jueimä̧, pärokua'aku Epíritumä̧ Dio i̧tti̧mü̧ juokuächätukunä̧ juoepinä̧u̧jä̧. Jua̧u̧nä̧tä̧tä̧ ajuäkuäwätüjä̧: ¡Abbá, Chä'o pä'ümä̧!

San Mateo 10:32

Ja̧'wa̧nü̧ ja̧'a̧ttü̧, ya̧tȩ ttürü u̧wo̧jua̧'a̧ ttü̧ja̧ ttä'ka jo̧mȩttü̧ jiäuttümä̧, ttü'i̧nä̧ Chä'o mo̧ro̧jä̧nä̧ kkü̧ ä'ka jo̧mȩttü̧ jua̧u̧ru̧ chu̧wo̧jua̧'a̧ ji̧dä̧wä̧kua̧sä̧;

San Mateo 5:16

Ja̧'wa̧nü̧ jü̧ta̧'a̧nü̧, ukutu'i̧nä̧ kui̧tȩya̧u̧tu̧ku̧mä̧ ttü̧ja̧ ttä'ka jo̧mȩ kkä̧dȩpü̧nä̧ kka̧kuä̧tu̧kui̧, adiu jȩ'kuä̧tu̧ku̧ topü, o'katoi'ünä̧ Kuä'otuku mo̧ro̧jä̧nä̧ kkü̧rü̧ ttesewäkua'anü̧.

San Mateo 3:2

Jua̧u̧mä̧ ji̧ä̧wi̧nä̧u̧: «¡Suronä̧ jȩ'kuä̧'i̧jä̧tu̧ku̧ kä'ädi'ätukui, mo̧ro̧jä̧ra̧'a̧ttü̧ ruwo weäwämä̧ tü'küwächa'a!»

Gálatas 1:4

Jä'o Dio-rü pä̧wä̧rü̧jo̧mȩnä̧, suronä̧ jȩtü̧ mikuäwächünä̧, pi̧jä̧ surojüttü rä'epü ikua pä'ü a̧mü̧nä̧ pa̧ja̧tü̧ iyäwinü̧rü̧tä̧,

Romanos 1:7

Ukutu Roma-nä̧ kka̧kuä̧tü̧ o'katoi'ünä̧, Dio surojü juiyünä̧ ku̧jä̧tu̧kua̧ pä'ü pojopü ȩmi̧nä̧u̧ru̧ pä'üsä: Jä'o Dio ja̧'wa̧ta̧nü̧ Tu̧ru̧wa̧ Jesucrito iyü adiwä juei wȩnȩ juiyü kkä̧tu̧kua̧ku̧ pä'üsä.

San Lucas 11:1

Ya'utenä̧, Jesú-mä̧ yo̧mȩtȩttü̧ Dio-rü ukuoku kädäja'a, u̧wo̧juȩtä̧u̧ttü̧ ya̧tȩ ichi'ü päinä̧ku̧: —Chu̧ru̧wa̧, Ju̧a̧ u̧wo̧juȩtä̧u̧rü u̧wo̧juȩti̧nü̧ta̧'a̧nü̧ Dio-rü ukuokuäkuäwä wo̧juȩti̧tü̧.