San Lucas 10:40 - Nuevo Testamento Uwotjüja

⁴⁰ Ja̧'wa̧nü̧ ja̧'a̧nä̧, Marta-mä̧ kkaditäwä rekuäkua Jesú-ru 'chä̧wi̧'ü̧ pä'inä̧ju̧: —«Chu̧ru̧wa̧ ¿Uku päkumä̧, kkatätä chadita'anä̧ chijäwaju ppäjädoka'amä̧ adiwa'a? ppäjädattü ji'äwiju.»

TÄ̧DO Ä̧CUÄ̧ I̧HUȨNȨ

⁴⁰ Ja̧'hua̧nö̧ ja̧'a̧nä̧ Martamä rö̧ȩnä̧ kaditähuätä aditinäjudo. Ja̧'hua̧nö̧ ja̧'a̧ Jesúsru tö'cö 'chä̧hui̧'ö̧ pä'inäjudo: —Chu̧ru̧hua̧, ¿chöjähuaju ttörö ppäjädoca'amä, adihua'a tä̧ji̧, ucurumä? Katätä aditäjusä o'ca juiyönä adicuä. Ppäjädattö ji'ähuiju.

San Lucas 10:40 Referans Kwoze

San Juan 6:27

Ku̧kuȩtu̧ku̧ beipächünä̧mä̧ kuaditätukuä, jua̧u̧ ja̧jü̧jueimä̧ kuäkuäwä beipächokü, kkä̧kuä̧wä̧ i'ko iyinü̧tä̧ aditätukui. Ja̧'wa̧nü̧ jü̧ ja̧'a̧, kuäkuäwä ubo I̧tti̧ ukuturu i̧yä̧kuȩmä̧, isopäi'ünä̧ Jua̧u̧nä̧ pätetü u̧ju̧ni̧na̧'a̧ttü̧, Jä'o Dio-mä̧.

San Lucas 12:29

Ja̧'wa̧nü̧ ja̧'a̧ttü̧, kua̧'kua̧ tta̧kuȩkuä̧tu̧kuä̧, däjé tukuäkua'ajó ja̧'wa̧ta̧nü̧ däjé tawäkua'ajó pä'ü, kua̧'kua̧ ro'ekumä̧.

San Mateo 16:22

Ja̧'wa̧nü̧ jiäwäjiyäku Peduru-mä̧, kkoromȩku̧ o'ipächü i̧'chü̧ juiya pä'ü ukuokuinä̧ku̧: —¡Chu̧ru̧wa̧, jua̧u̧ 'kuäopaku pä'ümä̧! ¡Dio-mä̧ pä̧wä̧juiyäkü!

San Mateo 14:15

Täkü ni̧pä̧chi̧yä̧u̧, u̧wo̧juȩtä̧u̧mä̧ 'chä̧wi̧'ü̧ Jesú-ru pä'inä̧tü̧: —Täkü ni̧pa̧ro̧mȩ ja̧'a̧, ttü̧ja̧'i̧nä̧ tü'künä̧mä̧ tomȩ ja̧'a̧. Ttü̧ja̧rü̧mä̧, ütawiyära̧'a̧ku̧ we'ü ikuitü ttu̧kuȩ ttȩmä̧ja̧.

San Lucas 9:55

Ja̧'wa̧nü̧ pättiyäku Jesú-mä̧, kkärächi'ü wopi'ünä̧nü̧ päinä̧u̧: Ukutumä̧, ku̧jä̧tu̧ku̧ epíritu jäwämä̧ jerupätüjä̧.

San Marcos 3:21

Jua̧u̧ jȩü̧ ä̧ju̧kui̧päjä'kotü, Jesú awaruwämä̧, amükuädü jui'ächächü 'kua̧ra̧'a̧, pä'ü ȩmü̧ ttichinä̧ku̧.

San Lucas 10:38

Mä̧nä̧nä̧ tti̧'chä̧ja̧'a̧, Jesú-mä̧ ütawiyä a̧'u̧kuo̧mȩ doächi'omȩnä̧; yajute Marta pä'ü mi̧kuaju kkojusodenä̧ dojädinä̧ku̧.

San Lucas 10:41

Päjiyäku, Jesú-mä̧ ädätinä̧kua̧: —Marta, Marta kuaditäwänä̧tä̧ kua̧'kua̧ ro'ekuäjujä̧.

San Juan 11:1

Ya̧tȩ Betania ütawiyä ttü̧ja̧sa̧ na̧'ä̧chi̧nü̧, María kkubüa Marta-ku ttidepiyu i̧sa̧, Rázaru pä'ü mi̧kua̧, juäjutä kki̧jä̧wa̧.

San Juan 11:5

Jesú-mä̧ Marta-rü'i̧nä̧, kkijäwaju María-rü'i̧nä̧ ja̧'wa̧ta̧nü̧ Rázaru-rü'i̧nä̧ rü̧ȩnä̧ repe'inü̧,

San Juan 12:2

Juorü Jesú-ru eseu ttu̧kuȩ kuinä̧tü̧; Marta-mä̧ ttu̧kuȩ iyä'chinä̧ju̧ ja̧'wa̧nü̧ ja̧'a̧ Rázaru'i̧nä̧ juätütäku mesa isodänä̧ pä̧nü̧ u̧kuȩ kuinü̧.