San Lucas 10:37 - Nuevo Testamento Uwotjüja

³⁷ Jäepäku weäwä wȩnȩ wo̧juȩkuä̧ i̧sa̧mä̧ ädätinü̧: —Churutä rȩrü̧jü̧ topü ppä'ädinü̧ päjitä ja̧'a̧: Ädätiyäku, Jesú-mä̧ päinä̧ku̧: Uku'i̧nä̧ ja̧'wa̧nü̧tä̧ jȩ'kua̧jä̧.

TÄ̧DO Ä̧CUÄ̧ I̧HUȨNȨ

³⁷ Moisés hueähuä huȩnȩ huo̧juȩcuä̧ i̧sa̧ pä'inödo: —Ja̧u̧ru̧ re rö̧jö̧nä̧ topäjitä. Ja̧'hua̧nö̧ ja̧'a̧ Jesús pä'inödo: —Ucu'inä ja̧'hua̧ta̧nö̧ jȩpä̧ji̧.

San Lucas 10:37 Referans Kwoze

1 Pedro 2:21

Pi̧yȩtä̧ pätetü Dio-mä̧ woinä̧u̧jä̧, täkü Crito-mä̧ ukutunä̧ usurä ȩmä̧wi̧nü̧, jȩi̧nü̧'a̧kuä̧ jȩ'kuä̧tu̧kua̧ pä'ü iyipümä̧.

2 Corintios 8:9

Täkü, ukutumä̧ wo̧juä̧tü̧jä̧ Tu̧ru̧wa̧ Jesucrito, ru̧wa̧ ja̧'a̧nä̧ ukuturu repe'ü usurä i̧sa̧ juoinü̧mä̧; Jua̧u̧ usurä i̧sa̧ juoinü̧nä̧mä̧, ukutu ruwotü juokuätukua pä'ü ji̧na̧'a̧.

San Mateo 23:23

¡Isottü̧ ukutuwe, weäwä wȩnȩ wo̧juȩtä̧tü̧mä̧, fariseo wotümä̧, ä'koyättütä esetätüjä̧! mentattü'i̧nä̧, anísttü̧'i̧nä̧, comino-ttü̧'i̧nä̧ o'kajuiyünä̧tä̧ diezmo-mä̧ kuiyätukua'anä̧, ji̧nä̧so weäwä wȩnȩttü̧ ukuo jäwämä̧ jäyä kku̧ni̧pä̧tü̧jä̧: adiwomȩnä̧, rȩrü̧jü̧nü̧ topü, tta̧'kua̧ wȩnä̧rü̧ jȩä̧kuä̧wä̧mä̧. Jua̧u̧mä̧ iweye jȩtta̧ pä'ü rekuä rü̧ja̧'a̧ ja̧'wa̧nü̧ ja̧'a̧nä̧ pi̧yȩ'i̧nä̧ jȩpü̧ kkä̧nü̧.

Efesios 5:2

Eseäkuäutä kka̧kuä̧tu̧kui̧, Crito ujuturu esewinü̧ta'anü̧; ja̧'wa̧nü̧ repe'ümä̧, ujutu jäwänä̧ ofrenda jü̧nä̧, sacrificio jü̧nä̧, Dio-rü adiu a̧mȩu̧nä̧ iyäkuäwinü.

Apocalipsis 1:5

Ja̧'wa̧ta̧nü̧ Jesucrito, jueü wȩnȩ jiäkuäwä i̧sa̧, wa'inä̧tü̧ttü̧ ä̧kuo̧mȩnä̧ tto'ächinü̧ ja̧'wa̧ta̧nü̧ pi̧jä̧ ruwotü'i̧nä̧ ttu̧wä̧mȩnä̧ wa̧ ȩmi̧nä̧u̧jä̧. Jua̧u̧tä̧ ja̧'a̧ ujuturu repe'ü, suronä̧ jȩtü̧'i̧nä̧ ukuojanä̧ tükü ikuinü̧mä̧.

San Mateo 20:28

Ttü, Ubo I̧tti̧ chüta'anü̧, ttümä̧ weda pä'ümä̧ ichokü pinü̧sä̧, pärokua'aku ttu̧mü̧wä̧ya̧ jü̧nä̧tä̧, rekuätürü ppä'ädü iku cha̧'kua̧rü̧ iyäu ichinü̧sä̧.

San Lucas 10:36

¿Uku päkumä̧, pitü wä̧mȩtukuä päjätüttümä̧, pide suronä̧ jȩtti̧nä̧ku̧ päji a̧wa̧ru̧wa̧mä̧, tide ji̧na̧'a̧jä̧ttü̧?

San Lucas 10:38

Mä̧nä̧nä̧ tti̧'chä̧ja̧'a̧, Jesú-mä̧ ütawiyä a̧'u̧kuo̧mȩ doächi'omȩnä̧; yajute Marta pä'ü mi̧kuaju kkojusodenä̧ dojädinä̧ku̧.